Əbɨro 9:24 - Gabri Maja

²⁴ Ho’o, kɨɗɨn̰ ga woy dan̰ cɨndɨge ga Kɨris andaŋ boy nee le, na ga kobɨ ungo ba lɔɔ naŋ. Kɨɗɨn̰ ga nee le na turnoy hɨnga ga cɨndi ƴɔbɨ naŋ. Ama ban andaŋ a gɨɗɨgɨ-Kumu gɨŋ jada ɗe na ɨrɨn̰ tumoy Kumu kol cayna boy tɨwa di haw kɛ dɨŋ.

Əbɨro 9:24 Խաչաձեւ Հղումներ

Matɨyo 18:10

«Duroy karɨn̰aŋ ga n̰en̰əŋ ga kɛ le, kɨŋ ɗɔɔ ba-dɔrɛ cɨn̰ gɨ pɨna duroyge. Əw, aŋ yəgɨŋ a gɨɗɨgɨ-Kumu gɨŋ daa nii na, ka-ƴɔbɛ kage ga daa nii ɨrege dan̰ tumoyge a tumoy Banɨ gɨ som a daa nii kɨya cayge.

Marg 14:58

«Ni-gandi ni je gɨ ban ye hɨn̰: “Ƴaa-di-da-Kumu di kɛ di kalaŋ gaɗɨge le, ɨŋ-bandi ɨŋ kɨya dɔsɛ coŋ bɨ duroy wɔlɛ sɨbɨ na, ɨŋ kɨya gaɗe di ɗaŋ di ungo laa dan̰ kobi naŋ.”»

Marg 16:19

Kardi nee kɨɗɨn̰ ga Ba-gulɔŋ Jesu dɨɗɨ kɨbɨ yɔɔ kɔl danage ɨni na, Kumu ayi orɨn̰ danayi gɨɗɨgɨ-Kumu gɨŋ, lee gɨ ban som kɨway bay a cay kobi gɨ bara gɨŋ.

Kɔl-gɨ-Ɗari gɨ Lug wal 24:51

Kɨɗɨn̰ ga ban tor-kɨbi a cayge ban̰ nee ƴee bɨ ga ma, ban ɗege bɨ Kumu ayi orɨn̰ daa nii.

Kɔl-gɨ-Ɗari gɨ Ja̰ wal 16:28

Ɨŋ sayga na gusi Banɨ nii, ma maŋ ɨrga a cay gɨsəŋ gaŋ kɛ. Haw kɛ ɨŋ kɨya sɔ cay gɨsəŋ gaŋ kɛ, jɔgɛ gusi Banɨ.

Kɔl-gɨ-Ɗari gɨ Ja̰ wal 6:62

Ma hɨn̰ gɨ kɨŋ na sɨla Kurɨn̰-ungo dan̰ cɨndɨgɨŋ, saa ɨra sɨma a kɨɗɨn̰ sɔmɛdi ga tumɔ gaŋ le kɛ, gɨ ƴomgɨŋ isi cɨla coŋ naŋ ga?

Gɨye-lɔɔ 3:21

Pa dɨm ma ɗe wɔlɛ gɨ nee le na ɨrga ƴee na, naa wa wa kalɨn̰ ma Jesu kɨya sɔmɛ a daa nii bɨrɨŋ gɨsɨn̰ wɔlɛ gɨ Kumu kɨya bɨlɨn̰ hɨnga nɔm leen̰ ga hɨrɨwa, hɨn̰ gɨ ban ba ye jɨne hayi dan̰ te tumɔ di da ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge le.

Magtubu di Pol wal bɨn̰ kalaŋ ga Rɔm 8:33

Kɛ na waŋ ba kɨya se kɔl a cay kalaŋ ga Kumu torge ga? Ungo wo̰ unɔ! Kumu gusi ba bɨlge leen̰ kalaŋ ga dan̰ durɔ ɗɨngar.

2 Korɛ̰t 5:1

Kuyoŋdi-gusɨna na ƴaa tona di a cay gɨsəŋ gaŋ kɛ di woy gɨlɨn̰ hɨn̰ dabaŋ wo̰. Ama na solgɨŋ kuɗa hɨn̰ gɨ ƴaa di nee le na mundoŋ coŋ na, na orɨn̰ dan̰ hɨndi di kɨya sɔmɛ dan̰ tumɔɔ a gɨɗɨgɨ-Kumu gɨŋ. Ƴaa di nee le, na ƴaa di ungo gɨ ɨndi ba lɔɔ dan̰ kobi naŋ, ama na Kumu ba lɔɔ kol cayna.

Kɔlɔs 3:2

Ɨrɨmgɨŋ a cay hɨnga ga a gɨɗɨgɨ-Kumu gaŋ, ɨrɨmegɨŋ a cay hɨnga ga a cay gɨsəŋ gaŋ kɛ naŋ.

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

Əbɨro 12:2

Kuɗa gɨ cɨndɨnagɨŋ woy a cay Jesu. Na ban ma na ba ɗɔɔ te aye kudurɔ konagɨŋ bɨ, ba-orɨn̰ danayi bɨrɨŋ kagadi gɨŋ bɨ. Ban gey mare tɨma di a cay sɨya-gɨ-dagɨli gɨŋ, dɨlayi a cay dasi di woy ojɨ cay tɨma di nee le naŋ. Kɨya wa ban sol gusi-mɔwa di woy amii nee. Bɨ haw kɛ na, ban som na cay kali-tɨrɨmbala da Kumu dɨŋ a cay kobi gɨ bara gɨŋ.

Əbɨro 4:14

Naa hɨn̰ wo̰ na, kuɗa gɨ ɗe ana ƴom aye kudurɔ gɨ na ba ye koldi le osu. Kɨya wa na orɨn̰ dan̰ mangɨl gɨ da ka-cay ka-bɔgɛ kɨbar gɨ gumu. Mangɨl gɨ da ka-cay ka-bɔgɛ kɨbar gɨ nee le, na Jesu, Kurɨn̰-Kumu gɨ gay gɨɗɨgɨ-Kumu orɨn̰ bɨrɨŋ andɨn̰ gusi Kumu.

Əbɨro 6:20

Ho’o, na kɨɗɨn̰ ga nee gaŋ le ma Jesu or tumoyna andaŋ a duroy ƴaa di da Kumu di woy a gɨɗɨgɨ-Kumu gɨŋ kɨya cayna. Kɨya gɨ ban bɨle mangɨl gɨ da ka-cay ka-bɔgɛ kɨbar dan̰ tumoyi hɨn̰ gɨ da Mɛlgisedɛg wo̰.

Əbɨro 8:2

A nii le, ban lee gɨye a kɨɗɨn̰ ga woy dan̰ cɨndɨge gaŋ, kɨɗɨn̰ ga nee le ma na ƴaa-di-da-Kumu di leege dan̰ ɓala gɨ hɨnde gɨ ungo gɨ ɨndi ba gaɗe naŋ. Ba-gulondɨna gusi ba gaɗe.

Əbɨro 8:5

Gɨye gɨ ka-bɔgɛ kɨbar ga nee leege le, na turnoy hɨnga ga a gɨɗɨgɨ-Kumu gaŋ, kan ƴolge na ƴɔlɛ ƴɔbɨ. Kɨya wa kɨɗɨn̰ ga Moyis baa mɨnde gɨ ni gaɗe ƴaa-di-da-Kumu di leege dan̰ ɓala le, Kumu yeyi hɨn̰: «Ji kɨya lɔɔ hɨnga nɔm ɗe woy gɨlɨn̰ dan̰ kan ga ɨŋ ba gɨlɨn̰ a cay garma gɨŋ le.»

Əbɨro 9:1

Saɗe kɨbɨ pɨna ɓɨse gusu gɨ cay wase orɨn̰ dan̰ gasaŋ ga ojɨ cay lɔɔ gɨye bɨn̰ Kumu bɨ, orɨn̰ dan̰ ƴaa-di-da-Kumu di cay gɨsəŋ gaŋ kɛ bɨ.

Əbɨro 9:23

Hɨn̰ gɨ turnoy hɨnga ga woy gɨɗɨgɨ-Kumu gɨŋ le, kan na dɨrage mɨra naa hɨn̰ wo̰ na, gusɨge gɨ a gɨɗɨgɨ-Kumu gɨŋ le kalɨn̰ ma orge n̰age na gɨ kan na dɨrage mɨra naa dan̰ hɨnga ga ni bogɨn̰ kɨbar ga kuɗa ɗɨn̰ ɗɨn̰ ga tumɔ coŋ bɨ.

Əbɨro 9:9

Hɨnga ga nee le, na kɨradi hɨnga ga gɨlna caa di na ba somɨn̰ nee haw kɛ. Kɨradi hɨnga le, gɨl gɨ hɨnga ga ni aye bee bɨ kɨbar gɨ ni bɔgɛ bɨn̰ Kumu bɨ le, na ɓalage lɔɔ gɨ ka-n̰ɨre Kumu dan̰ gɨyəŋ gɨ nee le, ɨrɨmedɨge na kuɗa duroŋ cɨrɛɗ naŋ.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.

Wasɨn̰a 8:3

Kɨɗɨn̰di ga nee gaŋ le na, ba-ƴɔbɛ gɨ daa nii gɨ ɗaŋ ɨrga ɨre mɨnde dan̰ kɨɗɨn̰ ga kan gaɗɨge kɨya bogɨn̰ kɨbar nee, ga leege dan̰ lɔr ga woy a tumoy kali-tɨrɨmbala di da Kumu dɨŋ. Ban ƴom pɨray gɨ leege dan̰ lɔr a kobi. Kan ɨrgan̰ge dan̰ kɨrbaŋdi hɨnga ga ɗo̰ tɨna dan̰ kondiige bii ɗe ban na bɨn̰ Kumu, a kɨɗɨn̰ ga gaɗɨge ga ni bogɨn̰ kɨbar nee gaŋ pɨna dan̰ ɔlɛ gɨ da kalaŋ nɔm ga woyge dan̰ cɨndɨge le.