1 Korɛ̰t 16:16 - Gabri Maja

¹⁶ karmɨnɨ ga ban̰aŋ dan̰ ga kandɨ, dɨbagɨŋ caygɨŋ dugo bɨn̰ na kalaŋ ga hɨn̰ wo̰ le kɔ bɨ, kan ga ƴom kɨbɨ gɨye danage dan̰ ɗugoyge ga pɨna bɨ.

1 Korɛ̰t 16:16 Խաչաձեւ Հղումներ

Magtubu di Pol wal bɨn̰ kalaŋ ga Rɔm 16:12

Laan̰gɨŋ Tirpɛn dan̰ Tirpojɨ lapɨya bəŋ. Kan na kandɨ ga gɨlalage a kɨbɨ gɨye gɨ da Ba-gulɔŋ gɨŋ naŋ bɨ. Laan̰gɨŋ Pɛrsidɨ lapɨya bəŋ bɨ. Hɨndi na tɨmnɨ di ɨŋ lee-tɔɔ di gɨlal tɔgɨ a kɨbɨ gɨye gɨ da Ba-gulɔŋ gɨŋ.

Magtubu di Pol wal bɨn̰ kalaŋ ga Rɔm 16:3

Laan̰gɨŋ Pɨrisil dan̰ Agilas, lapɨya bəŋ. Kan na kamnɨ ka-lɔɔ gɨye pɨna danaŋ te bugoŋ pɨna gɨŋ dan̰ Jesu-Kɨris.

Magtubu di Pol wal bɨn̰ kalaŋ ga Rɔm 16:6

Laan̰gɨŋ Mari di gɨlal gɨɗaŋ kol caygɨŋ lapɨya bəŋ bɨ.

Magtubu di Pol wal bɨn̰ kalaŋ ga Rɔm 16:9

Laan̰gɨŋ Urbɛ̰ lapɨya bəŋ bɨ. Ban na mɨganɨ ba-lɔɔ gɨye a te bugoŋ pɨna dan̰ Kɨris gɨŋ bɨ. Laan̰gɨŋ Sɨtakis gɨ ɨŋ lee-toyi lapɨya bɨ.

1 Korɛ̰t 12:28

Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ,

1 Korɛ̰t 3:9

Kɨya wa ni lee gɨye na pɨna boy gɨye gɨ da Kumu gɨŋ bɨ, kɨŋ na yage gɨ da Kumu bɨ. Kɨŋ na ƴaa gɨ Kumu ba ɗɔɔ bɨ.

Epɛs 5:21

Kɨŋ ka-dɨbe hurɔmɔ cay Kɨris le, dɨbagɨŋ caygɨŋ dugo bɨn̰ gusɨgɨŋ duroygɨŋ.

Pilib 4:3

Ji mɨganɨ ba-lɔɔ gɨye gɨ leen̰ cɨndi, ɨŋ olɨn̰ gɨ ji laa danage ɗe gasɨndɨge bugoŋ pɨna, kɨya wa kan ɗege gusɨge pɨna danaŋ worɨn̰in̰ge kɨya cay Kɔl-gɨ-Ɗari. Kan bee toyge pɨna dan̰ Kilima bɨ kamdi ka-lɔɔ gɨye ga ɗaŋ nɔm ga gusondɨge woy a duroy magtubu di ni pɔɗɛ dɨŋ bɨ, worɨn̰ɨn̰ge.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 2:9

Ay, karmɨnɨ ga ban̰aŋ dan̰ ga kandɨ, hɨngɨŋ a cay gɨye gɨ ni ba lee ƴomɨn̰ kɨjan̰e le bɨ, cay gɨlale gɨ ni ba gɨlal danagɨŋ bɨ. Kɨɗɨn̰ ga ni ba tee bɛrnɛ di da Kɔl-gɨ-Ɗari gɨ da Kumu bɨgɨŋ le, ni lee gɨye dan̰ son̰do bɨ, tɨwa di ɨni bɨ, ɗe ani na nɨyin̰ ungo pɨna wo̰ duroygɨŋ naŋ.

1 Tesalonigɨ 5:12

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ bɨgan̰ kalaŋ ga duroygɨŋ ga gɨlalge danagɨŋ bɨ, ga Ba-gulɔŋ sige caygɨŋ bɨ, ga halgɨŋge bɨ le, kɔl nee.

1 Timote 5:17

Kan ga muɗoldoŋ ga dorge tumoy Daye kuɗa le, ɗa gɨ kalaŋ bɨge hɨnga ga ni cay kobɨge kɨɗɨn̰ sɔɔ. Ama gɨ kondi tɔgɨ na, na kan ga ɗege gusɨge kɨbɨ gɨye gɨ nɨye-tɔgɨ, gɨ na gɨye-tɔgɛ bɛrnɛ bɨ, gɨlɨn̰ kalaŋ kɔl gɨ da Kumu le bɨ.

Əbɨro 13:17

Jagɨŋ kɔl kɨbɨ ka-dɔrɛ tumoygɨŋ bɨ dɨbagɨŋ caygɨŋ dugo bɨge bɨ. Kɨya wa kan sige cɨndɨge kardɨgɨŋ dan̰ tɨwa nɔm na kɨya dorɨn̰ kardi gɨye kogɨŋ bɨn̰ Kumu. Hɨn̰ gɨ kɨŋ na ja kɔl kɨbɨge na, kan kɨya lɔɔge gɨye koge dan̰ gusi-mɔwa, ama naa hɨn̰ wo̰ naŋ na kan kɨya lɔɔ gɨye koge le dan̰ ɨle kuduroyge. Gɨ nee le kɨya ande hɨnga bɨgɨŋ naŋ.

Əbɨro 13:24

Laan̰gɨŋ ka-dɔrɛ tumoygɨŋ nɔm lapɨya bɨ, kalaŋ ga woyge dan̰ cɨndɨge nɔm lapɨya bɨ. Kalaŋ ga a cay gɨsəŋ ga Itali gaŋ ləgɨŋge lapɨya bɨ.

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

1 Pɨyɛr 5:5

Kɨŋ marɨne kalɨn̰ ma, kuɗa gɨ kɨŋ dɨba caygɨŋ dugo bɨn̰ ga muɗoldoŋ. Bɨ kɨŋ-gandi ka-aye kudurɔ nɔm ga duroy Ka-Daye nɔm le, dɔgɛgɨŋ jurgiigɨŋ dan̰ gusɨgɨŋ naŋ. Kɨya wa walge duroy Magtubu di da Kumu dɨŋ yege hɨn̰: «Kumu jɨbɨ ka-dɔgɛ jorgiige sɛdɨ coŋ, ama ban lee ɗarwa dan̰ kan ga dɨga jorgiige naŋ.»

3 Ja̰ 1:8

Na-gandi na, ojɨ gɨ na na ƴɨma kalaŋ ga hɨn̰ wo̰ le gusɨna, ɗe gɨl gɨ na na bugoŋ danage ojɨn̰ cay kɔl gɨ cɨndi.

Wasɨn̰a 2:3

Ɨŋ sol gɨ gɨle-cɨn̰ andaŋ caygɨŋ kol gusoŋnɨ bɨ, kɨŋ ƴom kuduroygɨŋ osu duroy nee bɨ, ɨŋ sol gɨ kɨŋ gabaŋ naŋ bɨ.