2 Korɛ̰t 8:23 - Gabri Maja

²³ Gɨ ojɨn̰ cay Titɨ na, ban na ba-bɔgɔŋ bɨ, ba-lɔɔ gɨye danaŋ kol caygɨŋ bɨ. Ama ojɨn̰ cay karmɨni ga ɗaŋ ga orge danayi na, na kalaŋ ga Ka-Daye ba gɨyge bɨ, haldɨge kuɗa lee gɨ kalaŋ dɨbɨ gusoŋ-tɔgɛ cay Kɨris kol cayge bɨ.

2 Korɛ̰t 8:23 Խաչաձեւ Հղումներ

Kɔl-gɨ-Ɗari gɨ Lug wal 5:10

Jag dan̰ Ja̰ kurɨn̰ Jebede dan̰ ka-pogɨn̰ɨge ka-ure gusa le kalɨn̰ ma, turnoyge gɨre kayaŋ nee bɨ. Ama Jesu yen̰ Simo hɨn̰: «Hundɔrɔ naŋ! Ay toy haw kɛ na, ji kɨya ure gusa gɨ ji udɨrde naŋ ɨni, ama na kalaŋ mɨn̰ kɨya dayge ɗe kan ayge cay tɨbanɨ.»

Kɔl-gɨ-Ɗari gɨ Lug wal 5:7

Ɨni na, kan leege kobɨge ten̰ge kamdɨge ga a koburo gɨ ɗaŋ gɨŋ, ɗe kan na jogɨge sɨre boy le daa. Kan ɨrgage bɨ, kan donge gusa le pɨna walɨn̰ dan̰ koburo ga sɔɔ le tɨb tɨb. Koburo le walɨn̰ tɨb tɨb, baa tɨlɛŋ wo̰ gɨ ni kɨya ɗɨrme kaŋ gaŋ.

Kɔl-gɨ-Ɗari gɨ Ja̰ wal 13:16

Jagɨŋ! Aŋ yəgɨŋ daa waŋ na cɨndi, guyɔŋ le gumu ɗɨn̰ ba-gulondi naŋ bɨ, ba-gɨre-gɨye kalɨn̰ ma gumu ɗɨn̰ ba-gɨyii naŋ bɨ.

1 Korɛ̰t 11:7

Gɨ ojɨ cay bara na, ojɨ gɨ ban gɨ saɗe cayi naŋ. Kɨya wa Kumu ɗey ɗe gɨlɨn̰ danayi ɗe gɨl gusoŋ-tɔgɛ koyi. Ama tama na gɨl na gusoŋ-tɔgɛ da kudurɔɔ.

2 Korɛ̰t 12:18

Ɨŋ ol Titɨ ɗe na or gusɨgɨŋ bɨ, kurɨndɨni gɨ kɨŋ ba solii le ɨŋ gɨyii ɗe na or danayi bɨ. Kɛ Titɨ dii kardɨgɨŋ duroy hɨnga gaŋ pɨna ga? Naŋ. Kɛ ni gura danayi na te ɨrɨme gɨ pɨna gɨŋ naŋ ga? Kɛ ni gura na te gɨyəŋ gɨ pɨna gɨŋ naŋ ga?

2 Korɛ̰t 7:6

Ama Kumu gɨ ba dɔbɛ bandɨ kuduroy kan ga togɨyge unɔ le, dobɨ bandɨ kuduroyni dan̰ caga gɨ da kurɨndɨni Titɨ.

2 Korɛ̰t 8:16

Laan̰nagɨŋ Kumu ho’o kol bee gɨ ban bɨn̰ Titɨ gusi-hɨmbalwa hɨn̰ gusi-hɨmbalwa tɨnge ɨŋ-bandi wo̰ kɨya jɨbɨn̰ toygɨŋ.

2 Korɛ̰t 8:18

Ungo gɨ ni ba kɨya gɨyii danayi le kɨŋ solii. Ka-aye kudurɔ ga a kɨɗɨn̰ ga da Ka-Daye gaŋ nɔm hɨramiige kol gɨye-lɔɔdi a te tɔgɛ bɛrnɛ Kɔl-gɨ-Ɗari gɨŋ.

2 Korɛ̰t 8:19

Ɗɨn̰ gɨ nee le na, na kalaŋ ga Ka-Daye ba doriige ɗe ban na bɨgani a tɨrga dɨŋ kol gɨye gɨ da ƴɔɔ hɨnga ga ni bee gɨ kan beege kobɨni. Ni lee gɨye gɨ nee le na ɗe gɨ kalaŋ dɨbɨn̰ge gusoŋ-tɔgɛ cay Ba-gulɔŋ bɨ, na kɨya gɨlɨn̰ kalaŋ gɨ hɨnga ga ni ba mal lɔɔ le ni mal lɔɔdɨge na dan̰ kuduroy-bɛrɛ bɨ.

2 Korɛ̰t 8:22

Kurɨndɨni gɨ ni ba gɨwasii kɨbɨ hɨnga ga kondɨ gaŋ bɨ, gɨl gɨ gusi na hɨmbalii gɨɗaŋ a kɨbɨ gɨye gɨŋ le, ni gɨyii ɗe or danage. Haw kɛ na gusi hɨmbalii gɨɗaŋ ɗɨn̰ gɨ tumɔ coŋ, kɨya wa ban bee kuduroy cɔb cɔb caygɨŋ.

2 Korɛ̰t 8:6

Na toy di hɨn̰ wo̰ ma mani olɨn̰ Titɨ gɨ ban na jɨga dɨɗe kɨbɨ gɨye gɨ da hɔgɛ hɨnga ga ni bee kalɨn̰ ga tumɔ ban ba ɗe toyge duroygɨŋ le danagɨŋ.

Pilib 2:25

A boy ɨrɨme hɨnge gɨŋ na, ojɨ gɨ ɨŋ na gɨyɨn̰ dan̰ kurɨnɨ Epapərodit gɨ lee gɨye danaŋ bɨ, ni ɨre kɨbɨ wɔrɨn̰ɛ gɨŋ pɨna le bɨgɨŋ. Na cɨndi, na kɨŋ-gandi ba gɨyɨn̰ danayi bəŋ ɗe na ɨrgan̰ dan̰ hɨnga ga ɨŋ or n̰agedɨge bəŋ.

Pilib 4:3

Ji mɨganɨ ba-lɔɔ gɨye gɨ leen̰ cɨndi, ɨŋ olɨn̰ gɨ ji laa danage ɗe gasɨndɨge bugoŋ pɨna, kɨya wa kan ɗege gusɨge pɨna danaŋ worɨn̰in̰ge kɨya cay Kɔl-gɨ-Ɗari. Kan bee toyge pɨna dan̰ Kilima bɨ kamdi ka-lɔɔ gɨye ga ɗaŋ nɔm ga gusondɨge woy a duroy magtubu di ni pɔɗɛ dɨŋ bɨ, worɨn̰ɨn̰ge.

Kɔlɔs 1:7

Na Epapəras mɨgayni marɨna ba-gɨye gɨ ni lee-toyi ba tumɔ gɨlgɨŋ Kɔl-gɨ-Ɗari gɨ nee le. Ban na ba lɔɔ gɨye gɨ da Kɨris gɨ ɨre a cay tɨbayi dɨŋ bɨ, ƴee ban̰dɨni duroygɨŋ bɨ.

1 Tesalonigɨ 2:2

Hɨn̰ gɨ kɨŋ ba sol le, tumɔ pa dɨm ma gɨ ni kɨya bugoŋ tagɨŋ le, gɨlnige-cɨn̰ bɨ, yagɨdɨnige bɨ, a cay ƴaa-di-gumu di Pilib dɨŋ. Ama Kumu bɨni bandɨ lee gɨ ni tee bɛrnɛ di Kɔl-gɨ-Ɗari koyi, dɨle hundɔrɔ duroy kondɨwadi kɨmbɨl.

2 Timote 4:10

Kɨya wa Demas ɗəŋ coŋ, kɨya hɨnga ga cay gɨsəŋ gaŋ ga haw kɛ le moyi tɔgɨ, lee gɨ ban tolɨn̰ Tesalonigɨ. Bɨ Kərəsa̰s tol Galasi bɨ, Titɨ tol Dalmasi bɨ,

Titɨ 1:4

Ɨŋ wal magtubu di kɛ le, gɨyɨn̰ bɨn̰ na ji-bandi Titɨ, kuronɨ gɨ cɨndi a te aye kudurɔ gɨ pɨna gɨ na dayaŋ cay nee. Kuɗa gɨ Bayna Kumu dan̰ Jesu-Kɨris ba-pɔɗɨna bɨn̰ge ɗarwa bɨ gusi-dɔbɛ bɨ.

Pilemo 1:17

Hɨn̰ gɨ ji na sɨlaŋ laan̰ kurɨndɨn̰ a te aye kudurɔ gɨŋ na, ƴɨmayi gusɨn̰ hɨn̰ ɨŋ-bandi gusɨnɨ wo̰ bɨ.

Pilemo 1:24

Ka-lɔɔ gɨye danaŋ, Marg bɨ, Aristarg bɨ, Demas bɨ, Lug bɨ, leegɨŋge lapɨya.

3 Ja̰ 1:8

Na-gandi na, ojɨ gɨ na na ƴɨma kalaŋ ga hɨn̰ wo̰ le gusɨna, ɗe gɨl gɨ na na bugoŋ danage ojɨn̰ cay kɔl gɨ cɨndi.