2 Timote 4:8 - Gabri Maja

⁸ Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

2 Timote 4:8 Խաչաձեւ Հղումներ

Matɨyo 24:36

«Ama kɔl gɨ ojɨ cay wɔlɛdi bɨ, tɨwadi bɨ le, ungo pɨna nɛŋ sɨla naŋ. Ka-ƴɔbɛ ga daa sɨlage naŋ bɨ, Kuroŋ sɨla naŋ bɨ, ama na Kɨye bayi pɨna hayi ƴɔbɨ ba sɔlɛ.

Matɨyo 7:22

Wɔlɛ gɨ ni bon̰ kɔl le, kondɨwadi kalaŋ kɨya tɔgɔŋge yɔ hɨn̰: “Ba-gulɔŋ, Ba-gulɔŋ!” Kɛ, ni ya-kɔl-gɨ-Kumu-ba-yɔɔ dan̰ gusondɨn̰ naŋ ga? Kɛ, ni taya turnɔn̰əŋ ga ɨsɨndəŋ dan̰ gusondɨn̰ naŋ ga? Kɛ, ni laa belin̰əŋ kunda dan̰ gusondɨn̰ naŋ ga?»

Kɔl-gɨ-Ɗari gɨ Lug wal 10:12

«Aŋ yəgɨŋ daa waŋ na cɨndi: Wɔlɛ gɨ kan kɨya kayde kɔl le, kɔl gɨ kan kɨya bɔyɛ a cay kalaŋ ga cay ƴaa di nee le, kɨya osɨwa tɔgɨ ɗɨn̰ cay kɔl gɨ Kumu kɨya bɔyɛ a cay kalaŋ ga ɨsɨndəŋ ga cay ƴaa-di-gumu di Sɔdɔm.

Magtubu di Pol wal bɨn̰ kalaŋ ga Rɔm 2:5

Ama dan̰ gɨyəŋ gɨ da kuduroy-osɨwa ton̰ bɨ, mɨye-daa ton̰ bɨ le, ji hogɨ kuduroy-hɔmɛ da Kumu bee can̰ gamɨn̰ wɔlɛ bɔyɛ kɔl. Wɔlɛdi gɨ nee le Kumu kɨya bɔyɛ kɔl cay kalaŋ dan̰ gɨyəŋdi doŋ waŋ.

Magtubu di Pol wal bɨn̰ kalaŋ ga Rɔm 8:23

Ama na hɨnga se ga da Kumu ba gɨle-cɨn̰ kan̰dɨge naŋ. Na-gandi ga na orɨn̰ dan̰ Turnɔ di da Kumu di woy gɨlɨn̰ hɨn̰ hɨnga ga ni bɨn̰ Kumu ga cay wase cɨg cɨg ga Kumu bɨna le. Na-gandi kalɨn̰ ma, na ɨle gusɨna a kuyoŋdi-gusɨna gɨŋ ƴen̰, gamɨn̰ gɨ Kumu na dɨɗɨn̰ kɨbɨ gɨye koyi cayna bɨ, bɨlna laan̰ karɨndi kɨɗɨn̰ ga ban kɨya pɔɗɛ kuyoŋdi-gusɨna bɨ.

1 Korɛ̰t 2:9

Ama walge a duroy Magtubu di da Kumu dɨŋ yege hɨn̰: «Na hɨnga ga cɨn̰ ungo sɨla naŋ bɨ, Sɨman̰ ungo ja naŋ bɨ, Ungo ɨrɨm cay nee naŋ bɨ, Ma Kumu ƴom cay tɨbayge kol kan ga geyige.»

1 Korɛ̰t 3:13

Kumu kɨya andɨn̰ dan̰ gɨye-lɔɔ gɨ da kalaŋ pɨna pɨna cɨn̰ tɨwa dɨŋ. Wɔlɛ gɨ ni bon̰ kɔl kɨya lɔɔ gɨ ɗe kan na sɨla gɨye le, kɨya wa wɔlɛ gɨ nee le kɨya te hɨnga nɔm daa na dan̰ tɨwa bɨ, na tɨwa ba kɨya gɨwase gɨye gɨ da kalaŋ pɨna pɨna bɨ.

1 Korɛ̰t 9:25

Ka-bɔgɛ sɨwa ga ani ani kalɨn̰ ma kɨɗɨn̰ ga kan ɨre pol gusɨge ƴee le, dan̰ gusɨge koge dobɨge cayge te gasaŋ ga osɨdəŋ osɨdəŋ. Kan leege hɨnga ga nee le na kɨya wan̰ gɔyɛ di kɨya mundoŋ haw wo̰ coŋ. Ama na-gandi na, na bee sɨwa na kɨya wan̰ jagɨwa-tɨrɨmbala di kɨya mundoŋ naŋ bɨrɨŋ.

2 Korɛ̰t 5:2

Haw kɛ na, na ɨle gusɨna a duroy kuyoŋdi-gusɨna gɨŋ gɨ woy gɨlɨn̰ hɨn̰ dabaŋ wo̰ le, kɨya wa na orɨn̰gɨŋ dan̰ tabɨlaŋdi sɔmɛ duroy ƴaa di woy a gɨɗɨgɨ-Kumu gɨŋ. Ho’o, woy gɨlɨn̰ na hɨn̰ gɨ na ba gey dobɨn̰ badɨge ga hɨrɨwa cay kamdɨge ga woy gusɨna wo̰.

Pilib 3:11

Na toy di hɨn̰ wo̰ ma, dan̰ gɨyəŋ gɨ ani ani kalɨn̰ ma, Kumu bɔyɔŋ lɨbəŋ duroyi kalaŋ ga madɨrdaŋ gaŋ bɨ.

Kɔlɔs 1:5

Kɨŋ lee hɨnga ga nee le, na kɨya gɨ kɨŋ bee ɨrɨmedɨgɨŋ a cay hɨnga ga Kumu ƴom cay tɨbayge kol caygɨŋ a gɨɗɨgɨ-Kumu gɨŋ. Bɛrnɛ da kɔl gɨ cɨndi da Kɔl-gɨ-Ɗari gɨ naa kan ba tee bɛrnɛdi bɨgɨŋ le, ma na te hɨnga ga kɨŋ been̰ ɨrɨmedɨgɨŋ cay nee.

1 Tesalonigɨ 1:10

bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.

1 Tesalonigɨ 5:4

Ama kɨŋ-gandi karmɨnɨ ga ban̰aŋ dan̰ ga kandɨ, kɨŋ na boy dɨlɨm dɨŋ naŋ ɨni, ɗe wɔlɛ gɨ nee le andaŋ cayna dus hɨn̰ gɨ da ba-hase wo̰ naŋ.

2 Tesalonigɨ 2:8

Na wɔlɛdi gɨ nee le ma, Ba-Kuduroy-Ɨndɨwa le kɨya gɨle gusi bɨ, Ba-gulɔŋ Jesu kɨya dɨɗii dan̰ habe gɨ kɨya andaŋ kɨbi bɨ, dan̰ dɔnɔ di da cagadi bɨ.

1 Timote 6:19

Na hɨn̰ wo̰ ma kan kɨya dayɨn̰ge cay hɨnga wɔɔ ga kuɗa bɨ, ga cɨndi bɨ pɨna kɨya cay wɔlɛ gɨ wan̰do bɨ ɗe kan wan̰ge sɔmɛ-bɨra gɨ dan̰ cɨndi.

2 Timote 1:10

A boy tɨwa di na ba somɨn̰gɨŋ nee haw kɛ le, ban gɨl ɗarwa toyi dan̰ caga gɨ da ungo gɨ ba-poɗɨnagɨŋ. Ban na Jesu-Kɨris. Jesu mondɨ dɔnɔ da tɨma coŋ dan̰ gɨyəŋ gɨ da Kɔl-gɨ-Ɗari. Ban haŋgɨ cay sɔmɛ-bɨra gɨ kɨya mundoŋ naŋ.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

2 Timote 1:18

Kuɗa gɨ Ba-gulɔŋ baa danayi bɨ, sɨla cɨn̰-n̰age toyi wɔlɛ gɨ ni bon̰ kɔl gɨŋ bɨ. Hɨnga nɔm ga ban lee bəŋ a cay ƴaa-di-gumu di Epɛs dɨŋ le, ji sol kuɗa ɗɨn̰ kalaŋ ga ɗaŋ coŋ.

2 Timote 2:5

Ba-wɔɔ-tabe kalɨn̰ ma, kɨya wɔɔ cay kobi gɨ ni hɨrame na kɨɗɨn̰ ga ban na waa tabe dan̰ gɨyəŋdo dɨm.

2 Timote 4:1

Wɔlɛ pɨna Jesu-Kɨris kɨya jɨga. Ban kɨya jɨga kɨya dɔɔ-ƴaa bɨ, bɔyɛ kɔl cay kalaŋ ga somge-bɨra bɨ, kalaŋ ga madɨrdaŋ bɨ. Na toy di hɨn̰ wo̰ ma maŋ olɨn̰ tumoy Kumu bɨ, tumoy Jesu-Kɨris bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Əbɨro 12:11

Na cɨndi, hale nɔm a cɨndɨnagɨŋ kɨya bee dan̰ gusi-mɔwa a kɨɗɨn̰do gaŋ naŋ, ama na cɨn̰-kula. Ama kardi nee na, kalaŋ ga kan gɨrɨn̰ danage daa dan̰ gɨyəŋ gɨ da hale le, wayge wɔɔdi hale gɨ nee le: Gusi-dɔbɛ bɨ, gɨye-lɔɔ gɨ dan̰ durɔ ɗɨngar bɨ.

Əbɨro 9:28

Kɨris kalɨn̰ ma ay gusi been̰ kɨbar na cay pɨna ƴɔbɨ kɨya dorɨn̰ ɨsɨnan̰əŋ ga da kalaŋ ga dan̰ kondige. Ban kɨya andaŋ gɨ ni tɨba sɔɔdi na gɨ ni dorɨn̰ ɨsɨnan̰əŋ naŋ ɨni, ama na gɨ ni poɗɨn̰ kalaŋ ga somge amiige.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

1 Pɨyɛr 1:4

Na orɨn̰gɨŋ dan̰ hɨnga ga ni wɔɔ ga ni ban̰di-gulɔŋ ga kɨya ɔsɨn̰ɛ naŋ bɨrɨŋ bɨ, ga mɨdage kɨya ƴɔmɛ naŋ bɨ, ga te jɨran̰dedɨge kɨya ayaŋ naŋ bɨ. Kumu gam hɨnga ga ni ban̰di-gulɔŋ ga nee le a gɨɗɨgɨ-Kumu gɨŋ ojɨn̰ caygɨŋ.

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.

Wasɨn̰a 19:11

Kardi nee, ɨŋ sol gɨɗɨgɨ-Kumu hangaŋ. Gaa ma, ɨŋ sol hɨnda gɨ bɛrɛ. Ungo gɨ ba nɔɔ cay hɨnda le gusondi na, ba-ɨre a cay tɨbayi dɨŋ bɨ ungo gɨ hɨnde bɨ. Ban boy kɔl bɨ lee kɨmbɨl bɨ na dan̰ durɔ ɗɨngar.

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 22:20

Jesu ba lɔɔ tɨmon̰ di da kɔl nɔm gɨ da hɨnga ga kɛ le ye hɨn̰: «Ho’o, ɨŋ tɨlga mɨnde nee.» Ɗa-ɗe-woy-hɨn̰-wo̰! Marana ta, Ba-gulɔŋ Jesu, ɨre.

Wasɨn̰a 4:10

ga muɗoldoŋ ga toyge-sɔɔ-cayge-poɗɨn̰ le poyge gɨbayge dugo tumoy ban gɨ som a cay kali-tɨrɨmbala dɨŋ bɨ, yen̰ge ba-sɔmɛ-bɨra ɨlge dan̰ ɨlge, been̰ge jagɨwa tɨrɨmbala kage dugo tumoy kali-tɨrɨmbala dɨŋ yen̰ge hɨn̰:

Wasɨn̰a 4:4

Ɨŋ sol kali toyge-sɔɔ cayge poɗɨn̰ nɨwɨre cay kali-tɨrɨmbala di nee le bɨ, kalaŋ ga muɗoldoŋ toyge-sɔɔ cayge poɗɨn̰ somge a cay nee, ga tobɨge badɨge ga bɛdɨrdɛŋ bɨ ga orɨn̰ge dan̰ jagɨwa-tɨrɨmbala ga leege dan̰ lɔr cayge bɨ.