Titus 3:9 - Surat Ralan na'a Vaidida

⁹ Baba, fwaroa tenam tali tamata ovi vair naꞌa tomu ovi rfamalik ubud-nusid nararira ra, ovu rsingarahi naꞌa Musa ni inukun. Afa avyai munuk wol ihir akataka, ovu wol rlobang tamata ra.

Titus 3:9 Խաչաձեւ Հղումներ

1 Korintus 13:2

Wean i tamata isa ni kakaꞌa dawan ma ti nfamalik afa ovi nrenar lahir tali Ubu verin tamata ra, ovu nkaꞌa munuk afa ovi Ubu wol nfavotuk obin verin tamata ra, naꞌuk wol nlobang tamata liak ra, na tamata yai wol fyawan akataka lahir. Wean i tamata isa nanovak nala munuk afa ovi Ubu nfalak ra, ovu vali norang urun Yesus ma bisma nfalak ma vuar isa nti talik wan a, naꞌuk wol nlobang tamata liak ra, na tamata yai vali wol fyawan akataka lahir.

1 Korintus 8:1

Terang a valing averi! Mane ufalyawang verin mia naꞌa afwatan ihin ovi rala roak ma neluk rira korban ra verin walut ra. Ita tkaꞌa roak ne, tamata boku tali mia rfalak ne, Ubu nala roak kakaꞌa verin ita naꞌa afa ovi taꞌan avyai. Bira fikiran yai bis notu ma fyakaratat tenabira ra ma fyalak ne, mkyaꞌa munuk afa avyai. Ita deka tfakaratat tenadida ra naꞌa kakaꞌa yai, naꞌuk tfaturu dida silobang a verin terad a valid ra. Inyai lolin urun i lahir, tevek tatafal ma tfangrebat rira inorang a.

1 Timotius 4:7

Deka bwatuk mu amar ra naꞌa ubud-nusid rira tomu ovi rangal Ubu Ni vaivatul ra. Naꞌuk mair tenam ovu afa lolin ra, boma mu vavaꞌat nfaturu ne, morang urun Ubu.

2 Timotius 2:14

Timotius, eka fwangnanang tamata ovi rorang Yesus naꞌa afa ovi ufalak ra. Ubu nala ngrebat verin oa ma msurak ira ma deka vair naꞌa vaivatul ihirira ra. Afa avyai wol ihir akataka, ovu veka rot-visal tamata ovi rarenar, rira inorang a.

2 Timotius 2:16

Deka morang ngrihi ovi rfarsangal Ubu Ni vaivatul ra. Afa ovi tamata avyai rair ra rotu ma tamata ra rfaroa tenarira tali Ubu.

2 Timotius 2:23

Deka morang tamata ovi vair ma rangrihi afa ovi boda-badi ra. Oa mkaꞌa roak ne, afa avyai rotu watan mi rsingarahi i.

Titus 1:14

Mtabu vali ira ma deka rorang kikyai Yahudi rira tomu siklabir ra, ovu rira adat ra rtali tamata ovi rangal afa ovi kena ra.

Yakobus 4:1

Terang a valing averi, mia mkyaꞌa ne, msyisala ralabira ma msyingarahi-sikual mia, tevek inabira afa sian ovi rnaꞌa roak ralabira ra. Afa avyai rotu ma msyingarahi naꞌa ralabira ra.