2 Timote 3:16 - Gabri Maja

¹⁶ Kɔl nɔm gɨ walge duroy Magtubu di da Kumu dɨŋ le, sayga na gusi Kumu dan̰ gɨyəŋ gɨ da Turnɔ. Kuɗa gɨlɨn̰ kalaŋ hɨnga bɨ, gɨlɨn̰ kalaŋ te hɨnga ga ɨra dan̰ gɨyəŋdɨge naŋ bɨ, jɨgan̰ dan̰ kalaŋ te gɨyəŋ gɨ ɗari gɨŋ bɨ, gɨlɨn̰ kalaŋ ɔrɛ gɨ dan̰ durɔ ɗɨngar bɨ,

2 Timote 3:16 Խաչաձեւ Հղումներ

Matɨyo 13:52

Kɨɗɨn̰di ga nee gaŋ le, Jesu yege hɨn̰: «Naa hɨn̰ wo̰ na, waŋ waŋ gɨ ba-gɨlɨn̰ kalaŋ gasɨn̰-kɔl gɨ da Moyis, ma na bɨl ba-gɨle hɨnga ga ojɨ cay dɔɔ-ƴaa di daa nii na, ban woy gɨlɨn̰ na hɨn̰ ba-gulɔŋ di ƴaa di gumu wo̰. Ban ɓal gɨ ni dɔrɛ a duroy hɨnga wɔɔdi gaŋ le, hɨnga ga hɨrɨwa bɨ, ga ɨlgi bɨ.»

Matɨyo 21:42

Bɨ Jesu yege hɨn̰: «Kɛ, kɨŋ ɗɨngɨsa kɔl gɨ kɛ le, duroy Magtubu di da Kumu dɨŋ naŋ ga? “Oru gɨ tumɔ ka-gaɗe ƴaa dɨbɨge pɨrɨŋ coŋ le, Say bɨle na oru gɨ kuɗa tɔgɨ, ɗɨn̰ kamdi gɨ kan ɗe tɨbɨn̰ ƴaa dɨŋ. Hɨnga ga nee le, na gɨye-lɔɔ gɨ da Ba-gulɔŋ. Lee gɨ say bɨle hɨnga ga ɗɨn̰ cɨn̰-kɨɗɨn̰ cɨndɨnagɨŋ.”

Matɨyo 22:43

Jesu dɨbɨge cay nee yege hɨn̰: «Naa hɨn̰ wo̰ na, Dabid gɨ ye kɔl dan̰ gɨyəŋ gɨ da Turnɔ ɗe-kuduroy-bɛrɛ le, lee na mɨna ma teeyi Ba-gulɔŋ ga? Kɨya wa Dabid yeyi hɨn̰:

Matɨyo 26:54

Ama ɨŋ na laa hɨn̰ wo̰ na, kɔl gɨ kan ba walge a duroy Magtubu di da Kumu dɨŋ le, gɨ ɔrɛ kɨɗɨn̰di gaŋ na mɨna ga?»

Matɨyo 26:56

Ama hɨnga ga nee le nɔm lee gusɨge ɗe gɨ kɔl gɨ ka-yɔɔ-kɔl-gɨ-Kumu-ba-yɔɔ ba walge le, na or kɨɗɨn̰di gaŋ.» Kɨɗɨn̰di ga nee gaŋ le, ka-aye-cay-tɨbayi ɗeyge bɨ gɨrege nɔm coŋ.

Marg 12:24

Jesu dɨbɨge cay nee yege hɨn̰: «Ɨrɨmedɨgɨŋ ɨra dan̰ gɨyəŋdi naŋ na kɨya wa ga? Kɨya wa kɨŋ sɨla duroy Magtubu di da Kumu naŋ bɨ, dɔnɔ di da Kumu naŋ bɨ.

Marg 12:36

Kɨya wa Dabid gusi koyi kalɨn̰ ma ye dan̰ gɨyəŋ gɨ da Turnɔ ɗe-kuduroy-bɛrɛ hɨn̰: “Ba-gulɔŋ Kumu yen̰ Ba-gulonɨ hɨn̰: Ɨre sɨma a cay kɔbɔŋ gɨ bara gɨŋ, Bɨrɨŋ gɨsɨn̰ gɨ ɨŋ kɨya bɨle ka-baadɨn̰ Leen̰ hɨnga ga ji kɨya bogɨn̰ gondɨn̰ cay nee.”

Kɔl-gɨ-Ɗari gɨ Ja̰ wal 10:35

Gasɨn̰-kɔl na tɨga kan ga yegege kɔl gɨ da Kumu “kumun̰əŋ” na, na solgɨŋ gɨ hɨnga ga woy duroy Magtubu di da Kumu dɨŋ le, pɨna wo̰ kalɨn̰ ma na kɨya mundoŋ naŋ.»

Kɔl-gɨ-Ɗari gɨ Ja̰ wal 3:20

Kɨya wa waŋ waŋ gɨ na laa hɨnga ga ɨsɨni na, gey kɨɗɨn̰ ga asɨn̰ naŋ bɨrɨŋ. Lee gɨ ban kɨya ɨrga kɨɗɨn̰ ga asɨn̰ gaŋ naŋ, kɨya wa ban gey gɨ gɨye-lɔɔdi gɨ ɨsɨni na gɨ andaŋ doŋ naŋ.

Gɨye-lɔɔ 1:16

«Karmɨnɨ ga ban̰aŋ dan̰ ga kandɨ, kɔl gɨ Turnɔ ɗe-kuduroy-bɛrɛ ba ye dan̰ gɨyəŋ gɨ da Dabid duroy Magtubu di da Kumu dɨŋ di kan wal ojɨn̰ cay Judasɨ gɨ ba bɨle ba-dɔrɛ tumoy ka-ƴɔmɛ Jesu le, naa wa wa kalɨn̰ ma koldi na ɨra ɓalɨn̰a kɨɗɨn̰di gaŋ dɛj.

Gɨye-lɔɔ 18:25

Ban na ungo gɨ kan gɨlige gɨyəŋ gɨ da Ba-gulɔŋ ɗeyi sol kuɗa. Ban na ungo gɨ ye kɔl dan̰ gusi hɨmbalwa. Ban tee bɛrnɛ bɨ, gɨlɨn̰ kalaŋ kɔl gɨ ojɨ cay Jesu dan̰ gɨyəŋdi gɨyəŋdi bɨ. Ama na tɔgɛ bɛrnɛ di da Ja̰ ba-lɔɔ batɛm pɨnaa ɗɔɔ ma ban sol.

Gɨye-lɔɔ 20:20

Kɨŋ sol gɨ ɨŋ wɨsagɨŋ cay hɨnga pɨna ga kɨya laa danagɨŋ dugo naŋ: Ɨŋ tee bɛrnɛdi hɨnga nɔm bɨ, ɨŋ gɨlgɨŋ hɨnga nɔm bɨ, na a kɨɗɨn̰ ga woli gaŋ bɨ, a duroy ƴaadɨgɨŋ dɨŋ bɨ.

Gɨye-lɔɔ 20:27

Kɨya wa ɨŋ tee bɛrnɛdi hɨnga nɔm ga Kumu ba ojɨ lɔɔ bɨgɨŋ le, dɨle wɔsɛ cay hɨnga pɨna dugo.

Gɨye-lɔɔ 28:25

Kɨɗɨn̰ ga kan ba kɨya busoŋ dɨle bɔgɛ noyge pɨna na, Pol yege na kɔl gɨ ba kɛ ƴɔbɨ yege hɨn̰: «Kɔl gɨ Turnɔ ɗe-kuduroy-bɛrɛ ba ɗe a kɨbɨ Ijay ba-yɔɔ-kɔl-gɨ-Kumu-ba-yɔɔ gɨ yen̰ mon̰inagɨŋ le na kɔl cɨndi hayi!

Magtubu di Pol wal bɨn̰ kalaŋ ga Rɔm 15:4

Hɨnga nɔm ga walge a duroy Magtubu di da Kumu dɨŋ bon̰ ɨlgen̰əŋ ga jɨne gaŋ le, kan walge ɗe na gɨlna naa hɨnga. Magtubu di da Kumu gɨlna hɨnga nɔm ga nee le ɗe na laa danana ana na han̰-kuduroyna bɨ, wan̰ bandɨ bɨ, hɨn̰ wo̰ na hɨnga ga na ba bee ɨrɨmedɨna cay nee kɨya orɨn̰ danana tumɔ.

Magtubu di Pol wal bɨn̰ kalaŋ ga Rɔm 2:20

ba gɨlɨn̰ kalaŋ ga sɨlage hɨnga naŋ hɨnga bɨ, ba gɨlɨn̰ karɨn̰aŋ hɨnga bɨ, kɨya gɨ hɨnga-sɔlɛ bɨ, kɔl gɨ cɨndi bɨ le, ji orɨn̰ a boy gasɨn̰-kɔl gaŋ.

Magtubu di Pol wal bɨn̰ kalaŋ ga Rɔm 3:2

Ho’o, Jubɨn̰əŋ wayge hɨnga dan̰ kondiige! Cay wase na, na kan ma Kumu beege kɔl koyi kobɨge ɗe kan na gama.

Magtubu di Pol wal bɨn̰ kalaŋ ga Rɔm 4:23

Ama walage kɔl gɨ nee le ujan̰ na cayi ban kan̰di ƴɔbɨ naŋ.

1 Korɛ̰t 12:7

Waŋ waŋ kalɨn̰ ma Kumu bii hɨnga ga ni bee-kalɨn̰ ga ojɨn̰ cayi ɗe na gɨlɨn̰ dɔnɔ di da Turnɔ di da Kumu jɨn̰ doŋ ɗe na laa dan̰ kalaŋ nɔm.

Galad 3:8

Magtubu di da Kumu ye koldi tumɔ ye gɨ Kumu na kɨya lɔɔ ɗe gɨ kalaŋ ga toyge na Jubɨ naŋ, naa kɨya bɨləŋge kalaŋ ga dan̰ durɔ ɗɨngar, kɨya cay aye gɨ kan ayge kuduroyge. Na toy di hɨn̰ wo̰ ma, Magtubu di da Kumu di nee le, tee bɛrnɛ di da kɔl-gɨ-ɗari gɨ nee le tumɔ bɨn̰ Abɨraham yey hɨn̰: «Kɨya can̰ na, te wɔɔ gɨ da kalaŋ nɔm ga a cay gɨsəŋ gaŋ, kɨya wɔɔge tɔrɛ-kɨbɨ.»

2 Timote 2:25

Ban kɨya hale ka-jɨbe kɔl kɨbi coŋ le, dan̰ kaledi ga jal jɔm. Gajanaŋ Kumu da lɔɔ gɨ kan da bɨle gɨye-lɔɔdɨge bɨ, sɔlɛ kɔl gɨ cɨndi bɨ.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Əbɨro 11:1

Aye kudurɔ le na hɨnga ga ungo sol leen̰ cɨndi gɨ hɨnga ga ban ba bee ɨrɨmedi cay nee le, ɗi na kɨya wɔɔ. Hɨnga ga ungo baa sɔlɛ dan̰ cɨndi le, woy nee leen̰ cɨndi jɛɗɨ jɛɗɨ.

Əbɨro 3:7

Na toy di hɨn̰ wo̰ ma, jagɨŋ kɔl gɨ Turnɔ ɗe-kuduroy-bɛrɛ ye: «Labɨde hɨn̰ gɨ kɨŋ na ja noy Kumu na,

Əbɨro 4:12

Na cɨndi, kɔl gɨ da Kumu le na kɔl gɨ som-bɨra bɨ, togii woy nee bɨ, ƴee ɗɨn̰ pəlɨm di ƴee gasɨndo sɔɔ bɨ. Hɨndi andaŋ kuduroy ungo, or bɨrɨŋ pɔyɛ kɨɗɨn̰ ga ungo habedi bɨ, turnoy bɨ dayaŋge nee gaŋ daa. Bɨ or bɨrɨŋ pɔyɛ kɨɗɨn̰ ga gurɨyadi dan̰ sɔŋ gɨ a duroy isidi dayaŋge nee gaŋ daa bɨ. Kɔl gɨ da Kumu boy kɔl a cay hɨnga nɔm ga ungo ojɨ lɔɔ bɨ, cay ɨrɨme gɨ woy a kuduroy ungo gɨŋ bɨ.