2 Korɛ̰t 11:4 - Gabri Maja

⁴ Hɨn̰ gɨ ungo na ɨra gusɨgɨŋ bɨ, tɨgagɨŋ bɛrnɛ di da Jesu di ɗaŋ dan̰ di ni ba təgɨŋ bɛrnɛdo le, kɨŋ je noyi. Kɨŋ ƴom cay tɨbaygɨŋ kɨya jon̰ noy turnɔ di ɗaŋ dan̰ Turnɔ ɗe-kuduroy-bɛrɛ di tumɔ kɨŋ ba je nɔɔ le. Hɨn̰ gɨ ungo na tɨgagɨŋ bɛrnɛ di da Kɔl-gɨ-Ɗari gɨ ɗaŋ dan̰ di tumɔ na, kɨŋ je noyi bɨ kɨŋ kobɨ kardi haw wo̰ bɨ. Kɨŋ ƴom kuduroygɨŋ osu kɨya ungo gɨ hɨn̰ wo̰ bɨ.

2 Korɛ̰t 11:4 Խաչաձեւ Հղումներ

Marg 7:9

Jesu yege ɗaŋ coŋ hɨn̰: «Leen̰ cɨndi, kɨŋ jɨbɨ te tumɔ ga da Kumu sɛdɨ coŋ bɨ, kobɨn̰ te hada togɨŋ le hagɨŋ.

Gɨye-lɔɔ 4:12

Ungo gɨ ɗaŋ gɨ ani ani gɨ pɔɗɛ kɨya sɔ gusi unɔ. Hɨn̰ gɨ kɨŋ na ɨra na ani ani a gɨɗɨgɨ-Kumu gɨŋ, wala a cay gɨsəŋ gaŋ, duroy kalaŋ kalɨn̰ ma, kɨŋ kɨya jɔɔ guson̰ ungo gɨ ɗaŋ gɨ kɨŋ kɨya aye poɗɨn̰ gusɨgɨŋ naŋ.»

Magtubu di Pol wal bɨn̰ kalaŋ ga Rɔm 8:15

Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

1 Korɛ̰t 3:11

Gɨ ojɨn̰ cay te ƴaa na, ungo gɨ kɨya ɓale ɗɔɔ gɨ ɗaŋ unɔ, na ban gɨ ɗege le ƴɔbɨ: Na Jesu-Kɨris.

2 Korɛ̰t 11:1

Ay! Ƴɨmagɨŋ kuduroygɨŋ kɨya wa haw kɛ ɨŋ gey yogɨŋ kɔl dḛ hɨn̰ ungo gɨ sɨwage leeyi wo̰. Ƴɨmagɨŋ kuduroygɨŋ ƴɔbɨ.

2 Korɛ̰t 2:12

Ɨŋ bugoŋ a cay ƴaa-di-gumu di Tɨrowas kɨya togɨn̰-bɛrnɛ di da Kɔl-gɨ-Ɗari gɨ da Kɨris. Kɨɗɨn̰ ga ɨŋ bugoŋ na, Ba-gulɔŋ haŋgɨ kɨbɨ gɨyəŋ dɨbɨ hangɨwa ɗe gɨ ɨŋ na tɨgan̰ bɛrnɛ.

Galad 3:2

Na kɔl gɨ ba kɛ pɨna hayi ma maŋ gey gɨ kɨŋ dɨbəŋ cay nee. Kɔl le ba kɛ: Kɨŋ way Turnɔ di da Kumu, na kɨya lɔɔ gɨ kɨŋ lee hɨnga ga gasɨn̰-kɔl ye gɨ kɨŋ na laa wala, na kɨya jɔɔ gɨ kɨŋ je Kɔl-gɨ-Ɗari ma magɨŋ been̰ kuduroygɨŋ cay nee ga?

1 Timote 1:3

Hɨn̰ gɨ ɨŋ ba yen̰ tumɔ pa dɨm ma, maŋ ba san̰ orɨn̰ a cay gɨsəŋ ga Masedɨwan ƴee le, ji sɨma a cay ƴaa di Epɛs dɨŋ, an̰ san̰ dan̰ kalaŋ ga pɨna ɗe ɗege ba, gɨlɨn̰ kalaŋ hɨnga ga dan̰ gɨyəŋdɨge naŋ bɨ,

1 Timote 2:5

Kɨya wa Kumu na pɨna hayi kəɗ kəɗ bɨ, Ba-ɨre duroy Kumu dan̰ kalaŋ kalɨn̰ ma, Na pɨna hayi kəɗ kəɗ. Ungo gɨ nee le, Na Jesu-Kɨris.