1 Korɛ̰t 1:5 - Gabri Maja

⁵ Na cɨndi, kɨɗɨn̰ ga kɨŋ ba bugoŋ pɨna dan̰ Jesu-Kɨris le, Kumu woy te tɔrɛ kɨbi caygɨŋ bɨ, woy te lɔɔ gɨ hɨnga ga ni wɔɔ ga toyge kan̰dɨge kan̰dɨge ƴee gusɨgɨŋ cɨrab cɨrab dan̰ kɔl bɨ, dan̰ hɨnga-sɔlɛ bɨ.

1 Korɛ̰t 1:5 Խաչաձեւ Հղումներ

Gɨye-lɔɔ 2:4

Turnɔ ɗe-kuduroy-bɛrɛ ƴee kuduroyge nɔm, lee gɨ waŋ waŋ kalɨn̰ ma ay te yɔɔ kɨbɨ gɨ ɗaŋ, hɨn̰ gɨ Turnɔ di da Kumu ba bɨge tɔgɨ di ni yon̰ wo̰.

Magtubu di Pol wal bɨn̰ kalaŋ ga Rɔm 11:12

Hɨn̰ gɨ hɨnga ga dan̰ gɨyəŋdɨge naŋ ga Jubɨn̰əŋ leege, na ɨren̰ dan̰ ɗarwa a cay te wɨn̰je gɨ da kalaŋ ga a cay gɨsəŋ gaŋ nɔm bɨ, hɨn̰ gɨ bɔɔ gɨ kan ba na ɨren̰ dan̰ tɔrɛ-kɨbɨ gɨ gumu a cay kalaŋ ga toyge na Jubɨ naŋ bɨ na, kɛ kɨɗɨn̰ ga te wɨn̰je gɨ da Ɨsɨrayɛl na jɨge a te gɨyəŋ gɨŋ na, gɨ bɨle na tɔrɛ-kɨbɨ gɨ gumu cɨla coŋ naŋ ga?

Magtubu di Pol wal bɨn̰ kalaŋ ga Rɔm 15:14

Ay karmɨnɨ ga ban̰aŋ dan̰ ga kandɨ, gɨ ojɨ caygɨŋ kɨŋ-gandi na, ɨŋ-bandi dan̰ gusɨnɨ hɨnge ɨŋ sol kuɗa gɨ ɗarwa bɨ sɔlɛ-hɨnga bɨ walɨn̰ kuduroygɨŋ jɨŋ jɨŋ daa bɨ, kɨŋ ɓal hale gusɨgɨŋ duroygɨŋ bɨ.

Magtubu di Pol wal bɨn̰ kalaŋ ga Rɔm 15:4

Hɨnga nɔm ga walge a duroy Magtubu di da Kumu dɨŋ bon̰ ɨlgen̰əŋ ga jɨne gaŋ le, kan walge ɗe na gɨlna naa hɨnga. Magtubu di da Kumu gɨlna hɨnga nɔm ga nee le ɗe na laa danana ana na han̰-kuduroyna bɨ, wan̰ bandɨ bɨ, hɨn̰ wo̰ na hɨnga ga na ba bee ɨrɨmedɨna cay nee kɨya orɨn̰ danana tumɔ.

1 Korɛ̰t 12:10

bɨn̰ ungo gɨ ɗaŋ dɔnɔ di ni loon̰ beli bɨ, bɨn̰ ungo gɨ ɗaŋ dɔnɔ di ni yon̰ kɔl-gɨ-Kumu-ba-yɔɔ bɨ, bɨn̰ ungo gɨ ɗaŋ coŋ dɔnɔ di ni dorɨn̰ cɨn̰ turnɔn̰əŋ bɨ, bɨn̰ ungo gɨ ɗaŋ dɔnɔ di ni yon̰ kɔl dan̰ kɨbɨ gɨ toy kan̰di kan̰di gɨ ungo sɨla naŋ bɨ, bɨn̰ ungo gɨ ɗaŋ coŋ dɔnɔ di ni solɨn̰ duroy kɨbɨ gɨ ungo sɨla naŋ gɨ toy kan̰di kan̰di gɨ nee le bɨ.

1 Korɛ̰t 12:8

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ.

1 Korɛ̰t 13:2

Ko hɨn̰ gɨ ɨŋ na ya naa kɔl-gɨ-Kumu-ba-yɔɔ, naŋ le ɨŋ na sɨla naa hɨnga ga woy kɨɗɨn̰ wɔsɛdɨge gaŋ nɔm, naŋ le ɨŋ na sɨla hɨnga nɔm, naŋ le aye kudurɔ hɨnge na usa tɔgɨ laa gɨ ɨŋ na ɗɨdan̰ garman̰əŋ kalɨn̰ ma, hɨn̰ gɨ wandɨ na unɔ gusɨnɨ na, ɨŋ na hɨnga naŋ.

1 Korɛ̰t 13:8

Wandɨ kɨya kaɗɨn̰e naŋ bɨrɨŋ. Te yɔɔ-kɔl-gɨ-Kumu-ba-yɔɔ kɨya ayaŋ bɨ. Wɔlɛ kɨya caga gɨ dɔnɔ di ni yon̰ kɨbɨn̰əŋ ga ungo sɨla toyge naŋ kɨya ayaŋ bɨ, wɔlɛ kɨya caga gɨ te sɔlɛ-hɨnga kɨya kaga bɨ.

1 Korɛ̰t 14:26

Hɨn̰ wo̰ na, karmɨnɨ ga ban̰aŋ dan̰ ga kandɨ, kɛ na wa ba ɔjɛ gɨ ni lɔɔ ga? Kɨɗɨn̰ ga kɨŋ ba dayaŋ le, ɗa gɨ waŋ waŋ kalɨn̰ ma ɨrɨn̰ dan̰ hɨnga ga ban ba-orɨn̰ le. Ungo gɨ pɨna orɨn̰ dan̰ kɨra, ungo gɨ ɗaŋ orɨn̰ dan̰ kɔl gɨ ni gɨle, ungo gɨ ɗaŋ coŋ orɨn̰ dan̰ hɨnga ga Kumu boy cɨndi cay nee hɨn̰ dḛḛ wo̰, gɨ ɗaŋ coŋ orɨn̰ dan̰ kɨbɨ gɨ ungo sɨla naŋ, naŋ le dɔrɛ toyge. Hɨnga nɔm ga kɨŋ ba kɨya lɔɔ le ɗa ɗe jɨbɨ te Ka-Daye ɗe orɨn̰ge jɨn̰ tumɔ tumɔ.

1 Korɛ̰t 8:11

Lee gɨ kurɨndɨn̰ gɨ bara dan̰ tɨmdɨn̰ di tama ga togiige unɔ gɨ Kɨris ma kol cayge le, kɨya mundoŋge coŋ kɨya cay hɨnga-sɔlɛ kan̰.

2 Korɛ̰t 4:6

Kɨya wa Kumu gɨ tumɔ ba yɔ hɨn̰: «Ɗa gɨ asɨn̰a na asɨn̰a kɨɗɨn̰ duroy dɨlɨm dɨŋ le», ban asɨn̰ ɗugoyna ɗe ana na solɨn̰ asɨn̰a di da Kumu di jɨran̰de a cɨn̰ Kɨris.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

2 Korɛ̰t 8:7

Na cɨndi, kɨŋ bɨle ka-wɔɔ hɨnga a te hɨnga nɔm. Kɨŋ bɨle ka-wɔɔ hɨnga a te aye kudurɔ gɨŋ bɨ, a te sɔlɛ yɔɔ kɔl gɨŋ bɨ, a te sɔlɛ-hɨnga gaŋ dan̰ gusi-hɨmbalwa di tɔɔ kan̰do kan̰do bɨ, dan̰ geye gɨ kɨŋ ba way gusɨni bɨ. Haw kɛ na, bɨlgɨŋ ka-wɔɔ hɨnga a te gɨye gɨ da hɔgɛ hɨnga ga ni leen̰ ɗarwa nee bɨ.

2 Korɛ̰t 9:11

Hɨn̰ wo̰ na kɨŋ kɨya wɔɔ kandi-wɔɔ dan̰ te gɨyəŋ gɨ toy kan̰di kan̰di ɗe agɨŋ ɓal be hɨnga kondɨ dan̰ tɨwa nɔm. Hɨn̰ wo̰ na kalaŋ kondɨ kɨya loon̰ge Kumu ho’o kɨya cay hɨnga ga ni bee-kalɨn̰ ga ni ba kɨya bɨge dan̰ gusondɨge.

Epɛs 1:17

Kuɗa gɨ ban gɨ na Ba-gulondɨna Jesu-Kɨris bayi, ban gɨ na Bayna gɨ gusoŋ-tɔgɛ na koyi le bɨgɨŋ kɨŋ nɔm turnɔ di ɗe bɨn̰ ungo cɨn̰-muɗɔlɛ bɨ, ɗe haŋge cɨn̰ ungo cayi bɨ, ɗe agɨŋ solɨn̰ Kumu gɨɗaŋ.

Epɛs 2:7

Ɗarwa di ban lee danana te bugoŋ pɨna dan̰ Jesu-Kɨris le, ban mal na gɨle kuduroy-ɗarwa toy di ɗɨn̰ cɨn̰-kɨɗɨn̰ a boy ɨlgen̰əŋ ga ba kɨya ɨrga le.

Epɛs 3:8

Duroy kalaŋ ga da Kumu le, ɨŋ na gɨ karu gɛs. Naa hɨn̰ wo̰ kalɨn̰ ma, Kumu lee ɗarwa danaŋ lee gɨ ɨŋ tee bɛrnɛ di da ɗarwa di gumu di da Kɨris di ungo ɓala sɔlɛ durɔɔ naŋ le bɨn̰ kalaŋ ga toyge na Jubɨ naŋ.

Epɛs 6:19

Ɨŋ-bandi kalɨn̰ ma, ulagɨŋ Kumu kol canɨ bɨ, ɗe Kumu ɗe kɔl gɨ dan̰ gɨyəŋdi kɨbɨnɨ, ɗe aŋ teen̰ bɛrnɛ Kɔl-gɨ-Ɗari gɨ woy kɨɗɨn̰ wɔsɛdi gɨŋ gɨ Kumu haŋgɨ cayi le, dɨle hundɔrɔ.

Pilib 1:9

Sɨlagɨŋ hɨnga ga ɨŋ ba ɨngɨrɨn̰ Kumu a duroy ɔlɛ Kumu hɨnge gɨŋ kol caygɨŋ le ba kɛ: Ɗa gɨ geye kogɨŋ na sa cay mɨgay gɨŋ jɨn̰ tumɔ tumɔ bɨ, gɨ cɨn̰ hangɨwa bɨ, ca di woy bɨra bɨ, wɨyage a duroy geye kogɨŋ gɨŋ bɨ,

Kɔlɔs 2:3

Kɨris le kandi-wɔɔ ga da cɨn̰-muɗɔlɛ nɔm, dan̰ hɨnga-sɔlɛ ga toyge kan̰dɨge kan̰dɨge bɨ, wosɨ gusɨge a gusi.

Kɔlɔs 3:10

Ama kɨŋ dobɨ hal gɨ da ungo gɨ hɨrɨwa gusɨgɨŋ hɨn̰ badɨge wo̰ bɨ, Kumu ɨre bɨlgɨŋ ga hɨrɨwa jɨn̰ tumɔ tumɔ bɨ, bɨgɨŋ hɨnga sɔlɛ cay mɨgayge gaŋ ɗe agɨŋ na gɨlɨn̰ dan̰ Kumu gɨ ba sɨgɨŋ ca ca bɨ, solii leen̰ cɨndi bɨ.

Magtubu di Jag wal 3:13

Kɛ na waŋ duroygɨŋ ma na ungo gɨ tɨdi hangaŋ bɨ, muɗol bɨ ga? Kuɗa gɨ ban gɨl hɨnga ga nee le, dan̰ gɨye-lɔɔdi gɨ kuɗa bɨ, dan̰ gɨye-lɔɔdi gɨ or dan̰ durɔ kuɗa bɨ, dan̰ gɨye-lɔɔdi gɨ da kale di gɨ jal jɔm bɨ, dan̰ cɨn̰-muɗɔlɛ koyi gɨ sayga a daa nii le cɨn̰ kalaŋ.

2 Pɨyɛr 3:18

Ama ɨragɨŋ dan̰ cɨndɨgɨŋ tumɔ te ɗarwa dɨŋ bɨ, te sɔlɛ gɨ da Jesu-Kɨris Ba-gulondɨna bɨ, Ba-pɔɗɨna bɨ le. Gusoŋ-tɔgɛ na koyi haw kɛ bɨ, bɨrɨŋ dan̰ cɨndi bɨ! Ɗa-ɗe-woy-hɨn̰-wo̰!