Əbɨro 12:23 - Gabri Maja

²³ Kɨŋ sɨygɨ na gusi Ka-Daye ga da karɨn̰aŋ ga woogege cay wase ga da Kumu bɨ, ga walge gusondɨge gɨɗɨgɨ-Kumu gɨŋ bɨ, kɨŋ sɨygɨ na gusi Kumu gɨ ba-bɔyɛ kɔl cay kalaŋ nɔm bɨ, gusi turnɔ da kalaŋ ga dan̰ durɔ ɗɨngar ga madɨrdaŋge ga woyge a gɨɗɨgɨ-Kumu gɨŋ gɨ Kumu bɨlge kuɗudaŋge duroŋ cɨrɛɗ bɨ.

Əbɨro 12:23 Խաչաձեւ Հղումներ

Kɔl-gɨ-Ɗari gɨ Lug wal 10:20

Naa hɨn̰ wo̰ kalɨn̰ ma, lɔɔgɨŋ gusi-mɔwa kɨya cay turnɔn̰əŋ ga ɨsɨndəŋ ga jege kɔl kɨbɨ gɨŋ ƴɔbɨ naŋ, ama laagɨŋ gusi-mɔwa kɨya gusondɨgɨŋ gɨ kan ɗege duroy magtubu di woy a daa nii a da Kumu.

Kɔl-gɨ-Ɗari gɨ Ja̰ wal 5:27

Kɨye bayi le, bii dan̰ dɔnɔ gɨ ni bon̰ kɔl cay kalaŋ, kɨya wa ban na Kurɨn̰-ungo.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

1 Korɛ̰t 13:12

Na hɨn̰ wo̰ kol cayna bɨ. Haw kɛ na, na sol Kumu na hɨn̰ duroy kudurɔm gɨ mɨdagi gɨŋ wo̰, ama a wɔlɛ ga ɗaŋ gaŋ na, na kɨya solii dan̰ cɨndɨna gerɨn̰ gerɨn̰. Haw kɛ na ɨŋ sol na kɨway hɨnga ƴɔbɨ, ama wɔlɛdi gɨŋ na ɨŋ kɨya sɔlɛ-hɨnga nɔm, hɨn̰ gɨ Kumu ba sɔlɔŋ wo̰ bɨ le.

1 Korɛ̰t 15:49

Hɨn̰ gɨ na ba ay gɨlɨn̰a gɨ da ungo gɨ a cay gɨsəŋ gaŋ kɛ le, na kɨya aye gɨlɨn̰a gɨ da ungo gɨ a gɨɗɨgɨ-Kumu gɨŋ hɨn̰ wo̰ bɨ.

1 Korɛ̰t 15:54

Kɨɗɨn̰ ga kuyoŋdi-gusɨna gɨ ba kɨya ɔsɨn̰ɛ na dɨba ban gɨ ba kɨya ɔsɨn̰ɛ naŋ bɨ, ban gɨ ba kɨya mare na dɨba ban gɨ ba kɨya mare naŋ bɨ ɨni na, na kɨɗɨn̰ ga nee le ma kɔl gɨ walge a duroy Magtubu di da Kumu dɨŋ kɨya ɔrɛ kɨɗɨn̰dɨge gaŋ: «Banga ƴom kɨbɨ tɨma yɔd coŋ ɨni.»

2 Korɛ̰t 5:8

Ho’o, na sɨlan̰ hɨnga pɨna naŋ, hɨnga ga mona tɔgɨ na, na gɨ na na ɗa kuyoŋdi-gusɨna gɨ ba kɛ coŋ ɨran̰ sɨman̰ gusi Ba-gulɔŋ.

Epɛs 1:22

Ho’o, Ban dobɨ hɨnga nɔm a te tɨrɨmbala di da Kɨris dɨŋ, Bɨ ayi leeyi ba-cay hɨnga nɔm, Gɨ da Ka-Daye.

Pilib 4:3

Ji mɨganɨ ba-lɔɔ gɨye gɨ leen̰ cɨndi, ɨŋ olɨn̰ gɨ ji laa danage ɗe gasɨndɨge bugoŋ pɨna, kɨya wa kan ɗege gusɨge pɨna danaŋ worɨn̰in̰ge kɨya cay Kɔl-gɨ-Ɗari. Kan bee toyge pɨna dan̰ Kilima bɨ kamdi ka-lɔɔ gɨye ga ɗaŋ nɔm ga gusondɨge woy a duroy magtubu di ni pɔɗɛ dɨŋ bɨ, worɨn̰ɨn̰ge.

Kɔlɔs 1:12

Hɨn̰ wo̰ na, kɨŋ laan̰ Bayna Kumu ho’o dan̰ tɨwa nɔm. Kɨya wa ban bɨlna leen̰ kalaŋ ga na ɓal wɔɔ hɨnga ga ni ban̰di-gulɔŋ ga da kalaŋ ga woyge dan̰ cɨndɨge boy dɔɔ-ƴaa asɨn̰a dɨŋ.

Kɔlɔs 1:24

Haw kɛ na, gusɨnɨ mɔŋ kol cay cɨn̰-gɨle-cɨn̰ di ɨŋ ba way kol caygɨŋ. Leen̰ cɨndi, ɨŋ-bandi dan̰ gusɨnɨ ɨŋ way hɨnga ga ni dɔsɛ-ɗugɔ na kɨya cay guson̰ Kɨris kol ɗarwa di da Ka-Daye ga na kuyoŋdi Kɨris le.

1 Timote 3:5

Na cɨndi, ungo gɨ na sɨla dɔrɛ tumoy kalaŋ ga a duroy ƴaadi dɨŋ naŋ na, kɛ kɨya sɔlɛ kardi Ka-Daye ga da Kumu na mɨna ga?

Əbɨro 11:4

Dan̰ gɨyəŋ gɨ da aye kudurɔ na, Abɛl bɨn̰ Kumu hɨnga ga ni bogɨn̰ kɨbar ga kuɗa ɗɨn̰ hɨnga ga da Kayin ga bee. Kɨya cay aye kudurɔ gɨ ban orɨn̰ le, Kumu solii leen̰ ungo gɨ dan̰ durɔ ɗɨngar. Kɨya wa Kumu gusi koyi ba ƴɔɔ hɨnga ga ni be kayi le. Bɨ na dan̰ gɨyəŋ gɨ da aye kudurɔ ma, Abɛl na mara kalɨn̰ ma, hɨnga ga ban lee le woy te yɔɔ kɔl ban̰ nee ƴee.

Əbɨro 11:40

Kɨya wa ayɨn̰ toy tumɔ hayi Kumu ojɨ hɨnga ga kuɗa ɗɨn̰ kol cay nagɨŋ. Na toy di hɨn̰ wo̰ ma, ban gey gɨ kalaŋ ga nee le na bɨləŋge kuɗa duroŋ cɨrɛɗ dɨle na-gandi naŋ. Ama ban gey gɨ na na bugoŋgɨŋ pɨna a nee.

Əbɨro 2:12

Na cɨndi, Jesu ye hɨn̰: «Ɨŋ kɨya andɨn̰ dan̰ gusondɨn̰ tumoy karmɨnɨ bɨ, Ɨŋ kɨya hɨramɨn̰ duroy Ka-Daye gaŋ bɨ.»

Əbɨro 9:27

Na cɨndi, Kumu gɨsɨ gɨ waŋ waŋ kalɨn̰ ma na kɨya mare naa cay pɨna ƴɔbɨ bɨ, kardi nee bɔyɛ kɔl na ba kɨya ɨrga kardi tɨma dɨŋ.

Magtubu di Jag wal 1:18

Na dan̰ gɨyəŋ gɨ da kɔl gɨ cɨndi ma ban woona dan̰ kuduroy geye koyi, ɗe ana na bɨlɨn̰ won̰ hɨn̰ kalaŋ se kayi ga cay wase cɨg cɨg wo̰.

1 Pɨyɛr 2:23

Kɨɗɨn̰ ga kan yagɨdiige le, ban jɨga yagɨdage ban̰di nee naŋ bɨ. Kɨɗɨn̰ ga kan ɗɨndɨriige le, ban jɨga tɨgage gɨm naŋ bɨ. Ama ban ɗe gusi kobɨ Kumu gɨ boy kɔl dan̰ durɔ ɗɨngar.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.

Wasɨn̰a 14:4

Kan na kalaŋ ga dɨbage gusɨge duroy kɨni gɨŋ malan̰ge kandɨ naŋ, kɨya wa sɨlage kandɨ naŋ. Kan ga nee le na ka-kɔbɛ kurɨn̰-dɨmangɨ a kɨɗɨn̰ gaŋ nɔm ga ban orɨn̰ nee. Kan na kalaŋ ga ban boy cayge duroy kalaŋ ga ɨndəŋ bɨ, kan woy gɨlɨn̰ na hɨn̰ hɨnga ga cay wase ga walge duroy yage gɨŋ ɗege dan̰ cɨndɨge gɨ ni aye bɨn̰ Kumu bɨ, bɨn̰ kurɨn̰-dɨmangɨ bɨ.

Wasɨn̰a 20:15

Waŋ waŋ gɨ gusondi na unɔ a boy magtubu sɔmɛ-bɨra gɨŋ le, kan kɨya ƴomii dibii duroy kuraydi tɨwa dɨŋ coŋ.

Wasɨn̰a 6:11

Kalaŋ pɨna pɨna nɔm ga kan naa dɨɗɨgege le, bɨgege badɨge ga bɛrɛ ga sɨngɨɗɨdəŋ. Ɗaŋ coŋ kan yegege gɨ kan na dɨbɨ ɗugoyge lam nee ƴee coŋ, bɨrɨŋ gɨsɨn̰ gɨ kamdɨge ka-lɔɔ gɨye bɨ karmɨge bɨ, gɨ kan kɨya dɨɗɨge hɨn̰ kan wo̰ bɨ le kondɨwayge na ɓala dɨm.

Wasɨn̰a 6:9

Kɨɗɨn̰ ga Kurɨn̰-dɨmangɨ le haŋgɨ tambo di ni baydo na, a te kɨɗɨn̰ ga kan gaɗɨge kɨya bogɨn̰ kɨbar nee le ɨŋ sol turnoy kalaŋ ga kan wadɨlde tumoyge kol cay Kɔl gɨ da Kumu bɨ kol cay tɨmon̰ di kan lee a cay Kumu bɨ.