Gɨye-lɔɔ 13:10 - Gabri Maja

¹⁰ bɨ ban yey hɨn̰: «Ji na ungo gɨ terɨn̰ walɨn̰ kuduron̰ bɨ, ba-jɨba bɨ, ji na kurɨn̰ Haban̰ bɨ, ji na ba-baa gɨ da hɨnga ga dan̰ durɔ ɗɨngar bɨ, kɛ ji gɨ ɗɔɔ kɔngɨdɛ gɨyəŋ gɨ dan̰ durɔ ɗɨngar gɨ da Ba-gulɔŋ le baa naŋ ga?

Gɨye-lɔɔ 13:10 Խաչաձեւ Հղումներ

Matɨyo 13:38

Yage le, na kalaŋ ga cay gɨsəŋ gaŋ. Gasi-gɨse ga kuɗa le, na kalaŋ ga a boy dɔɔ-ƴaa di daa nii dɨŋ. Tɨngɨrɨn̰ le, na kalaŋ ga da Haban̰, Ba-lɔɔ ɨsɨna.

Matɨyo 15:19

Kɨya wa ɨrɨme ga ɨsɨn bɨ, ɨrɨme gɨ ni dɨɗɨn̰ ungo bɨ, yɔyɛ tama wala bara gɨ da mɨgan̰ bɨ, gɨye lɔɔ gɨ da yɔyɛ dan̰ gangɨ caa bɨ, geye hase bɨ, pɔyɛ kɔl se cay kalaŋ bɨ, yagɨde kɨɗɨn̰ bɨ, saygage na kuduroy ungo.

Matɨyo 23:13

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis bɨ, Parɨsɨn̰an̰əŋ bɨ, ga ka-yɔɔ-kɔl-kɨbɨgɨŋ-sɔɔ-sɔɔ le! Kɨya wa kɨŋ lɨgɨ kɨbɨ dɔɔ-ƴaa di daa nii daa cay kalaŋ coŋ. Kɨŋ kalɨn̰ ma, kɨŋ andaŋ nee naŋ bɨ, kan ga geyge andaŋ nee kalɨn̰ ma, kɨŋ narge andaŋ nee coŋ bɨ.

Matɨyo 3:7

Kɨɗɨn̰ ga Ja̰ sol kondɨwadi Parɨsɨn̰an̰əŋ bɨ, kondɨwadi Sadusɨn̰ɛn̰əŋ bɨ, ga ɨrgage gusii ɗe ban na leege batɛm le na, ban yege hɨn̰: «Kɨŋ, te wɔɔ gɨ da karin̰əŋ, kɛ na waŋ ba gɨlgɨŋ gɨyəŋ gɨ ni gɨrɨn̰ mɨn̰ɨn̰ kuduroy-hɔmɛ da Kumu di ba kɨya caga le ga?

Kɔl-gɨ-Ɗari gɨ Lug wal 11:39

Ba-gulondɨna ba sol ɨrɨmedi hɨn̰ wo̰ na yeyi hɨn̰: «Kɨŋ Parɨsɨn̰an̰əŋ le kɨŋ pɨl kardi kobo kagɨŋ ga ni son̰ kaŋ bɨ, kɔjɛ kagɨŋ ga ni don̰ hɨnga bɨ, arɨn̰ cərərə, ama tabɨlaŋdi hase bɨ, kuduroy ɨndɨwa bɨ, walɨn̰ kuduroygɨŋ daa jɨŋ jɨŋ.

Kɔl-gɨ-Ɗari gɨ Lug wal 11:52

«Cɨn̰-n̰age kɨya bɔɔ caygɨŋ, kɨŋ ka-gɨlɨn̰ kalaŋ gasɨn̰-kɔl gɨ da Moyis! Kɨya wa kɨŋ ay dan̰ lakɨle ga ni hangɨn̰ kɨbɨ ƴaa hɨnga-sɔlɛ gɨ ojɨ cay Kumu kobɨgɨŋ; kɨŋ kalɨn̰ ma magɨŋ andaŋ a boy hɨnga-sɔlɛ gaŋ ga da Kumu naŋ bɨ, kɨŋ narɨn̰ kalaŋ ga gey ɔrɛ nee bɨ.»

Kɔl-gɨ-Ɗari gɨ Ja̰ wal 1:23

Ɨni na, ban jɨga yege hɨn̰: «Ɨŋ-bandi, ɨŋ na noy ungo gɨ ba tɔgɛ bɛrnɛ a duroy daldɨŋ: “N̰anagɨŋ gɨyəŋ gɨ da Ba-gulɔŋ ɗe ɨre dan̰ durɔ ɗɨngar” Hɨn̰ gɨ Ijay ba-yɔɔ-kɔl-gɨ-Kumu-ba-yɔɔ ba ye wo̰.»

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Gɨye-lɔɔ 20:30

Bɨ duroygɨŋ kɨŋ-gandi gusɨgɨŋ kogɨŋ gaŋ kalɨn̰ ma, kalaŋ ga pɨna kɨya sɔ gɨ ni dɔrɛ kɔl poy gɨ ni dorɨn̰ ka-aye-cay-tɨbay Jesu bogɨge kardɨge bɨ.

2 Korɛ̰t 11:3

Ama ni sol gɨ kumbulo nar Ɛbə na dan̰ gɨyəŋ gɨ da jɨba toy bɨ haw kɛ na, hundɔrɔ ləŋ kol caygɨŋ. Gajanaŋ ungo da mɔndɛ ɨrɨmedɨgɨŋ bɨ, kɨŋ da curoŋ a te gɨyəŋ gɨ ni kɔbɛ Kɨris dan̰ geye gɨ cɨndi bɨ, gɨ duroŋ mɨra bɨ.

Galad 1:7

Leen̰ cɨndi na, Kɔl-gɨ-Ɗari gɨ ɗaŋ unɔ, ama ɨŋ yəgɨŋ kɔl gɨ nee le hɨn̰ wo̰, na kɨya cay kalaŋ ga ka-tɔbɨdɛ kɔl duroygɨŋ. Kan geyge bɨle kɔl gɨ ɗari gɨ da Kɨris le ɗaŋ.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

2 Pɨyɛr 2:15

Kan ɗege gɨyəŋ gɨ dan̰ durɔ ɗɨngar coŋ, lee gɨ kan kayaŋge. Kan ayge gɨyəŋ gɨ Balam kurɨn̰ Bosor ba ay le. Balam gɨ nee le, lee gusi-mɔwa kɨya cay gursu di ni cay-kɔbɔ di ban way te gɨye-lɔɔdi gɨ dan̰ durɔ ɗɨngar naŋ gɨ ban lee le.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.