Əbɨro 12:22 - Gabri Maja

²² Ama kɨŋ-gandi na, kɨŋ sɨygɨ na gasɨbi garma gɨ Sin̰o gɨŋ bɨ, na gasɨbi cay ƴaa-di-gumu da Kumu gɨ som-bɨra dan̰ tumoyi bɨ, dan̰ Jerusalɛm di gɨɗɨgɨ-Kumu gɨŋ bɨ, dan̰ ka-ƴɔbɛ ga daa dubu-dubu ga dayaŋge nee kɨya leen̰ kɨdɨrɛ bɨ.

Əbɨro 12:22 Խաչաձեւ Հղումներ

Matɨyo 16:16

Simo Pɨyɛr dɨbii cay nee yeyi hɨn̰: «Ji na Kɨris ban gɨ Kumu dorii, Kurɨn̰-Kumu gɨ som dan̰ cɨndi le.»

Matɨyo 5:35

Dɔrɛgɨŋ gusɨgɨŋ dan̰ cay gɨsəŋ naŋ bɨrɨŋ, kɨya wa na kɨɗɨn̰ ga ban been̰ gondii cay nee. Dɔrɛgɨŋ gusɨgɨŋ dan̰ guson̰ Jerusalɛm naŋ bɨrɨŋ, kɨya wa na cay ƴaa-di-gumu da Kɨlma gɨ gumu.

Magtubu di Pol wal bɨn̰ kalaŋ ga Rɔm 11:26

Dan̰ gɨyəŋ gɨ nee le na, te wɨn̰je gɨ da Ɨsɨrayɛl nɔm koge gɨŋ kɨya pɔɗɛge, hɨn̰ gɨ ba walge a duroy Magtubu di da Kumu dɨŋ yege hɨn̰: «Ban gɨ ba kɨya poɗɨge kɨya sɔɔ na a Sin̰o. Ban kɨya dɔrɛ Jagob kongɨn̰ii te ɨsɨna koge gɨŋ coŋ.

Magtubu di Pol wal bɨn̰ kalaŋ ga Rɔm 9:26

«Ɨni na, a kɨɗɨn̰ ga kan yege nee ye hɨn̰: “Kɨŋ naa te kalaŋ kange naŋ le” Na kɨɗɨn̰ ga nee gaŋ le gaŋ ma, Kan kɨya togɨgɨŋ nee yon̰ hɨn̰: “Kɨŋ naa karɨn̰ Kumu gɨ som-bɨra.”»

Galad 4:26

Ama Jerusalɛm di woy daa nii gusi Kumu le, na ɗe ƴaa, hɨndi ma na ƴoynagɨŋ.

Epɛs 2:19

Lee gɨ haw kɛ, kɨŋ ka-aye kudurɔ ga toygɨŋ na Jubɨ naŋ le, kɨŋ na kɨrge naŋ ɨni bɨ, kɨŋ na kalaŋ ga pɨna danani ɨni bɨ. Kɨŋ bɨle na te kalaŋ ga pɨna dan̰ kalaŋ ga woyge dan̰ cɨndɨge bɨ. Kɨŋ na te wandɨ da Kumu bɨ.

Pilib 3:20

Ama na-gandi na, na na kalaŋ ga cay ƴaadɨna na a gɨɗɨgɨ-Kumu gɨŋ. Gɨɗɨgɨ-Kumu na kɨɗɨn̰ ga ba-pɔɗɛ kalaŋ Ba-gulondɨna Jesu-Kɨris gɨ na ba som gamii le, kɨya sayga nee ɨrga a cay gɨsəŋ gaŋ.

1 Tesalonigɨ 1:9

Kɨya wa kalaŋ nɔm dorge kol ƴɔmɛ gɨ kɨŋ ƴomni gusɨgɨŋ kɨɗɨn̰ ga ni ba orɨn̰ tagɨŋ le bɨ, te ɗɔɔ gɨ kɨŋ ɗe kulan̰əŋ coŋ bɨ, kɨŋ bɨle gusɨgɨŋ gusi Kumu gɨ hɨnde gɨ som-bɨra kɨya loon̰ gɨye koyi,

2 Timote 4:18

Ba-gulɔŋ kɨya bɔɗɔŋ duroy hɨnga nɔm ga ɨsɨnde gaŋ coŋ bɨ. Ban kɨya pɔɗɔŋ kɨya cay dɔɔ-ƴaa toyi di daa nii bɨ. Gusoŋ-tɔgɛ na koyi, ɨlge dan̰ ɨlge! Ɗa-ɗe-woy-hɨn̰-wo̰.

Əbɨro 10:31

Bɔɔ kobɨ Kumu gɨ ba-sɔmɛ-bɨra dan̰ tumoyi na hɨnga ga dɨmbɨre tɔgɨ.

Əbɨro 11:10

Kɨya wa Abɨraham som gam na cay ƴaa-di-gumu di sige tɔɔ osu. Bɨ Kumu na ba ɔjɛ gɨyəŋ gɨ ni gaɗɨn̰ bɨ, ban na ba gaɗedo bɨ.

Əbɨro 11:16

Leen̰ cɨndi na, kan geyge na cay gɨsəŋ ga kuɗa ɗɨn̰ kan ga kan ba say ɗe coŋ orɨn̰ge a gɨɗɨgɨ-Kumu gɨŋ. Na toy di hɨn̰ wo̰ ma, hɨn̰ gɨ kan na tɨga Kumu naa Kumu koge na, Kumu dasi dayi naŋ. Kɨya wa ban ƴom cay tɨbay cay ƴaa-di-gumu kol cayge.

Əbɨro 13:14

Kɨya wa a cay gɨsəŋ gaŋ kɛ le, na ɨran̰ dan̰ cay ƴaa di kɨya sɔmɛ dan̰ tumɔɔ naŋ. Ama na malgɨŋ na cay ƴaa-di-gumu di kɨya caga ƴee.

Əbɨro 3:12

Karmɨnɨ ga ban̰aŋ dan̰ ga kandɨ, ɗagɨŋ muɗɔlɛ cay gusɨgɨŋ gɨŋ. Ɗe waŋ waŋ kalɨn̰ ma a duroygɨŋ ɗɔɔ kuduroy ɨsɨna naŋ le, kuduroy-dɨmbɨrwa orɨn̰ danayi bɨrɨŋ, dorii a te gɨyəŋ gɨ da Kumu gɨ som-bɨra gɨŋ le coŋ naŋ.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Magtubu di Jud wal 1:14

Inɔg gɨ na te mon̰dɨna gɨ pɨna pɨna kɨɗɨn̰ jurgum ayɨn̰ toy a cay Adam le. Ban ye-kɔl-gɨ-Kumu-ba-yɔɔ ye hɨn̰: «Sɨlagɨŋ, Ba-gulɔŋ ɨrga dan̰ ka-gɨre-gɨye kayi ga woyge dan̰ cɨndɨge ga kondɨwayge ɗɨn̰ ɗɔngɨsɛ,

Wasɨn̰a 14:1

Kardi nee ɨŋ sol kurɨn̰-dɨmangɨ ɨre a cay garma gɨ teeyige Sin̰o. Kalaŋ kayi dubu kɨɗɨn̰ aru-dan̰-toyge-poɗɨn̰-cayge-poɗɨn̰ danayi. Kan walge guson̰ kurɨn̰-dɨmangɨ bɨ, guson̰ bayi bɨ, a jɨndɨge.

Wasɨn̰a 21:10

Kardi nee, kɨɗɨn̰ ga Turnɔ di da Kumu ɨre lee gɨye a gusɨnɨ ƴee na, ba-ƴɔbɛ gɨ daa nii le ay turnonɨ orɨn̰ ɗɔɔ a gɨɗɨgɨ garma gɨ pɨna wo̰ gɨ sɨngɨɗɨ kɨvbɨj daa bɨ, gɨləŋ cay ƴaa-di-gumu di woy dan̰ cɨndo di na Jerusalɛm le. Cay ƴaa-di-gumu di nee le, sayga gɨɗɨgɨ-Kumu gusi Kumu gɨsɨn dugo.

Wasɨn̰a 21:2

Ɨni na, ɨŋ sol cay ƴaa-di-gumu di woy dan̰ cɨndo di na Jerusalɛm di hɨrɨwa le, sayga gɨɗɨgɨ-Kumu a gusi Kumu gɨsɨngɨ dugo. Hɨndi lee marna tɔgɨ hɨn̰ tɨmbali di n̰an guso kɨya gorɨn̰ ƴaa dan̰ kudurɔɔ wo̰.

Wasɨn̰a 22:19

Hɨn̰ gɨ ungo na dɨra kɔl pɨna duroy kɔl nɔm gɨ Kumu ba yɔ gɨ woy a duroy magtubu di kɛ dɨŋ le dɨbɨ coŋ na, Kumu kɨya narii dɨbe tɨbayi duroy cay ƴaa-di-gumu di woy dan̰ cɨndo di kan ye kɔldɔ duroy magtubu di kɛ dɨŋ le bɨ, narii dɔɔ wɔɔdi hɨya gɨ ni somɨn̰-bɨra coŋ bɨ.

Wasɨn̰a 3:12

«Ungo gɨ na bɨya-kɨmbɨl na, ɨŋ kɨya lɔɔ gɨ ban kɨya bɨle sɨya gɨ ni duroy ƴaa-di-da-Kumu hɨnge. Ban kɨya sɔmɛ nee bɨ andaŋ duroy nee coŋ naŋ bɨrɨŋ. Ɨŋ kɨya wale guson̰ Kumu hɨnge a cayi bɨ, ɨŋ kɨya wale guson̰ cay ƴaa-di-gumu da Kumu hɨnge di na Jerusalɛm di hɨrɨwa di sayga gusi Kumu gɨsɨn dugo cayi bɨ, ɨŋ kɨya wale gusoŋ gɨ hɨrɨwa a cayi bɨ.

Wasɨn̰a 7:2

Ɨni na, ɨŋ sol ba-ƴɔbɛ gɨ daa nii gɨ ɗaŋ gɨ pɨna wo̰ gɨ sayga jɨn̰ te kumu gɨŋ. Ban ƴom tambo da Kumu gɨ som-bɨra a kobi. Ban wɨlal yen̰ ka-ƴɔbɛ ga daa nii ga poɗɨn̰ ga bɨgege dɔnɔ ɗe na mondɨn̰ge cay gɨsəŋ bɨ, kuray gɨ gumu taa taa bɨ ye hɨn̰: