1 Korɛ̰t 7:34 - Gabri Maja

³⁴ lee gɨ ɨrɨmedi cudroŋ. Na hɨn̰ wo̰ bɨ, tama di gura ƴaa naŋ, naŋ le tɨmbali di sɨla bara naŋ ƴee le, sol na a cay gɨye gɨ da Ba-gulɔŋ ɗe aa na won̰ dan̰ cɨndo a boy gɨye-lɔɔdɨge gɨŋ bɨ, ɨrɨmedɨge gɨŋ bɨ. Ama tama di gor ƴaa na, sol na a cay gɨye gɨ a cay gɨsəŋ gaŋ, hɨndi mal na gɨyəŋ gɨ ni ƴɔɔ cɨn̰ kudurɔɔ.

1 Korɛ̰t 7:34 Խաչաձեւ Հղումներ

Kɔl-gɨ-Ɗari gɨ Ja̰ wal 10:13

Ungo gɨ nee le, lee hɨn̰ wo̰ na kɨya gɨ ban na ba-lɔɔ gɨye ƴen̰ gursu bɨ, dɨlayi a cay gamge naŋ bɨ.

Magtubu di Pol wal bɨn̰ kalaŋ ga Rɔm 6:13

Ɗɔɔ gɨ kɨŋ aye kɨway kuyoŋdi-gusɨgɨŋ leen̰ ɨsɨna, hɨn̰ gɨ kɨway gusɨgɨŋ le naa hɨnga ga ni leen̰ gɨye gɨ dan̰ durɔ ɗɨngar naŋ, wo̰ naŋ. Ama kɨŋ aya gusɨgɨŋ bɨn̰ Kumu yɔd hɨn̰ kalaŋ ga mage ma boyge lɨbɨ wo̰ bɨ, ayagɨŋ gusɨgɨŋ nɔm dɨbɨ coŋ kɨbɨ gɨye koyi gɨŋ hɨn̰ gɨ kɨŋ naa hɨnga ga ni leen̰ gɨye ga da hɨnga ga dan̰ durɔ ɗɨngar wo̰ bɨ.

1 Korɛ̰t 6:20

Kumu bee nare caygɨŋ bon̰ caygɨŋ ɨni. Na toy di hɨn̰ wo̰ ma, ɗa gɨ kɨŋ dɨbɨ gusoŋ-tɔgɛ a cay Kumu dan̰ kuyoŋdi-gusɨgɨŋ.

1 Korɛ̰t 7:33

Ama ungo gɨ gor ƴaa na, sol na a cay gɨye gɨ cay gɨsəŋ gaŋ, bɨ ban mal na gɨyəŋ gɨ ni ƴɔɔ cɨn̰ tamdi,

1 Korɛ̰t 7:35

Ɨŋ yəgɨŋ kɔl gɨ nee le ojɨn̰ na cay ɗarwa togɨŋ kɨŋ-gandi gaŋ, ɨŋ gey na dɨbgɨŋ gangɨ kordɨgɨŋ naŋ ama ɨŋ yəgɨŋ kɔl gɨ nee le na gɨ ni gɨlgɨŋ gɨyəŋ gɨ ni kobɨn̰ gɨyəŋ gɨ da Ba-gulɔŋ dan̰ kuduroygɨŋ ga pɨna bɨ, leen̰ gɨye bii dɨle orɨn̰ dan̰ ɨrɨmedi gɨ cudroŋ.

2 Korɛ̰t 11:28

Ɗaŋ coŋ, dɨle ɗɔngɨsɛ hɨnga ga ɗaŋ. Dan̰ wɔlɛ pɨna pɨna hɨnga ga ƴom kuduronɨ, ɨŋ sol na a cay Ka-Daye nɔm ga a kɨɗɨn̰ ga ani ani gaŋ.

2 Korɛ̰t 8:16

Laan̰nagɨŋ Kumu ho’o kol bee gɨ ban bɨn̰ Titɨ gusi-hɨmbalwa hɨn̰ gusi-hɨmbalwa tɨnge ɨŋ-bandi wo̰ kɨya jɨbɨn̰ toygɨŋ.

Pilib 1:20

Kɨya wa hɨnga ga ɨŋ som gam jɨnga bɨ ga ɨŋ bee ɨrɨmenɨ cay nee bɨ le, na gɨ a wɔlɛdi gɨŋ na, hɨnga pɨna wo̰ na kɨya dɨbəŋ dasi canɨ naŋ. Ama haw kɛ na, ɨŋ sɨla hɨnga pɨna naŋ dan̰ wɔlɛ nɔm hɨn̰ gɨ tumɔ, ɗe gɨ naa sɔmɛ-bɨra wala tɨma kalɨn̰ ma, aŋ gɨlɨn̰ gɨmɨn̰aw di da Kɨris ɗe kalaŋ sol a kuyonɨ.

1 Tesalonigɨ 5:23

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ.

1 Timote 3:5

Na cɨndi, ungo gɨ na sɨla dɔrɛ tumoy kalaŋ ga a duroy ƴaadi dɨŋ naŋ na, kɛ kɨya sɔlɛ kardi Ka-Daye ga da Kumu na mɨna ga?

1 Timote 5:5

Tama di kudurɔ ma di ungo kɔɔ unɔ bɨ, som kan̰do bɨ le, ɗe ɨrɨmedo na cay Kumu bɨ, ol Kumu bɨ, loɗɨde toyi daa daa duroy son̰do dan̰ tɨwa di ɨni bɨ.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.