2 Timote 1:3 - Gabri Maja

³ Ɨŋ leen̰ Kumu gɨ ɨŋ lee gɨye bii dan̰ ɨrɨmenɨ gɨ arɨn̰ cərərə hɨn̰ gɨ mon̰ɨnɨ ba leen̰ge gɨye le ho’o. Kɨɗɨn̰ ga daa daa, duroy son̰do dan̰ tɨwa di ɨni bɨ, ɨŋ ɨrɨm kol can̰ boy ɔlɛ hɨnge gɨŋ na, ɨŋ leeyi ho’o.

2 Timote 1:3 Խաչաձեւ Հղումներ

Kɔl-gɨ-Ɗari gɨ Lug wal 2:37

Ɨni na, kudurɔɔ le ma. Ayɨn̰ toy a wɔlɛdi gɨ nee gɨŋ le, hɨndi som ban̰di-gulɔŋ gɨŋ ɨlge toy-margɨm-cay-poɗɨn̰. Hɨndi aya tɨbaa dɨbɨ doŋ ɗa ƴaa-di-da-Kumu coŋ naŋ. Hɨndi lee gɨye gɨ da Kumu duroy son̰do dan̰ tɨwa di ɨni bɨ. Dan̰ haye kɨbɨ bɨ, dan̰ ɔlɛ Kumu bɨ.

Gɨye-lɔɔ 22:3

«Ɨŋ na Jubɨ, wɔɔŋge na Tars, a cay gɨsəŋ ga Sɨlisi gaŋ bɨ, ama na a cay ƴaa-di-gumu di Jerusalɛm dɨŋ kɛ ma abaŋge nee bɨ, na Gamalɨyɛl, ma na ba gɨləŋ hɨnga bɨ. Ban gɨləŋ gasɨn̰-kɔl gɨ da mon̰inagɨŋ, lee gɨ ɨŋ sol gɨyəŋ gɨ ni ɨre a cay gasɨn̰-kɔl kage gaŋ, dan̰ gɨyəŋdɨge gɨyəŋdɨge. Kɨya wa tumɔ le gusɨnɨ-hɨmbalaŋ tɔgɨ a cay hɨnga ga da Kumu gaŋ, na hɨn̰ gɨ kɨŋ ba leen̰ nɔm labɨde wo̰ bɨ.

Gɨye-lɔɔ 23:1

Pol si cɨndi a cay ka-bɔyɛ kɔl cay kalaŋ ga ni Jubɨ solge gəɗəɗə bɨ, yege hɨn̰: «Karmɨnɨ, ɔrɛnɨ gɨ ɨŋ ba or tumoy Kumu bɨrɨŋ labɨde le, kuduronɨ gɨləŋ hɨnga ga ɨsɨni dḛ wo̰ cay nee naŋ.»

Gɨye-lɔɔ 24:14

Ama hɨnga ga ɨŋ ba sol leen̰ cɨndi ba kɛ: Ɨŋ ay na gɨyəŋ gɨ hɨrɨwa, gɨ kan yege gɨ na gɨyəŋ gɨ dan̰ gɨyəŋdi naŋ le leen̰ gɨye bɨn̰ Kumu gɨ da mon̰inagɨŋ le. Bɨ ɨŋ ay kuduronɨ bɨn̰ hɨnga nɔm ga kan walge a duroy magtubu Gasɨn̰-kɔl gaŋ bɨ, duroy magtubu ga da ka-yɔɔ-kɔl-gɨ-Kumu-ba-yɔɔ gaŋ bɨ.

Gɨye-lɔɔ 24:16

Na kɨya cay kɔl gɨ nee le ma, maŋ ƴomɨn̰ togɨnɨ dan̰ wɔlɛ pɨna pɨna ɗe gɨ ɨrɨmenɨ masadi na unɔ tumoy Kumu bɨ, tumoy kalaŋ nee bɨ.»

Gɨye-lɔɔ 26:4

«Hɨnga ga ɨŋ lee duroy te wɔɔ gɨ da kalaŋ kange bɨ, boy cay ƴaa-di-gumu di Jerusalɛm dɨŋ bɨ, dan̰ n̰əŋnɨ bɨrɨŋ gɨ ɨŋ malgɨn̰ le, kalaŋ ga ni Jubɨ nɔm solge kuɗa.

Gɨye-lɔɔ 27:23

A duroy son̰do di kɛ dɨŋ, ba-ƴɔbɛ gɨ daa nii gɨ da Kumu gɨ ɨŋ na ungo koyi bɨ, ɨŋ lee gɨye koyi bɨ le, andaŋ canɨ,

Magtubu di Pol wal bɨn̰ kalaŋ ga Rɔm 9:1

Na kɔl gɨ cɨndi ma maŋ yəgɨŋ kɛ le. Ɨŋ na ungo gɨ ɨŋ bugoŋ pɨna dan̰ Kɨris bɨ, ɨŋ ya poy naŋ bɨ. Turnɔ ɗe-kuduroy-bɛrɛ kalɨn̰ ma lee tɨmon̰ a kuduronɨ gɨ naa cɨndi.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

Galad 1:14

Karmɨnɨ Jubɨ ga ɨlge di ni ɓalɨn̰ le, ɨŋ lee gɨye bɨn̰ Kumu dan̰ gɨyəŋ gɨ da kalaŋ ga ni Jubɨ ɗige. Kɨya wa gusɨnɨ-hɨmbalaŋ tɔgɨ a cay hɨnga ga ni te mon̰ ga da mon̰inagɨŋ ɗɨn̰ ga pɨna kondɨ.

Epɛs 1:16

ɨŋ leen̰ Kumu ho’o daa daa kol caygɨŋ. Kɨɗɨn̰ ga ɨŋ ol Kumu na, kuduronɨ hala gɨybəŋ caygɨŋ naŋ.

1 Tesalonigɨ 3:10

Son̰do dan̰ tɨwa di ɨni le, hɨnga ga ni olɨn̰ Kumu jɨn̰ nee nee ba kɛ: Na gɨ ban na bɨni gɨyəŋ ɗe ani na jogɨ solgɨŋ ɗaŋ bɨ, ɗe ani na bɨgɨŋ hɨnga ga wɨygɨŋ duroy aye kudurɔ kogɨŋ gɨŋ bɨ.

1 Timote 1:19

Ji gama aye kudurɔ bɨ, ɗɔɔ gɨ ɗugon̰ alɨn̰ naŋ bɨ. Kalaŋ ga pɨna kan̰ge jɔɔ kɔl gɨ da ɗugoyge di alge coŋ. Na hɨn̰ wo̰ ma kan leen̰ge hɨnga, ɗe gɨ aye kudurɔ koge baan̰ coŋ.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

1 Timote 5:5

Tama di kudurɔ ma di ungo kɔɔ unɔ bɨ, som kan̰do bɨ le, ɗe ɨrɨmedo na cay Kumu bɨ, ol Kumu bɨ, loɗɨde toyi daa daa duroy son̰do dan̰ tɨwa di ɨni bɨ.

2 Timote 1:5

Ɨŋ hɨn cay aye gɨ ji ay kuduron̰ leen̰ cɨndi gɨŋ le. Agɨn̰ Loyis bɨ, ƴon̰i Enis bɨ, ayge kuduroyge gɨ cɨndi tumon̰ bɨ, ɨŋ sol kuɗa gɨ aye kudurɔ kon̰ woy na hɨn̰ koge wo̰ bɨ.

2 Timote 3:15

Kɨɗɨn̰ ga ji ban̰ karma ƴee le, ji sol Magtubu di da Kumu le. Magtubu le ɓal lɔɔ gɨ cɨndɨn̰ kɨya arɨn̰a. Bɨ cɨn̰-arɨn̰a di nee le, kɨya lɔɔ gɨ ji gɨ pɔɗɛ, dan̰ gɨyəŋ gɨ da kuduron̰ ga ji bee a cay Jesu-Kɨris.

Əbɨro 13:8

Jesu-Kɨris woy ban̰di dɨŋ nagɨni bɨ, labɨde bɨ, ban kɨya sɔmɛ ban̰di dan̰ tumoyi bɨ.