Əbɨro 11:19 - Gabri Maja

¹⁹ Kɨya wa Abɨraham ɗe a ɨrɨmedi gɨŋ, gɨ Kumu na ɓal bɔyɛ Isag lɨbe. Na toy di hɨn̰ wo̰ ma, ban jɨga way kurondi le daa. Lee gɨ kɔl gɨ da Isag woy gɨlɨn̰ na hɨn̰ kɨradi-kɔl gɨ ojɨ cay hɨnga ga kɨya lɔɔ gusɨge.

Əbɨro 11:19 Խաչաձեւ Հղումներ

Matɨyo 12:36

Ɗe aŋ yəgɨŋ: Wɔlɛ gɨ Kumu kɨya bɔyɛ kɔl le, waŋ waŋ kalɨn̰ ma, kɨya dɔrɛ te kɔl nɔm gɨ wɨyan̰ gɨ ni yɔ naŋ gɨ ban ye tumoy Kumu.

Matɨyo 9:28

Kɨɗɨn̰ ga Jesu andaŋ ƴen̰ na, ka-bɨbe le ɨrgage gusi. Ɨni na, ban ɨngɨrge yege hɨn̰: «Kɨŋ ɨrɨm leen̰ cɨndi gɨ ɨŋ ɓal lɔɔ hɨnga ga kɨŋ ɨngɨrəŋ le ga?» Kan dɨbiige cay nee yeyige hɨn̰: «Ho’o Ba-gulɔŋ, ji ɓal lɔɔ han̰.»

Magtubu di Pol wal bɨn̰ kalaŋ ga Rɔm 5:14

Ama tɨma woy te dɔɔ-ƴaa a cay kalaŋ, an̰ toy na boy wɔlɛ gɨ da Adam gɨŋ bɨrɨŋ andɨn̰ a boy wɔlɛ gɨ da Moyis gɨŋ. Ko ɨsɨna gɨ da kalaŋ na wɨya gɨlɨn̰ hɨn̰ ɨsɨna gɨ da Adam wo̰ naŋ kalɨn̰ ma tɨma woy te dɔɔ-ƴaa cayge. Haw kɛ na, na ɓal gɨse Adam dan̰ ban gɨ ba kɨya ɨrga kardi gɨ na Kɨris.

Epɛs 3:20

Kumu ɓal lɔɔ hɨnga nɔm ga na ɨngɨrii naŋ le, ga na sol le. Ban ɓal lɔɔ ɗɨn̰ cɨla coŋ ƴee. Bɨ kɨya lɔɔ hɨnga ga nee le, dan̰ gɨyəŋ gɨ da dɔnɔ di lee gɨye a kuduroyna le.

Əbɨro 9:24

Ho’o, kɨɗɨn̰ ga woy dan̰ cɨndɨge ga Kɨris andaŋ boy nee le, na ga kobɨ ungo ba lɔɔ naŋ. Kɨɗɨn̰ ga nee le na turnoy hɨnga ga cɨndi ƴɔbɨ naŋ. Ama ban andaŋ a gɨɗɨgɨ-Kumu gɨŋ jada ɗe na ɨrɨn̰ tumoy Kumu kol cayna boy tɨwa di haw kɛ dɨŋ.

Əbɨro 9:9

Hɨnga ga nee le, na kɨradi hɨnga ga gɨlna caa di na ba somɨn̰ nee haw kɛ. Kɨradi hɨnga le, gɨl gɨ hɨnga ga ni aye bee bɨ kɨbar gɨ ni bɔgɛ bɨn̰ Kumu bɨ le, na ɓalage lɔɔ gɨ ka-n̰ɨre Kumu dan̰ gɨyəŋ gɨ nee le, ɨrɨmedɨge na kuɗa duroŋ cɨrɛɗ naŋ.