1 Korɛ̰t 8:4 - Gabri Maja

⁴ Naa hɨn̰ wo̰ na, kɛ ni gɨ ɓale dɔɔ culom gɨ been̰ge kɨbar bɨn̰ kulan̰əŋ ga? Ni sol kuɗa, gɨ kula pɨna wo̰ kalɨn̰ ma unɔ a cay gɨsəŋ gaŋ kɛ bɨ, ni sol gɨ Kumu kalɨn̰ ma na pɨna hayi kəɗ kəɗ bɨ Kumu gɨ ɗaŋ unɔ.

1 Korɛ̰t 8:4 Խաչաձեւ Հղումներ

Marg 12:29

Jesu dɨbii cay nee yeyi hɨn̰: «Di cay wase ba kɛ: “Ay, te wɨn̰je gɨ da Ɨsɨrayɛl jagɨŋ, na Ba-gulɔŋ Kumu kona ma na Ba-gulɔŋ pɨna hayi kəɗ kəɗ,

Gɨye-lɔɔ 14:15

«Ka-pogɨn̰ɨni, kɨŋ le na wa ba hɨn̰ wo̰ ga? Ni na kalaŋ ga ɨndəŋ hɨn̰ kɨŋ-gandi wo̰ bɨ! Kɔl-gɨ-Ɗari gɨ ni ba tee bɛrnɛdi le, na gɨ agɨŋ na ɗen̰ kardi kulan̰əŋ ga kalɨn̰ wo̰ coŋ bɨ, agɨŋ na bɨlɨn̰ gusɨgɨŋ gusi Kumu gɨ som-bɨra. Ban na ba ɗɔɔ gɨɗɨgɨ-Kumu bɨ, cay gɨsəŋ bɨ, kuray gɨ gumu taa taa bɨ, hɨnga nɔm ga ba woy boy kuray gɨ gumu taa taa gɨŋ bɨ, gɨɗɨgɨ-Kumu gɨŋ bɨ.

Gɨye-lɔɔ 15:20

Ama kuɗa gɨ na gɨn̰gɨŋ dan̰ magtubu bɨge, narge dɔɔ kuyoŋ ga mɨdagi ga na kuyoŋ ga kan dɨɗɨge n̰ɨrɨn̰ge kulan̰əŋ bɨ, narge cay yɔyɛ dan̰ gangɨ cayge bɨ, dɔɔ kuyoŋ ga asɨri bɨ, dɔɔ kɨbar bɨ.

Gɨye-lɔɔ 19:26

Ama hɨnga ga Pol gɨ nee ba lee le, kɨŋ sol bɨ je bɨ. Ban ye hɨn̰: “Kulan̰əŋ ga kalaŋ na leege dan̰ kobɨge le, naa kumun̰əŋ naŋ.” Ban nar kalaŋ lee gɨ kalaŋ kondɨ bugoŋge kardi. Na a cay ƴaa toni di Epɛs dɨŋ kɛ ƴɔbɨ naŋ, ama baa dḛ wo̰ gɨ kɨya ƴɔɔ cay gɨsəŋ ga Aji nɔm.

1 Korɛ̰t 8:1

Haw kɛ, kɔl gɨ ojɨ cay kuyoŋ gɨ da nare gɨ been̰ge kɨbar bɨn̰ kulan̰əŋ le, na sol gɨ na-gandi nɔm na orɨn̰ dan̰ hɨnga ga ni sɔlɛ ojɨn̰ cayge. Hɨnga-sɔlɛ na hɨnga ga kɨya lɔɔ gɨ ungo gɨ ɨndi kɨya dogɨn̰ jorgii, ama wandɨ na hɨnga ga kɨya lɔɔ gɨ kalaŋ kɨya orɨn̰ge cɨndɨge tumɔ tumɔ te aye kudurɔ gɨŋ.

1 Korɛ̰t 8:10

Kɨya wa ungo gɨ ɨrɨmedi usa naŋ na sɨlan̰ ji gɨ ba sɔlɛ-hɨnga a te dɔɔ hɨnga a duroy ƴaa kula gɨŋ na, kɛ ban kɨya wɔɔ togii kol can̰ gɨ ni dɨn̰ kuyoŋ gɨ kan been̰ge kɨbar bɨn̰ kulan̰əŋ le naŋ ga?

1 Korɛ̰t 8:11

Lee gɨ kurɨndɨn̰ gɨ bara dan̰ tɨmdɨn̰ di tama ga togiige unɔ gɨ Kɨris ma kol cayge le, kɨya mundoŋge coŋ kɨya cay hɨnga-sɔlɛ kan̰.

Galad 4:8

Jɨne, kɨɗɨn̰ ga kɨŋ sɨlan̰ Kumu naŋ ƴee na, kɨŋ lee gɨye guyɔŋdu ga da kulan̰əŋ ga na kumu gɨ hɨnde naŋ le.

Epɛs 4:6

Kumu na pɨna hayi ƴɔbɨ, ban na kalaŋ nɔm bayge. Ban di cay kalaŋ nɔm bɨ, lee gɨye kol cayge nɔm bɨ, som kuduroyge nɔm bɨ.

1 Timote 1:17

Kɨlma gɨ ba-sɔmɛ ɨlge dan̰ ɨlge, Gɨ na Kumu gɨ kɨya mare naŋ bɨ, Ungo kɨya sɔlɛ cɨndi naŋ bɨ, Ban gɨ na pɨna hayi kəɗ kəɗ bɨ le, Kuɗa gɨ kalaŋ ayage cayi daa bɨ, Dɨbɨge gusoŋ-tɔgɛ cayi bɨ, Ɨlge dan̰ ɨlge. Ɗa-ɗe-woy-hɨn̰-wo̰.

1 Timote 2:5

Kɨya wa Kumu na pɨna hayi kəɗ kəɗ bɨ, Ba-ɨre duroy Kumu dan̰ kalaŋ kalɨn̰ ma, Na pɨna hayi kəɗ kəɗ. Ungo gɨ nee le, Na Jesu-Kɨris.

Magtubu di Jud wal 1:25

Kumu konagɨŋ pɨna hayi kəɗ kəɗ gɨ ba-poɗɨnagɨŋ dan̰ gɨyəŋ gɨ da Ba-gulondɨna Jesu-Kɨris le, kuɗa gɨ gusoŋ-tɔgɛ bɨ, gɨmɨn̰aw bɨ, dɔnɔ bɨ, dɔnɔ di ni diin̰ cay ƴaa bɨ, wɨya na kayi ban ƴɔbɨ boy ɨlgen̰əŋ ga pɨde bɨ, haw kɛ bɨ, bɨrɨŋ dan̰ tumoyi bɨ. Ɗa-ɗe-woy-hɨn̰-wo̰.