Gɨye-lɔɔ 10:11 - Gabri Maja

¹¹ Ban sol gɨɗɨgɨ-Kumu hangaŋ bɨ, hɨnga ga pɨna wo̰ andɨgaŋ duroy nee gɨsɨngɨ jɨn̰ dugo bɨrɨŋ dugo gɨsəŋ. Hɨnga ga nee le, woy gɨlɨn̰ na hɨn̰ kɨbɨ badɨge ga gumu ga kan ƴom tɨbɨn̰dɨge ga poɗɨn̰ wo̰.

Gɨye-lɔɔ 10:11 Խաչաձեւ Հղումներ

Matɨyo 8:11

Aŋ yəgɨŋ, kalaŋ dan̰ kondɨwayge kɨya sɔge jɨn̰ te kumu dan̰ kɨɗɨn̰ ɗɔbɛ ga da tɨwa bɨ, ɨrgage sɔmɛge kɨbɨ hɨnga ga ni dɔɔ ga ni gusi-mɔwa ga gumu, dan̰ Abɨraham bɨ, Isag bɨ, Jagob bɨ, boy dɔɔ-ƴaa di daa nii dɨŋ.

Kɔl-gɨ-Ɗari gɨ Lug wal 3:21

Wɔlɛ gɨ pɨna wo̰, pa dɨm ma kan kɨya ƴɔmɛge Ja̰ dangay dɨŋ ƴee na, ban leen̰ kalaŋ nɔm ga ba ɨrgage gusi batɛm bɨ, Jesu kalɨn̰ ma ɨrga gusi ɗe ban na leeyi batɛm bɨ. Kɨɗɨn̰ ga Jesu ɨre ol Kumu ɨni na, gɨɗɨgɨ-Kumu hangaŋ pɨraŋ.

Kɔl-gɨ-Ɗari gɨ Ja̰ wal 1:51

Jesu dɨbɨge cay nee coŋ yege hɨn̰: «Jagɨŋ, aŋ yəgɨŋ daa waŋ na cɨndi, kɨŋ kɨya sɔlɛ gɨɗɨgɨ-Kumu hangaŋ bɨ, ka-ƴɔbɛ ga da Kumu kɨya nɔɔge jɨn̰ daa bɨ, gɨsɨnege jɨn̰ dugo bɨ, canɨ ɨŋ-bandi Kurɨn̰-ungo le.»

Kɔl-gɨ-Ɗari gɨ Ja̰ wal 11:52

Bɨ na kɨya cay ɗarwa di da te wɔɔ gɨ da kalaŋ ga na Jubɨn̰əŋ dan̰ kan̰dɨge naŋ. Ama na kɨya cay ɗarwa di da karɨn̰ Kumu ga sugudoŋge, ɗe na dayaŋge daa bɨləŋge kuyoŋ-gusu gɨ pɨna.

Kɔl-gɨ-Ɗari gɨ Ja̰ wal 12:32

Ama ɨŋ-bandi le, kɨɗɨn̰ ga kan kɨya seŋge daa a cay sɨya-gɨ-dagɨli gɨŋ na, ɨŋ kɨya dɔrɛ kalaŋ nɔm ɨrgan̰ danage gusɨnɨ.»

Gɨye-lɔɔ 10:12

Kɨmɛnɛ nɔm ga tɨbayge poɗɨn̰ bɨ, ga n̰ar dugo nɔm bɨ, cɨɗəŋ nɔm bɨ, woy boy kɨbɨ badɨge ga gumu gaŋ le.

Gɨye-lɔɔ 11:5

Kɨɗɨn̰ ga ɨŋ som ol Kumu a boy cay ƴaa-di-gumu di Jope dɨŋ ɨni na, ɨŋ sol hɨnga buyoŋ cɨnɨ hɨn̰ dḛḛ wo̰ woy gɨlɨn̰ hɨn̰ kɨbɨ badɨge ga gumu ga ƴomge tɨbɨn̰dɨge ga poɗɨn̰ wo̰, sayga gɨɗɨgɨ-Kumu gɨŋ daa gɨsɨngɨ bugoŋ mɨnde gusɨnɨ.

Gɨye-lɔɔ 7:56

Etɛn ye hɨn̰: «Sɨlagɨŋ, ɨŋ sol gɨɗɨgɨ-Kumu hangaŋ pɨraŋ bɨ, Kurɨn̰-ungo ɨre dan̰ tɨbayi daa a cay kobɨ Kumu gɨ bara gɨŋ bɨ.»

Magtubu di Pol wal bɨn̰ kalaŋ ga Rɔm 1:16

Dasi daŋ a te tɔgɛ bɛrnɛ di da Kɔl-gɨ-Ɗari gɨŋ naŋ bɨrɨŋ. Kɨya wa Kɔl-gɨ-Ɗari na dɔnɔ di da Kumu di ni poɗɨn̰ kalaŋ nɔm ga beege kuduroyge a cay Kɨris, Jubɨn̰əŋ cay wase bɨ, kalaŋ ga toyge na Jubɨ naŋ kardi nee bɨ.

Magtubu di Pol wal bɨn̰ kalaŋ ga Rɔm 9:4

Kan na te wɨn̰je gɨ da Ɨsɨrayɛl. Na kan ma na te wɔɔ gɨ Kumu torge ɗe na bɨlege karɨn̰ Kumu bɨ, na kan ma ban gɨlge gusoŋ-tɔgɛ koyi bɨ, na kan ma ban saɗɨ kɨbi pɨna danage bɨ, na kan ma ban bɨge gasɨn̰-kɔl kayi bɨ, na kan ma ban gɨlge gɨyəŋ gɨ ni n̰ɨrii bɨ, na kan ma ban yege kɔl hɨnga ga ɗi na kɨya bɨge bɨ.

Galad 2:15

Ni-gandi gusɨni kalɨn̰ ma, ni na te wɔɔ gɨ da Jubɨ cən̰ wala ni na a te wɔɔ gɨ da kalaŋ ga sɨlage gasɨn̰-kɔl gɨ da Kumu naŋ, ga na kalaŋ ga toyge na Jubɨ naŋ, le naŋ.

Galad 3:28

Haw kɛ na, Jubɨ unɔ bɨ Gɨrɛg unɔ bɨ. Guyɔŋ unɔ bɨ ungo gɨ cayi kalɨn̰ unɔ bɨ. Bara unɔ bɨ tama unɔ bɨ. Kɨya wa kɨŋ nɔm kɨŋ woy na hɨn̰ ungo gɨ pɨna wo̰, kɨya wa kɨŋ bugoŋ pɨna dan̰ Jesu-Kɨris.

Epɛs 1:10

Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

Epɛs 3:6

Kɔl gɨ woy kɨɗɨn̰ wɔsɛdi gɨŋ le ba kɛ: Dan̰ gɨyəŋ gɨ da Kɔl-gɨ-Ɗari le, kalaŋ ga toyge na Jubɨ naŋ kalɨn̰ ma wayge ɗarwa dan̰ kalaŋ ga toyge na Jubɨ pɨna bɨ. Kan na kuyoŋ-gusu gɨ pɨna hayi danage bɨ, dan̰ te bugoŋ pɨna dan̰ Jesu-Kɨris kona le, hɨnga ga Kumu ye gɨ ɗi na kɨya bɨn̰ kalaŋ ga toyge na Jubɨ le, kalaŋ ga toyge na Jubɨ naŋ kalɨn̰ ma kɨya wɔɔge danage nee bɨ.

Kɔlɔs 3:11

A boy sɔmɛ-bɨra gɨ hɨrɨwa gɨ nee le, dɔrɛ cɨn̰ kɨɗɨn̰ unɔ, duroy kalaŋ ga na Jubɨn̰əŋ dan̰ kalaŋ ga na Jubɨn̰əŋ naŋ, duroy ka-wale ban̰a dan̰ ka-wale ban̰a naŋ, duroy kɨrga dan̰ ba sɔ caa gɨŋ, duroy guyɔŋ dan̰ ba-sɔmɛ cayi kalɨn̰. Ama na Kɨris pɨna hayi ƴɔbɨ mana hɨnga nɔm, duroy hɨnga nɔm.

Wasɨn̰a 11:19

Kardi nee na, kɨbɨ-ƴaa gɨ da ƴaa-di-da-Kumu gɨ a gɨɗɨgɨ-Kumu gɨŋ hangaŋ, lee gɨ sandugu di ni saɗe kɨbɨ pɨna ɓɨse gusu woy doŋ. Kɨɗɨn̰di ga nee gaŋ le, Kumu wɨlɨn̰de bɨ, adɨlde bɨ, noy ungo ye bɨ, cay gɨsəŋ sayde den̰ den̰ bɨ, gɨna gɨ da kaŋdi Kumu kondɨ laydaŋ bɨ.

Wasɨn̰a 19:11

Kardi nee, ɨŋ sol gɨɗɨgɨ-Kumu hangaŋ. Gaa ma, ɨŋ sol hɨnda gɨ bɛrɛ. Ungo gɨ ba nɔɔ cay hɨnda le gusondi na, ba-ɨre a cay tɨbayi dɨŋ bɨ ungo gɨ hɨnde bɨ. Ban boy kɔl bɨ lee kɨmbɨl bɨ na dan̰ durɔ ɗɨngar.

Wasɨn̰a 4:1

Kardi hɨnga ga nee le na, ɨŋ sol hɨnga ga ɗaŋ coŋ. Ɨŋ sol kɨbɨ-ƴaa di gɨɗɨgɨ-Kumu dɨŋ hangaŋ. Ɨŋ je noy ungo gɨ naa tumɔ ba ye kɔl danaŋ le ye hɨn̰ burun̰ji wo̰. Ungo gɨ nee le, ye hɨn̰: «Naya jɨn̰ gusɨnɨ kɛ aŋ gɨlɨn̰ hɨnga ga naa wa wa kalɨn̰ ma kɨya caga kardi nee le.»