1 Korɛ̰t 9:14 - Gabri Maja

¹⁴ Na hɨn̰ wo̰ bɨ ma Ba-gulɔŋ ayɨn̰ noy gɨ kalaŋ ga ka-tɔgɛ bɛrnɛ gɨ da Kɔl-gɨ-Ɗari na waage hɨnga ga ni dɔɔ kage naa dan̰ gɨyəŋ gɨ da Kɔl-gɨ-Ɗari bɨ.

1 Korɛ̰t 9:14 Խաչաձեւ Հղումներ

Matɨyo 10:10

Kɨŋ ɗɔɔ ba aye sangɨ kobɨgɨŋ naŋ bɨ, dɔnɛ badɨge sɔɔ cay kamdɨge gaŋ naŋ bɨ, dɔnɛ gɨyabe naŋ bɨ, aye jor naŋ bɨ. Kɨya wa ba-lɔɔ gɨye le, ojɨ gɨ ban kɨya wɔɔ hɨnga kayi ga ni dɔɔ.

Kɔl-gɨ-Ɗari gɨ Lug wal 10:7

Sɨmagɨŋ a duroy ƴaa di nee le, daagɨŋ bɨ, saagɨŋ hɨnga ga kan kɨya bɨgɨŋ bɨ. Kɨya wa ba-lɔɔ gɨye le, orɨn̰ dan̰ cay kobi. Orɛgɨŋ dan̰ kɨbɨ ƴaa ƴaa naŋ.

Kɔl-gɨ-Ɗari gɨ Lug wal 10:8

Cay ƴaa-di-gumu di ani ani di kɨŋ na ɨra nee ma kalaŋ ga cay ƴaa-di-gumu di nee le, na ƴɨmagɨŋ gusɨge na, daagɨŋ hɨnga ga kan bɨgɨŋge.

Gɨye-lɔɔ 18:3

Kɨya wa ban Pol kalɨn̰ ma, na ba-lɔɔ ƴaa-tanda hɨn̰ kan wo̰ bɨ. Ban som danage leen̰ gɨye danage.

1 Korɛ̰t 4:15

Ko hɨn̰ gɨ gɨmdəŋ ga ka-gɨlgɨŋ gɨyəŋ gɨ ni gorɨn̰ te bugoŋ pɨna dan̰ Kɨris naa dubu-mɔjɨ kalɨn̰ ma, kɨŋ-gandi na baygɨŋ na pɨna hayi. Na ɨŋ-bandi pɨna hange ma na baygɨŋ gɨ ba woogɨŋ dan̰ gɨyəŋ gɨ da Kɔl-gɨ-Ɗari gɨ da Jesu-Kɨris le.

1 Korɛ̰t 9:11

Hɨn̰ gɨ ni na gɨsɨ cɨn̰ hɨnga ga da Turnɔ duroygɨŋ ma mani na wala cay hɨnga ga ni wɔɔ kagɨŋ na, kɛ ni lee na hɨnga ga ɗɨn̰ ɔjɛ gɨ ni lɔɔ ga?

1 Korɛ̰t 9:12

Hɨn̰ gɨ kalaŋ ga ɗaŋ na ɨran̰ge dan̰ gɨyəŋ gɨ ni ƴon̰ hɨnga kobɨgɨŋ na, kɛ ni-gandi ni ɓala gɨ ni ƴɔɔ kobɨgɨŋ ɗɨn̰ kage naŋ ga? Ama hɨnga ga ni orɨn̰ dan̰ gɨyəŋ gɨ ni lɔɔ le ni laa naŋ, ama ni ƴom kuduroyni duroy hɨnga nɔm ɗe ani na lɨgɨn̰ gɨyəŋ gɨ da Kɔl-gɨ-Ɗari gɨ da Kɨris naŋ.

1 Korɛ̰t 9:16

Tɔgɛ bɛrnɛ Kɔl-gɨ-Ɗari na hɨnga ga kɨya bəŋ gɨyəŋ gɨ ni loon̰ gɨmɨn̰aw koldɨge naŋ, kɨya wa na hɨnga ga Kumu səŋ canɨ. Hɨn̰ gɨ ɨŋ na tɨga bɛrnɛdi Kɔl-gɨ-Ɗari naŋ na, ɓɨse ƴɨma canɨ yɔd.

1 Korɛ̰t 9:4

Kɛ Kumu bɨni gɨyəŋ gɨ ni dɔɔ bɨ sɔ bɨ naŋ ga?

2 Korɛ̰t 2:12

Ɨŋ bugoŋ a cay ƴaa-di-gumu di Tɨrowas kɨya togɨn̰-bɛrnɛ di da Kɔl-gɨ-Ɗari gɨ da Kɨris. Kɨɗɨn̰ ga ɨŋ bugoŋ na, Ba-gulɔŋ haŋgɨ kɨbɨ gɨyəŋ dɨbɨ hangɨwa ɗe gɨ ɨŋ na tɨgan̰ bɛrnɛ.

Galad 6:6

Hɨn̰ gɨ ungo na ɨr gɨlgɨŋ kɔl gɨ da Kumu na, ojɨ gɨ kɨŋ ga ka-jɔɔ kɔl gɨle koyi le, kuɗa gɨ kɨŋ dɨra kɨway hɨnga wɔɔdɨgɨŋ bii.

1 Tesalonigɨ 1:5

Kɨya wa bɛrnɛ di da Kɔl-gɨ-Ɗari gɨ ni tee bɨgɨŋ le, na dan̰ kɔl ƴɔbɨ naŋ, ama na dan̰ dɔnɔ bɨ, dan̰ gɨye-lɔɔ gɨ da Turnɔ ɗe-kuduroy-bɛrɛ bɨ, dan̰ bɔgɛ kudurɔ gɨ cɨndi bɨ. Kɨŋ sol haldɨni duroygɨŋ bɨ, gɨye-lɔɔdini kol caygɨŋ bɨ.