Əbɨro 9:26 - Gabri Maja

²⁶ Hɨn̰ gɨ na wɨya naa hɨn̰ wo̰ na, ayɨn̰ toy gɨ Kumu ɗen̰ gɨɗɨgɨ-Kumu bɨ, cay gɨsəŋ bɨ bɨrɨŋ gɨsɨn̰ haw kɛ le, ojɨ gɨ Kɨris ni kɨya sɔlɛ cɨn̰-gɨle-cɨn̰ tɨba nee nee. Ama haw kɛ gɨ na kagadi wɔlɛ le, ban ɨrga gɨl-cɨn̰ na cay pɨna ƴɔbɨ. Kɨya mondɨn̰ ɨsɨna coŋ dan̰ gɨyəŋ gɨ da gusi koyi gɨ ban ay been̰ kɨbar le.

Əbɨro 9:26 Խաչաձեւ Հղումներ

Matɨyo 13:39

Ba-baa gɨ ba-gɨse tɨngɨrɨn̰ le, na Haban̰. Wɔlɛ gɨ ni walɨn̰ cay gasa le, na kagadi wɔlɛ. Bɨ ka-wale cay gasa le, na ka-ƴɔbɛ ga daa nii bɨ.

Matɨyo 13:40

Hɨn̰ gɨ kan ba sarɨn̰ge tɨngɨrɨn̰ kɨya ule le, hɨnga ga ba kɨya lɔɔ gusɨge a kagadi wɔlɛ gɨŋ le, kɨya wɔyɛ na hɨn̰ wo̰ bɨ.

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Kɔl-gɨ-Ɗari gɨ Ja̰ wal 1:29

Wan̰dodo dɨŋ ɨni na, Ja̰ sol Jesu ɨrga jɨn̰ gusi, bɨ ban ye hɨn̰: «Sɨlagɨŋ kurɨn̰-dɨmangɨ gɨ da Kumu gɨ ba-dɔrɛ ɨsɨna gɨ da kalaŋ ga cay gɨsəŋ gaŋ.

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

1 Korɛ̰t 10:11

Hɨnga ga nee le nɔm andaŋ cayge ɗe na won̰ sɨman̰ bɨ, walge dugo duroy magtubu dɨŋ ɗe na sog sɨmayna na-gandi ga na ba woy kɨbɨ kagadi wɔlɛ gɨŋ bɨ.

Galad 4:1

Sɨlagɨŋ ɨrɨme hɨnge ba kɛ, kɨye gɨ ba-ƴɔɔ hɨnga ga ni ban̰di-gulɔŋ ga da bayi le, kɨɗɨn̰ ga cɨndi ba karma ƴee na, ban na ba-gulɔŋ hɨnga nɔm hayi, ama ban woy na hɨn̰ guyɔŋ wo̰, kɨya wa ban som na tumoy bay.

Epɛs 1:10

Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 1:2

Ama a wɔlɛdi gɨ haw kɛ gɨ kardi nee gɛs na, Kumu yena kɔl na dan̰ gɨyəŋ gɨ da Kurondi gɨ ban dorii si ba-gulɔŋ hɨnga nɔm bɨ. Na danayi ban ɗaŋ coŋ ma, Kumu sɨn̰ gɨɗɨgɨ-Kumu dan̰ cay gɨsəŋ dan̰ hɨnga nɔm ga boy nee bɨ.

Əbɨro 10:10

Jesu-Kɨris lee hɨnga ga kuduroy Kumu gey ɗəndəŋ. Kuyoŋdi-gusi gɨ ban ay been̰ kɨbar cay pɨna ɗɔɔ dan̰ cɨndi le, dorna mɨra te ɨsɨna gɨŋ.

Əbɨro 10:12

Ama ban Jesu-Kɨris na, ay gusi been̰ kɨbar na cay pɨna ɗɔ ƴɔbɨ. Ɗe hɨnga ga ni bogɨn̰ kɨbar kayi na wɨya dan̰ tumoyge yɔd kɨya cay ɨsɨnan̰əŋ. Kardi nee ɨni na, ban som na kɨway Kumu cay kobi gɨ bara gɨŋ dan̰ tumoyi.

Əbɨro 10:26

Gɨlnage sɔlɛ kɔl gɨ cɨndi. Ma hɨn̰ wo̰ kalɨn̰ ma, na na laa ɨsɨna dan̰ kuduroy geye kona cɨndɨna tumɔ tumɔ na, hɨnga ga ni bɔgɛ kɨbar ga ɗaŋ wo̰ ga kɨya dɔrɛ ɨsɨna kona unɔ.

Əbɨro 10:4

Kɨya wa kɨbardi sɨn̰əŋ ga ban̰aŋ bɨ, kugan̰əŋ bɨ, ɓala dɔrɛ ɨsɨna koge le coŋ naŋ bɨrɨŋ.

Əbɨro 4:3

Na-gandi ga na ba ay kuduroynagɨŋ le, na kɨya andaŋ a kɨɗɨn̰ dɔrɛ gɨlale gaŋ ga Kumu ye koldɨge yen̰ hɨn̰: «Kɨɗɨn̰ ga kuduroy-hɔmɛ ləŋ le ɨŋ ɓɨse gusɨnɨ ye hɨn̰: “Kan kɨya dɨbe tɨbayge, Kɨɗɨn̰ dɔrɛ gɨlale kange gaŋ naŋ bɨrɨŋ.”» Na sol gɨ dɔrɛ gɨlale woy nee kɨya gɨ te gɨye koyi le ayaŋ ayɨn̰ toy gɨ ban sɨn̰ cay gɨsəŋ.

Əbɨro 7:27

Jesu wɨya gɨlɨn̰ na hɨn̰ te mangɨl gɨ da ka-cay ka-bɔgɛ kɨbar ga ɗaŋ wo̰ naŋ. Ban na ba-bɔgɛ kɨbar gɨ dan̰ wɔlɛ pɨna pɨna kol ɨsɨna koyi bɨ, kol ɨsɨna gɨ da karɨn̰ Ɨsɨrayɛl bɨ, naŋ. Ban bee kɨbar gɨ nee le, na cay pɨna wo̰ ƴɔbɨ, kɨɗɨn̰ ga ban ay gusi be leen̰ hɨnga ga ni bogɨn̰ kɨbar.

Əbɨro 9:12

Kɨris andaŋ a kɨɗɨn̰ ga woy dan̰ cɨndɨge cɨla gaŋ ga Kumu ɨre nee, na cay pɨna ƴɔbɨ dan̰ cɨndi. Ban andaŋ nee na dan̰ kɨbar gɨ da kugan̰əŋ naŋ bɨ, karɨn̰ sɨn̰əŋ naŋ bɨ, ama na dan̰ kɨbardi koyi. Na hɨn̰ wo̰ ma ban dorna beena daa kɨbɨ ɨsɨna konagɨŋ dan̰ tumoyna.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.

1 Pɨyɛr 2:24

Kɨris dan̰ gusi koyi gaŋ lobɨ ɨsɨna konagɨŋ cayi a cay sɨya-gɨ-dagɨli gɨŋ, ɗe ana na ɗen̰gɨŋ ɨsɨna coŋ yɔd bɨ, leen̰gɨŋ gɨye lɔɔ gɨ da kalaŋ ga dan̰ durɔ ɗɨngar. Kɨŋ way pɔɗɛ na dan̰ gɨyəŋ gɨ da ɨya di ban wayi.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

1 Ja̰ 3:5

Kɨŋ sol gɨ Jesu-Kɨris ɨrga na kɨya dɔrɛ ɨsɨnan̰əŋ ga a cay gɨsəŋ gaŋ. Ama ban na, ɨsɨna pɨna wo̰ kalɨn̰ ma unɔ a gusi.

1 Ja̰ 3:8

Waŋ waŋ gɨ na laa ɨsɨna na, na ungo gɨ da Haban̰, kɨya wa Haban̰ na ɗe-lɔɔ ɨsɨna a toyi dɨŋ ɓɨrag. Na toy di hɨn̰ wo̰ ma Kurɨn̰-Kumu ɨrga a cay gɨsəŋ gaŋ kɨya mondɨn̰ gɨye-lɔɔ gɨ da Haban̰.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.

Wasɨn̰a 17:8

Kɨmana gɨ ji ba sɨlgayi le, tumɔ ban woy nee. Ama haw kɛ ban unɔ. Ban kɨya sɔ a te umboŋ gɨ ɗɨgi mɨrɨg gɨ kagadi unɔ gɨŋ andɨgaŋ doŋ bɨ, ɔrɛ kɨɗɨn̰ mundoŋ gaŋ. Kalaŋ ga gusondɨge unɔ a duroy magtubu sɔmɛ-bɨra gɨŋ, ayɨn̰ toy gɨ ɗen̰ge cay gɨsəŋ le, kan kɨya sɔlɛ kɨmana le bɨ, kɔl kɨya kayge gɨɗaŋ kɨya wa a boy wɔlɛ gɨ tumɔ gɨŋ ban woy nee bɨ haw kɛ ban unɔ, ama ban kɨya jɨga.