Titus 3:4 - Surat Ralan na'a Vaidida

⁴ Velik ne lan a, totu afa sian avyai, naꞌuk Ubu nfaturu Ni rala lolin a, ovu Ni silobang verin ita. Ia nsikat ita tali dida salasilan ra, ma dida vavaꞌat kakiwal.

Titus 3:4 Խաչաձեւ Հղումներ

Roma 2:4

Mia minovak ne, Ubu nfaturu Ni lolin a verin mia, ba nanaban ovu ntahang ralan ma wol nukun mia, na fyikir ne wol akataka? Wahal lahir! Mia musti mkyaꞌa ne, Ubu nfaturu Ni lolin verin mia, tevek inan ma myahil ma mtyalik tali bira salasilan ra.

1 Timotius 1:1

Yaꞌa, Paulus, ususan surat ini. Ubu i ntevut dida salasilan ra, ovu Kristus Yesus i tfakloꞌi aꞌuk dida vavaꞌat ra verin Ia, nfareta yaꞌa ma eluk rasul verin Ia.

1 Timotius 2:3

Taflurut wean inyai, na inyai lolin. Totu wean inyai, na nfaloling Ubu ralan a, ovu Ia nsikat ita tali dida salasilan ra, ma dida vavaꞌat kakiwal.

1 Timotius 4:10

Wean inyai bi, tkiwal ma tkarya ma dawan, tevek tfakloꞌi aꞌuk dida vavaꞌat ra verin Ubu i nvaꞌat a, ma nsikat tamata ra tali rira salasilan ra, ma rira vavaꞌat kakiwal. Ia notu wean inyai verin tamata ra munuk, naꞌuk nsiꞌik Ni tamata ovi rorang Ia nlia tali tamata liak ra.

2 Timotius 1:10

Fiang ini Ubu nfaturu roak Ni lolin a verin ita, tevek Kristus Yesus nma roak ma neluk Raja i nsikat ita tali dida salasilan ra. Yesus nvisal-nvasil matmatan roak, ba velik ne tmata, naꞌuk Ia nala vavaꞌat kakiwal verin ita ma itmunuk Ubu tnaꞌa wan isa. Ia nfamalik roak vavaꞌat kakiwal ini naꞌa Ni Ivar Lolin.

Titus 1:3

Ubu nsikat ita tali dida salasilan ra, ma dida vavaꞌat kakiwal. Ia nfareta yaꞌa ma ufamalik Ni Ivar Lolin a. Ia nfili yaꞌa, boma naran amar i nfadoku roak ma tamata ra rarenar Ni vaivatul ra, na ufamalik Ni Ivar Lolin a.

Ibrani 9:26

Wean i lokat varat, na Kristus nala tenan a ma neluk korban, na inyai wean i ntuan susa lalawatan tali naꞌut i Ubu beti notu lanit ivavan a. Naꞌuk fiang ini lanit ivavan sarseri roak mane namwear. Ia nma roak lanit ivavan a fasa watan ma nala tenan a ma neluk korban, al naꞌi vatuk tamata rira salasilan ra.

1 Petrus 2:3

Ivaꞌubira ma mdyava lalawatan Ubu Ni vaivatul ra ma fyadoku naꞌa ralabira ra, tevek mkyaꞌa roak ne, Kristus Ni lolin dawan urun verin mia.