Əbɨro 11:40 - Gabri Maja

⁴⁰ Kɨya wa ayɨn̰ toy tumɔ hayi Kumu ojɨ hɨnga ga kuɗa ɗɨn̰ kol cay nagɨŋ. Na toy di hɨn̰ wo̰ ma, ban gey gɨ kalaŋ ga nee le na bɨləŋge kuɗa duroŋ cɨrɛɗ dɨle na-gandi naŋ. Ama ban gey gɨ na na bugoŋgɨŋ pɨna a nee.

Əbɨro 11:40 Խաչաձեւ Հղումներ

Əbɨro 11:16

Leen̰ cɨndi na, kan geyge na cay gɨsəŋ ga kuɗa ɗɨn̰ kan ga kan ba say ɗe coŋ orɨn̰ge a gɨɗɨgɨ-Kumu gɨŋ. Na toy di hɨn̰ wo̰ ma, hɨn̰ gɨ kan na tɨga Kumu naa Kumu koge na, Kumu dasi dayi naŋ. Kɨya wa ban ƴom cay tɨbay cay ƴaa-di-gumu kol cayge.

Əbɨro 5:9

Kɨɗɨn̰ ga Kumu lee gɨ ban dɨɗɨ kɨbɨ gɨye koyi ɗəndəŋ coŋ ɨni na, kan nɔm ga jege kɔl kɨbi le, wayge pɔɗɛ gɨ dan̰ tumoyige kol cayi.

Əbɨro 7:19

Na cɨndi, hɨnga ga gasɨn̰-kɔl gɨ da Moyis lee ɗe duroŋ cɨrɛɗ wo̰ unɔ. Ama Kumu bɨna a ban̰di nee hɨnga ga ni bogɨn̰ ɨrɨmedɨna cay nee, ga kuɗa ɗɨn̰ ga tumɔ coŋ. Lee gɨ na ɓal gɨ ni sɨye gusi Kumu dan̰ gɨyəŋ gɨ da hɨnga ga ni bogɨn̰ ɨrɨmedɨna cay nee ga nee le.

Əbɨro 7:22

Naa hɨn̰ wo̰ kalɨn̰ ma, na orɨn̰ dan̰ hɨnga ga ni saɗe kɨbɨ pɨna ɓɨse gusu ga kuɗa ɗɨn̰ dan̰ Kumu. Jesu le, ban na ba lɔɔ gɨ saɗe kɨbɨ pɨna le na usa.

Əbɨro 8:6

Ama gɨye gɨ da Jesu le, na gɨye gɨ gumu ɗɨn̰ gɨ da te ka-bɔgɛ kɨbar coŋ. Kɨya wa ban na ba ɨre duroynagɨŋ duroy saɗe kɨbɨ pɨna ɓɨse gusu gɨ kuɗa tɔgɨ ɗɨn̰, gɨ si toyi na a cay hɨnga ga Kumu ye gɨ ɗi na kɨya lɔɔ bɨge ga kuɗa ɗɨn̰ bɨ.

Əbɨro 9:23

Hɨn̰ gɨ turnoy hɨnga ga woy gɨɗɨgɨ-Kumu gɨŋ le, kan na dɨrage mɨra naa hɨn̰ wo̰ na, gusɨge gɨ a gɨɗɨgɨ-Kumu gɨŋ le kalɨn̰ ma orge n̰age na gɨ kan na dɨrage mɨra naa dan̰ hɨnga ga ni bogɨn̰ kɨbar ga kuɗa ɗɨn̰ ɗɨn̰ ga tumɔ coŋ bɨ.

Wasɨn̰a 6:11

Kalaŋ pɨna pɨna nɔm ga kan naa dɨɗɨgege le, bɨgege badɨge ga bɛrɛ ga sɨngɨɗɨdəŋ. Ɗaŋ coŋ kan yegege gɨ kan na dɨbɨ ɗugoyge lam nee ƴee coŋ, bɨrɨŋ gɨsɨn̰ gɨ kamdɨge ka-lɔɔ gɨye bɨ karmɨge bɨ, gɨ kan kɨya dɨɗɨge hɨn̰ kan wo̰ bɨ le kondɨwayge na ɓala dɨm.