1 Korɛ̰t 5:5 - Gabri Maja

⁵ Tɨwado di nee dɨŋ le, dɨragɨŋ ungo gɨ nee le duroygɨŋ coŋ, dibiigɨŋ bɨn̰ Sidan. Ɗe gɨye-lɔɔ kuyoŋdi-gusi mundoŋ ama turnoyi way pɔɗɛ a boy wɔlɛ gɨ Ba-gulɔŋ kɨya jɨga.

1 Korɛ̰t 5:5 Խաչաձեւ Հղումներ

Matɨyo 4:10

Ɨni na, Jesu jɨga yoo hɨn̰: «Sa coŋ, Sidan! Kɨya wa magtubu gasɨn̰-kɔl gɨ da Kumu ye hɨn̰: “Na Ba-gulɔŋ Kumu pɨna hayi kəɗ kəɗ ma mɨn̰ kɨya n̰ɨrii bɨ, lɔɔ gɨye bii bɨ.”»

Kɔl-gɨ-Ɗari gɨ Lug wal 22:31

Bɨ Jesu yen̰ Pɨyɛr ye hɨn̰: «Simo, Simo, ja! Sidan ɨngɨr te tumɔ ana yɨbagɨ aye kudurɔ kon̰ hɨn̰ gasa ga kan yal cɨndɨge wo̰.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

1 Korɛ̰t 11:32

Ama ban boy kɔl cayna bɨ halna bɨ na gɨ ɗe kɔl na ƴom cayna dan̰ kalaŋ ga cay gɨsəŋ gaŋ kɛ naŋ.

1 Korɛ̰t 5:13

Kan ga a doŋ le, na Kumu ba kɨya bɔyɛ kɔl cayge. Dɨragɨŋ kalaŋ ga ka-kuduroy-ɨndɨwa duroygɨŋ coŋ.

2 Korɛ̰t 10:6

Ama ni som cay tɨbayni dɨŋ ɨni ɗe hɨn̰ gɨ kɨŋ na gɨl jɔɔ kɔl kogɨŋ doŋ gɨ na kuɗa duroŋ cɨrɛɗ na, kalaŋ ga na ka-jɔɔ kɔl naŋ le, ni kɨya halge, kɨya cay hɨnga ga ɨsɨni ga kan lee le.

2 Korɛ̰t 12:7

Na cɨndi, hɨnga ga nee ga Kumu wasɨn̰ cayge bəŋ le dor turnoy kɨɗɨn̰, Kumu gey gɨ ɨŋ na gɨ gɨle gusɨnɨ koldɨge naŋ. Na toy di hɨn̰ wo̰ ma Kumu bəŋ hɨnga ga pɨna wo̰ ga gɨləŋ-cɨn̰ hɨn̰ gɨsɨm wo̰ a kuyonɨ gɨŋ gɨlɨn̰ hɨn̰ ba-ƴɔbɛ gɨ daa nii gɨ da sidan gɨ ɨre təŋ wo̰. Kumu bəŋ gɨle-cɨn̰ di nee le, ɗe ɨŋ na gɨ gɨlɨn̰ gusɨnɨ naŋ.

2 Korɛ̰t 13:10

Na toy di hɨn̰ wo̰ ma, ɨŋ wal kɔl gɨ kɛ le nɔm gɨyɨn̰ bɨgɨŋ kɨɗɨn̰ ga ɨŋ baa hen̰ danagɨŋ. Na ɗe gɨ kɨɗɨn̰ ga ɨŋ na bugoŋ duroygɨŋ na, ɨŋ na gɨ wɔɔ hɨnga ga ni san̰ danagɨŋ naŋ ko ɨŋ na ɨran̰ dan̰ dɔnɔ di da Ba-gulɔŋ di bəŋ. Ba-gulɔŋ bəŋ dɔnɔ na gɨ ni jɨbɨn̰ toygɨŋ agɨŋ na orɨn̰ jɨn̰ tumɔ wala na gɨ ni mondɨgɨŋ naŋ.

Pilib 1:6

Ɨŋ sol kuɗa, Kumu gɨ ba ɗɔɔ te gɨye gɨ kuɗa gɨ nee a kuduroygɨŋ le, kɨya orɨn̰ danayi bɨrɨŋ dɨɗe kɨbi a wɔlɛ gɨ Jesu-Kɨris kɨya cagan̰ gɨŋ.

1 Timote 1:20

Himene bɨ, Alegjandɨr bɨ, woyge duroy kalaŋ ga nee le. Ɨŋ ɗege kobi Sidan. Na hɨn̰ wo̰ ma, wɔlɛ gɨ ɗaŋ kan gɨ jɔgɛ yagɨde Kumu naŋ ɨni.

2 Timote 1:18

Kuɗa gɨ Ba-gulɔŋ baa danayi bɨ, sɨla cɨn̰-n̰age toyi wɔlɛ gɨ ni bon̰ kɔl gɨŋ bɨ. Hɨnga nɔm ga ban lee bəŋ a cay ƴaa-di-gumu di Epɛs dɨŋ le, ji sol kuɗa ɗɨn̰ kalaŋ ga ɗaŋ coŋ.

2 Pɨyɛr 3:12

Gamagɨŋ bɨ, sɨbɨrgɨŋ wɔlɛ caga gɨ da Kumu bɨ. Wɔlɛdi gɨ nee le, kan kɨya mɔndɛ gɨɗɨgɨ-Kumu na dan̰ tɨwa bɨ, hɨnga ga Kumu ɗege ga tɨwa di daa woy boy nee le, kɨya mundoŋge coŋ bɨ.

1 Ja̰ 5:16

Hɨn̰ gɨ ungo na sɨla kurɨndi te lɔɔ ɨsɨna gɨ kɨya pɔyɛ duroyge dan̰ Kumu bɨrɨŋ coŋ naŋ na, kuɗa gɨ ban ula Kumu kol cayi bɨ, ban kɨya bii sɔmɛ-bɨra gɨ dan̰ tumoyi bɨ. Ɨsɨna gɨ kɨya pɔyɛ ungo dan̰ Kumu bɨrɨŋ woy nee. Ama na gɨ nee le ma maŋ yəgɨŋ gɨ kɨŋ na ula Kumu kol cay ka-lɔɔdɨge naŋ.