2 Korɛ̰t 2:1 - Gabri Maja

¹ Lee gɨ hɨnga ga ɨŋ ba ojɨ kuduronɨ ba kɛ: Ɨŋ kɨya jɔgɛ ɔrɛ tagɨŋ gɨ ni mɔndɛ kuduroygɨŋ naŋ ɨni.

2 Korɛ̰t 2:1 Խաչաձեւ Հղումներ

Gɨye-lɔɔ 11:29

Ka-aye-cay-tɨbay Jesu ojɨge jɨbe te ka-aye kudurɔ ga somge a cay gɨsəŋ ga Jude gaŋ. Waŋ waŋ kalɨn̰ ma dan̰ hɨnga wɔɔ ga woy kobi.

Gɨye-lɔɔ 15:2

Kardi kɔl gɨ nee le na, tumɔ di ɓalɨn̰a naŋ say woy bɨ, Pol dan̰ Barnabas man̰ge kɔl dan̰ kalaŋ ga nee le ɨl pɨvb ojɨn̰ cay kɔl gɨ nee le. Ɨni na, kalaŋ ayge noyge gɨ Pol bɨ, Barnabas bɨ, kalaŋ ga pɨna wo̰ ga Antɨyɔs bɨ, na ɨrage a cay ƴaa-di-gumu di Jerusalɛm dɨŋ, yage koldi bɨn̰ ka-gɨre-gɨye ga da Jesu bɨ, kan ga muɗoldoŋ bɨ.

Gɨye-lɔɔ 15:37

Barnabas gey aye Ja̰ gɨ tɨrɨmbalay na Marg le, ɗe na or danage bɨ.

1 Korɛ̰t 2:2

Kɨya wa ɨŋ uja gɨ ni sɔlɛ-hɨnga ga ɗaŋ kɨɗɨn̰ ga ɨŋ ban̰ duroygɨŋ le naŋ, ama na Jesu-Kɨris ƴɔbɨ, ban gɨ kan gagɨliige a cay sɨya-gɨ-dagɨli gɨŋ le.

1 Korɛ̰t 4:21

Hɨnga ga kɨŋ gey le na wa ga? Na gɨ ɨŋ na ɨra gusɨgɨŋ naa dan̰ suroy wala, naa dan̰ geye bɨ, naa dan̰ kale ga jali bɨ ga?

1 Korɛ̰t 5:3

Gusɨnɨ hen̰ danagɨŋ, ama ɨrɨmenɨ na woy danagɨŋ pɨna. Ɨŋ-bandi na, ɨŋ boy kɔl a cay ungo gɨ ba lɔɔ hɨnga ga hɨn̰ wo̰ le, hɨn̰ gɨ ɨŋ na woy danagɨŋ wo̰ ɨni.

2 Korɛ̰t 1:23

Gɨ ojɨn̰ canɨ ɨŋ-bandi le ɨŋ ay na Kumu leen̰ tɨmon̰ hɨnge, kɔl gɨ ɨŋ ba yəgɨŋ kɛ le na cɨndi: Hɨn̰ gɨ ɨŋ na jɨga ɨra Korɛ̰t naŋ na, ɨŋ gey na ɔrɛ yogɨŋ kɔl gɨ kɨya mɔndɛ kuduroygɨŋ naŋ.

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

2 Korɛ̰t 2:4

Hɨn̰ gɨ kuduronɨ na mundoŋ tɔgɨ bɨ hɨnga na dɨsa ɗugonɨ bɨ kalɨn̰ ma, ɨŋ jɨbɨ kɨbɨnɨ walɨn̰ magtubu bɨgɨŋ dan̰ kaŋdi cɨnɨ. Na kɨya mondɨn̰ kuduroygɨŋ naŋ ama na ɗe gɨ kɨŋ na sɨlan̰ gɨ ɨŋ na lee-toygɨŋ.

Titɨ 3:12

Kɨɗɨn̰ ga ɨŋ na gɨy Artemas naŋ le, Tisig gusɨn̰ na, bɨya gusɨn̰ cɛd ɨre wayaŋ a cay ƴaa di Nigopolis dɨŋ. Kɨya wa ɨŋ ojɨ gɨ ni dɨɗe kɨbɨ kal na nee.