1 Korɛ̰t 4:6 - Gabri Maja

⁶ Ay, karmɨnɨ ga ban̰aŋ dan̰ ga kandɨ, ɨŋ ay Apolos bɨ ɨŋ-bandi gusɨnɨ gaŋ bɨ, hɨn̰ hɨnga ga ni ƴɔlɛ ɗe agɨŋ na solɨn̰ mɨdɨgadi-kɔl gɨ kalaŋ yen̰ge ye hɨn̰: «Kɨŋ ɗɔɔ ɨrɨmedɨgɨŋ dɔgɛ cay kɔl gɨ walge duroy magtubu dɨŋ ɗɔɔ dugo naŋ.» Na toy di hɨn̰ wo̰ ma, ungo pɨna duroygɨŋ kɨya dɔgɛ jorgii dan̰ guson̰ ba gɨlɨn̰ kalaŋ hɨnga gɨ pɨna jɨbɨn̰ ban gɨ ɗaŋ pɨrɨŋ coŋ naŋ.

1 Korɛ̰t 4:6 Խաչաձեւ Հղումներ

Gɨye-lɔɔ 18:24

Jubɨ gɨ pɨna wo̰ gɨ gusondi na Apolos ɨrga bugoŋ a cay ƴaa-di-gumu di Epɛs dɨŋ. Kan wooyge na a cay ƴaa-di-gumu di Alegjandɨri dɨŋ. Ban na ungo gɨ orɨn̰ dan̰ jɨba di kɔl bɨ, ban na ungo gɨ sol kɔl gɨ a boy kɔl gɨ woy a duroy Magtubu di da Kumu dɨŋ di kan walge tɔgɨ bɨ.

Gɨye-lɔɔ 19:1

Kɨɗɨn̰ ga Apolos baa a Korɛ̰t ƴee na, Pol gay cay gɨsəŋ ga Aji ga garman̰əŋ kondɨ nee bɨ, ɨrgan̰ bugoŋ a cay ƴaa-di-gumu di Epɛs dɨŋ. Ban way ka-aye-cay-tɨbay Jesu ga pɨna wo̰ a nee.

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

1 Korɛ̰t 1:12

Kɔl gɨ ɨŋ ba gey yogɨŋ ba kɛ: Waŋ waŋ kalɨn̰ ma kɔl yɔdi or kan̰di kan̰di. Kan ga pɨna yege hɨn̰: «Ɨŋ-bandi ɨŋ na gɨ da Pol.» Ga ɗaŋ yege hɨn̰: «Ɨŋ-bandi ɨŋ na gɨ da Apolos.» Ga ɗaŋ coŋ yege hɨn̰: «Ɨŋ-bandi ɨŋ na gɨ da Kepas.» Bɨ ga ɗaŋ yege hɨn̰: «Ɨŋ-bandi ɨŋ na gɨ da Kɨris.»

1 Korɛ̰t 1:19

Kɨya wa walge duroy Magtubu di da Kumu dɨŋ yege hɨn̰: «Ɨŋ kɨya mɔndɛ cɨn̰-muɗɔlɛ da ka-muɗɔlɛ coŋ bɨ, Ɨŋ kɨya mɔndɛ hɨnga-sɔlɛ ga da ka-sɔlɛ hɨnga, Bɨlɨn̰ leen̰ hɨnga ga kalɨn̰ wo̰ dugo bɨ.»

1 Korɛ̰t 1:31

kɨya hɨn̰ gɨ kan ba walge duroy Magtubu di da Kumu dɨŋ yege hɨn̰: «Hɨn̰ gɨ ungo na gey gɨle gusi na, kuɗa gɨ ban na gɨl gusi ujan̰ cay hɨnga ga Ba-gulɔŋ lee dɨɗɨ kɨbɨge ɨni.»

1 Korɛ̰t 13:4

Ungo gɨ wandɨ woy gusi le dɨbɨ ɗugoy bɨ, lee hɨnga ga ɗari bɨ. Ungo gɨ wandɨ woy gusi le na ba lɔɔ jangɨ naŋ bɨ. Ungo gɨ wandɨ woy gusi le na ba gɨle gusi naŋ bɨ na ba dɔgɛ jorgii naŋ bɨ.

1 Korɛ̰t 3:19

Kɨya wa cɨn̰-muɗɔlɛ da kalaŋ ga cay gɨsəŋ gaŋ kɛ, woy dɨngal cɨn̰ Kumu. Kɨya wa walge duroy Magtubu di da Kumu dɨŋ yege hɨn̰: «Kumu ƴom ka-cɨn̰-muɗɔlɛ dan̰ jɨba toge gaŋ.»

1 Korɛ̰t 3:21

Hɨn̰ wo̰ na, ɗɔɔ gɨ ungo dɔgɛ jorgii dan̰ guson̰ mɨgay ungo gɨ ɨndi naŋ. Kɨya wa hɨnga nɔm na kagɨŋ:

1 Korɛ̰t 5:2

Bɨ kɨŋ ɨre nee gaŋ den̰ jorgiigɨŋ hal ƴee coŋ! Ungo gɨ lee hɨnga ga hɨn̰ wo̰ le, ojɨ gɨ kuduroy-hɔmɛ ni ləgɨŋ bɨ kɨŋ ni dorii duroygɨŋ coŋ. Ama kɨŋ laa hɨnga ga nee le naŋ.

1 Korɛ̰t 5:6

Hɨnga ga kɨŋ ba de jorgiigɨŋ koldɨge le, na hɨnga ga kuɗa naŋ. Subugu di mapa di dḛ wo̰ le, lee gɨ kɨrbaŋdi gɛmɛ gɨ woŋsi sodɨ nɔm le kɛɛ, kɨŋ sɨla naŋ ga?

1 Korɛ̰t 8:1

Haw kɛ, kɔl gɨ ojɨ cay kuyoŋ gɨ da nare gɨ been̰ge kɨbar bɨn̰ kulan̰əŋ le, na sol gɨ na-gandi nɔm na orɨn̰ dan̰ hɨnga ga ni sɔlɛ ojɨn̰ cayge. Hɨnga-sɔlɛ na hɨnga ga kɨya lɔɔ gɨ ungo gɨ ɨndi kɨya dogɨn̰ jorgii, ama wandɨ na hɨnga ga kɨya lɔɔ gɨ kalaŋ kɨya orɨn̰ge cɨndɨge tumɔ tumɔ te aye kudurɔ gɨŋ.

1 Korɛ̰t 9:23

Ɨŋ lee hɨnga ga nee le nɔm na kɨya cay Kɔl-gɨ-Ɗari ɗe aŋ na wan̰ ɗarwa di woy a boy nee le.

2 Korɛ̰t 10:12

Ni-gandi ni ɓala gɨ ni se gusɨni a kɨway kalaŋ ga pɨna ga hɨram gusɨge le naŋ bɨrɨŋ. Ni gey gɨse gusɨni danage naŋ. Kan som gɨsɨ gusɨge dan̰ gusɨge koge bɨ, gɨsɨ gusɨge duroyge bɨ. Dan̰ gɨyəŋ gɨ nee le na, kan gɨl gɨ kan naa ka-matɨr.

2 Korɛ̰t 10:15

Ni-gandi ni kɨya hɨngɨɗe cay kɨɗɛlɛ koni ɗɔɔ dugo ojɨn̰ cay kɔl gɨ ni ba kɨya yɔ a cay gɨyəŋ gɨ nɔm naŋ, na gɨ ni kɨya gɨle gusɨni a cay gɨye gɨ kalaŋ ga ɗaŋ leege naŋ. Ama ni bee ɨrɨmedɨni cay nee gɨ aye kudurɔ kogɨŋ kɨya sɔ cay mɨgay gɨŋ jɨn̰ tumɔ tumɔ bɨ, gɨye koni gɨ a duroygɨŋ le kalɨn̰ ma kɨya sɔ cay mɨgay gɨŋ jɨn̰ tumɔ tumɔ bɨ.

2 Korɛ̰t 10:7

Kɨŋ ɗɔɔ ba hundɔrɔ sɔlɛ-hɨnga ga leen̰ cɨndi ga woy tumoygɨŋ. Hɨn̰ gɨ ungo na sɨla arɨn̰a gɨ ban naa ungo gɨ da Kɨris na, kuɗa gɨ ban ɨrɨm a cay hɨnga ga ba kɛ coŋ: Hɨn̰ gɨ ban naa ungo gɨ da Kɨris na, ni-gandi kalɨn̰ ma ni na ga da Kɨris bɨ.

2 Korɛ̰t 11:4

Hɨn̰ gɨ ungo na ɨra gusɨgɨŋ bɨ, tɨgagɨŋ bɛrnɛ di da Jesu di ɗaŋ dan̰ di ni ba təgɨŋ bɛrnɛdo le, kɨŋ je noyi. Kɨŋ ƴom cay tɨbaygɨŋ kɨya jon̰ noy turnɔ di ɗaŋ dan̰ Turnɔ ɗe-kuduroy-bɛrɛ di tumɔ kɨŋ ba je nɔɔ le. Hɨn̰ gɨ ungo na tɨgagɨŋ bɛrnɛ di da Kɔl-gɨ-Ɗari gɨ ɗaŋ dan̰ di tumɔ na, kɨŋ je noyi bɨ kɨŋ kobɨ kardi haw wo̰ bɨ. Kɨŋ ƴom kuduroygɨŋ osu kɨya ungo gɨ hɨn̰ wo̰ bɨ.

2 Korɛ̰t 12:19

Gajanaŋ kɨŋ da yɔ a kuduroygɨŋ gɨ ɨŋ ni na ye kɔl gɨ nee le nɔm na kɨya ƴon̰ naa cayni toni gaŋ a tumoygɨŋ. Naŋ, na hɨn̰ wo̰ naŋ. Ni yəgɨŋ kɔl na te bugoŋ pɨna dan̰ Kɨris tumoy Kumu. Ay karmɨni ga ni lee-toygɨŋ, hɨnga nɔm ga ni ba lee le, na kol caygɨŋ ƴɔbɨ ɗe agɨŋ na malgɨn̰ te aye kudurɔ gɨŋ.

2 Korɛ̰t 12:20

Haw kɛ na ɨŋ hɨndar gɨ kɨɗɨn̰ ga ɨŋ na bugoŋ gusɨgɨŋ na, kɨŋ da wɔyɛ hɨn̰ gɨ ɨŋ gey wo̰ naŋ bɨ, ɨŋ-bandi kalɨn̰ ma ɨŋ da wɔyɛ hɨn̰ gɨ kɨŋ gey wo̰ naŋ bɨ. Gajanaŋ ɨŋ da wɔɔ duroygɨŋ bɔjɨn̰ɛ bɨ, cɨn̰-pɨɗɨma bɨ, kuduroy-hɔmɛ bɨ, jangɨ bɨ, yɔdɔ kɔl gɨ ɨsɨni kardi ungo bɨ, yɨle kɨɗɨn̰ bɨ, dɔgɛ-jɔrgɔ bɨ, lɔɔdɔ hɨnga ga dan̰ gɨyəŋdɨge naŋ bɨ.

2 Korɛ̰t 12:6

Hɨn̰ gɨ ɨŋ na gɨl gusɨnɨ kalɨn̰ ma ɨŋ na ungo ba dɨngale naŋ kɨya wa kɔl hɨnge na cɨndi. Ama ɨŋ kan̰ gɨle gusɨnɨ coŋ, ɗe ungo wo̰ ɨrɨme hɨnga ga ɗɨn̰ gɨ ban sol dan̰ cɨndi bɨ je dan̰ sɨmayi gusɨnɨ bɨ a gɨye-lɔɔnɨ gɨŋ kol canɨ naŋ.

2 Korɛ̰t 4:15

Hɨnga nɔm ga ba andaŋ cayni le na kol caygɨŋ, ɗe ɗarwa di da Kumu andaŋ gusi kondɨwadi kalaŋ jɨn̰ tumɔ tumɔ. Hɨn̰ wo̰ na kondɨwadi kalaŋ kɨya loon̰ge Kumu ho’o bɨ, dɨbege gusoŋ-tɔgɛ cayi bɨ.

Kɔlɔs 2:18

Kalaŋ ga mooge jɨgan̰ dan̰ gusɨge dugo gɨ cɨndi naŋ bɨ, n̰ɨre ka-ƴɔbɛ ga daa bɨ, ƴɔmɛ kardi hɨnga ga buyoŋ cɨndɨge ga kan gusɨge ba sɔlɛ bɨ le, kɨŋ ɗɔɔ gɨ ɗe kan nare cɨndɨgɨŋ naŋ. Kalaŋ ga hɨn̰ wo̰ le ɨrɨmedɨge gɨ dan̰ gɨyəŋ gɨ da kalaŋ ga ɨndəŋ le, lee gɨ kan gongɨrdɨn̰ge gusɨge kalɨn̰ wo̰ dugo.

1 Tesalonigɨ 1:5

Kɨya wa bɛrnɛ di da Kɔl-gɨ-Ɗari gɨ ni tee bɨgɨŋ le, na dan̰ kɔl ƴɔbɨ naŋ, ama na dan̰ dɔnɔ bɨ, dan̰ gɨye-lɔɔ gɨ da Turnɔ ɗe-kuduroy-bɛrɛ bɨ, dan̰ bɔgɛ kudurɔ gɨ cɨndi bɨ. Kɨŋ sol haldɨni duroygɨŋ bɨ, gɨye-lɔɔdini kol caygɨŋ bɨ.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.