1 Korɛ̰t 14:3 - Gabri Maja

³ Ama ba-yɔɔ-kɔl-gɨ-Kumu-ba-yɔɔ le ye kɔl na dan̰ kalaŋ ɗe togɨyge na san̰ cay mɨga dɨŋ bɨ, na gɨ ni dobɨn̰ bandɨ kuduroyge bɨ, na gɨ ni jalɨn̰ kuduroyge bɨ.

1 Korɛ̰t 14:3 Խաչաձեւ Հղումներ

Kɔl-gɨ-Ɗari gɨ Lug wal 3:18

Na dan̰ kɔl gɨ kondi gɨ hɨn̰ wo̰ ma, Ja̰ been̰ kɔl-gɨ-ɗari kuduroyge bɨ teen̰ bɛrnɛ Kɔl-gɨ-Ɗari bɨn̰ kalaŋ bɨ.

Gɨye-lɔɔ 13:15

Ungo gɨ pɨna wo̰, say ɗongɨsɨ magtubu gasɨn̰-kɔl gɨ da Moyis bɨ, di da ka-yɔɔ-kɔl-gɨ-Kumu-ba-yɔɔ bɨ. Kardi nee ɨni na, ka-sɔmɛ a cay ƴaa-daye-di-da-Jubɨn̰əŋ le, gɨyge yege hɨn̰: «Karmɨni, hɨn̰ gɨ kɨŋ na ɨran̰ dan̰ kɔl gɨ kɨya dɔbɛ bandɨ kuduroy kalaŋ ga ba dayaŋge kɛ le na, yanigɨŋ.»

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 15:32

Jud bɨ, Sɨlas bɨ, na ka-yɔɔ-kɔl-gɨ-Kumu-ba-yɔɔ. Kan kalɨn̰ ma yege kɔl tɔgɨ bɨ, dobɨge bandɨ kuduroyge bɨ, bɨgege tɔgɨ bɨ.

Gɨye-lɔɔ 4:36

Jɨsɛb ban gɨ ka-gɨre-gɨye teege tɨrɨmbalayi naa Barnabas le, duroyi na ba «dɔbɛ bandɨ» kuduroy kalaŋ, ban na a te wɨn̰je gɨ da Lebi gɨŋ. Wooyge na a cay ƴaa di Sɨpɨr dɨŋ bɨ, ban orɨn̰ dan̰ kɨɗɨn̰ yage pɨna.

Gɨye-lɔɔ 9:31

Lee gɨ Ka-Daye somge dan̰ gusi-dɔbɛ a cay gɨsəŋ ga Jude bɨ, ga Galile bɨ, ga Samari bɨ. Kan wayge togɨyge bɨ, hɨndarge Turnoyi Ba-gulɔŋ bɨ, kondɨwadɨge say cay kamdɨge gaŋ dan̰ gɨyəŋ gɨ da Turnɔ ɗe-kuduroy-bɛrɛ di gɨrge nee bɨ.

Magtubu di Pol wal bɨn̰ kalaŋ ga Rɔm 12:8

Hɨn̰ gɨ Kumu na bɨn̰ ungo dɔnɔ di ni dobɨn̰ bandɨ kuduroy karmii na, kuɗa gɨ ban dɨba bandɨ kuduroyge. Hɨn̰ gɨ Kumu na bɨn̰ ungo cɨn̰-arɨn̰a di ni bee hɨnga na, kuɗa gɨ ban laa dan̰ wandɨ di cɨla. Hɨn̰ gɨ Kumu na bɨn̰ ungo cɨn̰-muɗɔlɛ gɨ ni dɔrɛ tumoy karmii na, kuɗa gɨ ban dɨra tumoyge dan̰ gusi-hɨmbalwa. Hɨn̰ gɨ Kumu na bɨn̰ ungo cɨn̰-arɨn̰a di ni sɔlɛ cɨn̰-n̰age di da kalaŋ na, kuɗa gɨ ban jɨbɨ toyge dan̰ gusi-mɔwa.

Magtubu di Pol wal bɨn̰ kalaŋ ga Rɔm 14:19

Hɨn̰ wo̰ na, kuɗa gɨ na mala na kardi hɨnga ga kɨya ɨrgan̰ dan̰ gusi-dɔbɛ a duroynagɨŋ bɨ, ɗe togɨygɨŋ na san̰ cay mɨgaa dɨŋ bɨ.

Magtubu di Pol wal bɨn̰ kalaŋ ga Rɔm 15:2

Kuɗa gɨ waŋ waŋ kalɨn̰ ma duroyna laa na hɨnga ga kɨya ƴɔɔ cɨn̰ mɨgayi, kol ɗarwa toyi bɨ, kol togii di kɨya sɔ cay mɨgaa dɨŋ bɨ.

1 Korɛ̰t 10:23

«Ɗege gɨyəŋ bəŋ gɨ ɨŋ na laa hɨnga nɔm», ama hɨnga nɔm bayana gɨ ni lɔɔ naŋ. «Ɗege gɨyəŋ bəŋ gɨ ɨŋ na laa hɨnga nɔm», ama hɨnga ga nee le nɔm kɨya loon̰ ungo ɗarwa naŋ.

1 Korɛ̰t 14:12

Kɨŋ-gandi kalɨn̰ ma kogɨŋ na hɨn̰ wo̰ bɨ: Ɨran̰gɨŋ dan̰ kurɔŋdi wɔɔ hɨnga ga da Turnɔ ɗe-kuduroy-bɛrɛ dan̰ ɗugoygɨŋ ga pɨna bɨ, malagɨŋ ɗe agɨŋ way cay mɨga dɨŋ hɨnga ga kɨya jɨbe te Ka-Daye ɗe na malgɨn̰ge te aye kudurɔ gɨŋ bɨ.

1 Korɛ̰t 14:17

Gajanaŋ ji leen̰ Kumu ho’o kuɗa tɔgɨ han̰i, ama kurɨndɨn̰ le ji jɨb te aye kudurɔ toy naŋ.

1 Korɛ̰t 14:26

Hɨn̰ wo̰ na, karmɨnɨ ga ban̰aŋ dan̰ ga kandɨ, kɛ na wa ba ɔjɛ gɨ ni lɔɔ ga? Kɨɗɨn̰ ga kɨŋ ba dayaŋ le, ɗa gɨ waŋ waŋ kalɨn̰ ma ɨrɨn̰ dan̰ hɨnga ga ban ba-orɨn̰ le. Ungo gɨ pɨna orɨn̰ dan̰ kɨra, ungo gɨ ɗaŋ orɨn̰ dan̰ kɔl gɨ ni gɨle, ungo gɨ ɗaŋ coŋ orɨn̰ dan̰ hɨnga ga Kumu boy cɨndi cay nee hɨn̰ dḛḛ wo̰, gɨ ɗaŋ coŋ orɨn̰ dan̰ kɨbɨ gɨ ungo sɨla naŋ, naŋ le dɔrɛ toyge. Hɨnga nɔm ga kɨŋ ba kɨya lɔɔ le ɗa ɗe jɨbɨ te Ka-Daye ɗe orɨn̰ge jɨn̰ tumɔ tumɔ.

1 Korɛ̰t 14:31

Kɨya wa kɨŋ-gandi nɔm kɨŋ ɓal yɔɔ-kɔl-gɨ-Kumu-ba-yɔɔ. Ama ɗa gɨ kɨŋ ya kardi gusɨgɨŋ gusɨgɨŋ. Hɨn̰ wo̰ na waŋ waŋ kalɨn̰ ma kɨya wɔɔ hɨnga ga ni sɔlɛ gusi mɨgay bɨ, kɨya dɔbɛ bandɨ kuduroy kalaŋ nɔm bɨ.

1 Korɛ̰t 8:1

Haw kɛ, kɔl gɨ ojɨ cay kuyoŋ gɨ da nare gɨ been̰ge kɨbar bɨn̰ kulan̰əŋ le, na sol gɨ na-gandi nɔm na orɨn̰ dan̰ hɨnga ga ni sɔlɛ ojɨn̰ cayge. Hɨnga-sɔlɛ na hɨnga ga kɨya lɔɔ gɨ ungo gɨ ɨndi kɨya dogɨn̰ jorgii, ama wandɨ na hɨnga ga kɨya lɔɔ gɨ kalaŋ kɨya orɨn̰ge cɨndɨge tumɔ tumɔ te aye kudurɔ gɨŋ.

2 Korɛ̰t 1:4

Ban na ba dɔbɛ bandɨ kuduroyna duroy hɨnga ga ni dɔsɛ-ɗugɔ gaŋ nɔm ɗe ana na ɓalɨn̰ dobɨn̰ bandɨ kuduroy kan ga somge duroy hɨnga ga ni dɔsɛ-ɗugɔ gaŋ bɨ. Na kɨya dɔbɛ bandɨ kuduroyge na dan̰ gɨyəŋ gɨ da bandɨ di na-gandi kalɨn̰ ma na wayi na gusi Kumu.

2 Korɛ̰t 2:7

Naa hɨn̰ wo̰ na, kuɗa gɨ haw kɛ kɨŋ ɗa kuduroygɨŋ jala cayi bɨ, kɨŋ jala kuduroy bɨ. Kɨŋ laa hɨn̰ wo̰ ɗe ban somɨn̰ duroy cɨn̰-kula gɨ kɨya ɗɨn̰ cayi naŋ.

Epɛs 4:29

Ɗɔɔgɨŋ kɔl gɨ ɨsɨni andaŋ kɨbɨgɨŋ naŋ, ama na kɔl gɨ ɗari ƴɔbɨ, ɗe leen̰ kalaŋ ga jege le ɗarwa bɨ, orɨn̰ge cɨndɨge tumɔ bɨ.

Epɛs 6:22

Na toy di hɨn̰ wo̰ ma ɨŋ gɨyii gusɨgɨŋ, ɗe ban or yogɨŋ kɔldɨni bɨ, dobgɨŋ bandɨ kuduroygɨŋ bɨ.

Kɔlɔs 4:8

Ɨŋ kɨya gɨyii gusɨgɨŋ ojɨn̰ na cay kɔl gɨ nee le ƴɔbɨ ɗe agɨŋ jen̰ kɔl gɨ ojɨ cayni bɨ, ɗe ban dobɨn̰ bandɨ kuduroygɨŋ bɨ.

1 Tesalonigɨ 2:11

Hɨn̰ gɨ kɨŋ ba sol le, hɨnga ga ni ba lee danagɨŋ le, woy na hɨn̰ hɨnga ga karɨn̰aŋ ban̰an̰ge ba lee dan̰ karɨndɨge wo̰.

1 Tesalonigɨ 2:3

Kɔl-gɨ-Ɗari gɨ ni tee bɛrnɛdi le, toy sa na te ɨrɨme gɨ ɨsɨni gɨŋ naŋ bɨ, gɨ mɨdagi gɨŋ naŋ bɨ, gɨ dan̰ jɨba naŋ bɨ,

1 Tesalonigɨ 3:2

ama kurɨndɨni Timote gɨ na mɨgayna ba-lɔɔ gɨye gɨ da Kumu, kɨɗɨn̰ tɔgɛ bɛrnɛ Kɔl-gɨ-Ɗari gɨ da Kɨris gɨŋ le, ni gɨyii ɗe na or bɨgɨŋ tɔgɨ ɗe agɨŋ ɨrɨn̰ osu bɨ, dobɨn̰ bandɨ kuduroygɨŋ te aye kudurɔ kogɨŋ gɨŋ bɨ.

1 Tesalonigɨ 4:1

Ay, karmɨnɨ ga ban̰aŋ dan̰ ga kandɨ, jagɨŋ kɔl hɨnge coŋ. Gɨye-lɔɔ gɨ ƴee cɨn̰ Kumu le kɨŋ tɨrabɨ na gusɨni, lee gɨ na ban ma magɨŋ lee. Ama haw kɛ na, ni ɨngɨrgɨŋ bɨ, dobɨ bandɨ kuduroygɨŋ dan̰ guson̰ Ba-gulɔŋ Jesu, ɗe gɨ kɨŋ na ɨra cɨndɨgɨŋ tumɔ ɗɨn̰ gɨ tumɔ coŋ.

1 Tesalonigɨ 4:18

Hɨn̰ wo̰ na, dɨbagɨŋ bandɨ kuduroy gusɨgɨŋ duroygɨŋ dan̰ kɔl gɨ nee le.

2 Tesalonigɨ 3:12

Kalaŋ ga nee le na, ni olge bɨ, ni ay noyni bɨge bɨ, dan̰ guson̰ Ba-gulɔŋ Jesu-Kɨris gɨ kan na laa gɨye kɨbɨge munduŋ bɨ, kan na da hɨnga ga dan̰ gɨyəŋ gɨ da kɨjan̰e koge gɨŋ bɨ.

1 Timote 1:4

ɗe gɨ an̰ san̰ dan̰ kalaŋ, ɗe kan lun̰doŋ te dɔrɛ te hɨnga ga toyge bɨ cayge bɨ unɔ bɨ, kardi dɔrɛ te mon̰ gɨ kagadi unɔ bɨ naŋ. Kɨya wa hɨnga ga nee le, kɨya haŋge gɨyəŋ bɨn̰ na man̰e-kɔl bɨ, kɨya narge lɔɔ gɨye cay hɨnga ga Kumu gɨsɨ. Hɨnga ga Kumu gɨsɨ le, lee gusɨge na dan̰ gɨyəŋ gɨ da aye kudurɔ.

1 Timote 4:13

Ɗa gusɨn̰ a kɨbɨ ɗɔngɨsɛ Magtubu di da Kumu di kan walge tumoy kalaŋ bɨ, kɨbɨ gɨlɨn̰ kalaŋ kɔl bɨ, kɨbɨ bɔgɛ kɔl gɨ ɗari kuduroy kalaŋ bɨ, bɨrɨŋ gɨsɨn̰ gɨ ɨŋ kɨya cagan̰.

1 Timote 6:2

Kan ga ka-gulondɨge na ka-aye kudurɔ le, ɗɔɔ gɨ kan ɗɔɔ gusɨge kardi tɔgɛ gɨ na teen̰ gusɨnagɨŋ karme bɨ, kan̰ɨn̰ hɨndarɨn̰ turnoy ka-gulondɨge le naŋ bɨ. Ama kɨɗɨn̰ ga kan ga kan lee gɨye bɨge le, naa ka-aye kudurɔ bɨ, ka-wandɨ bɨ le, kuɗa gɨ kan laa gɨye kuɗa ɗɨn̰ gɨ tumɔ coŋ, bɨge. Na hɨnga ga nee le ma kuɗa gɨ ji tɨraban̰ kalaŋ bɨ, dɨbage bandɨ kuduroyge, ɗe ayge leen̰ gɨye bɨ.

2 Timote 4:2

Tɨga bɛrnɛ di da kɔl gɨ da Kumu bɨ, lɨɗɨda toy nee duroy wɔlɛ nɔm ko kalaŋ na gey jɔɔge wala, gey jɔɔge naŋ kalɨn̰ ma, ji yage mɨjag. Halage bɨ, sayan̰ danage bɨ, dɨbage bandɨ kuduroyge bɨ. Gɨlge hɨnga dan̰ dɨbe-ɗugɔ di duroŋ cɨrɛɗ bɨ.

Titɨ 1:9

Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.

Titɨ 2:15

Sɨla! Hɨnga ga ojɨ gɨ ji kɨya gɨlɨn̰ kalaŋ ba kɛ: Dɨbage bandɨ kuduroyge bɨ, ji orɨn̰ dan̰ dɔnɔ cayge gɨ ni ɗalge kɨya gɨye-lɔɔdɨge bɨ. Ɗɔɔ ungo pɨna wo̰ hagɨrɨn̰ naŋ bɨ.

Titɨ 2:6

Dɨban̰ bandɨ kuduroy marɨne a duroy hɨnga nɔm ɗe kan sol hɨnga ga ɗari dɨm ma leege ƴee.

Titɨ 2:9

Dɨban̰ bandɨ kuduroy gɔyɔŋ gɨ kan dɨba cayge dugo bɨn̰ ka-gulondɨge ujan̰ cay hɨnga nɔm bɨ man̰e-kɔl danage naŋ bɨ. Na hɨn̰ wo̰ ma kan kɨya ƴɔɔ cɨn̰ ka-gulondɨge.

Əbɨro 10:25

Na ɗɔɔ ba ɗɔɔ kɨɗɨn̰ dayaŋ kana coŋ naŋ, hɨn̰ gɨ kalaŋ ga pɨna ba sunoŋge toy nee wo̰. Ama dɨbanagɨŋ bandɨ kuduroy gusɨnagɨŋ, kɨya wa kɨŋ sol wɔlɛ gɨ da Ba-gulɔŋ wɨyga mɨnde ɨni.

Əbɨro 13:22

Ay! Karmɨnɨ ga ban̰aŋ dan̰ ga kandɨ, ɨŋ olgɨŋ gɨ kɨŋ ƴa kɔl gɨ ɨŋ ba gɨyɨn̰ bɨgɨŋ kɨya dobɨn̰ bandɨ kuduroygɨŋ le, dan̰ dɨbe-ɗugɔ. Ɨŋ wal kɔl bɨgɨŋ na dḛ wo̰ ƴɔbɨ.

Əbɨro 3:13

Ama dɨbagɨŋ bandɨ kuduroy gusɨgɨŋ dan̰ wɔlɛ pɨna pɨna. Sɨlagɨŋ kuɗa gɨ kɨɗɨn̰ ga magtubu ba ye: Labɨde na, duroy na labɨde kol cayna bɨ. Hɨn̰ wo̰ na dɨbagɨŋ bandɨ kuduroy gusɨgɨŋ, ɗe ɨsɨna nar cɨn̰ ungo duroygɨŋ dɨrsɨn̰ toyi a cay nee naŋ.

1 Pɨyɛr 5:12

Ɨŋ wal magtubu di ɗɨgɨsɛg di kɛ le na dan̰ gɨyəŋ gɨ da kurɨndɨnagɨŋ Silbɛ̰, ɨŋ lee tɨmon̰ kol cayi gɨ ban na kurdɨna gɨ ɨre cay tɨbayi dɨŋ. Ɨŋ mal na gɨ ni dɔbɛ bandɨ kuduroygɨŋ bɨ, gɨ ni lɔɔ tɨmon̰ kol caygɨŋ gɨ kɨŋ na orɨn̰ dan̰ ɗarwa di da Kumu di cɨndi bɨ. Ɨrgɨŋ cay nee usa.

Magtubu di Jud wal 1:20

Ama ojɨn̰ caygɨŋ kɨŋ-gandi karmɨnɨ ga ɨŋ lee-toygɨŋ le, kɨŋ dɨba bandɨ kuduroy gusɨgɨŋ a te hɨnga ga ni gɨle ga cɨndi, ga kɨŋ bee kuduroygɨŋ cay nee ojɨn̰ cay Kumu le. Ulagɨŋ Kumu dan̰ gɨyəŋ gɨ da Turnɔ ɗe-kuduroy-bɛrɛ.