Roma 9:26 - Surat Ralan na'a Vaidida

²⁶ Rtulis vali vaivatul ini ne, “Lan a, Ubu nfalak verin tamata ra ne, ‘Yaꞌa wol Ning tamata inorang verin mia.’ Naꞌuk naꞌa amar isa, na veka nfalak verin ira ne, ‘Yaꞌa ini Ubu i ala vavaꞌat a, ovu yanak mia.’ ”

Roma 9:26 Խաչաձեւ Հղումներ

Matius 16:16

Simon Petrus nfalak ne, “Oa ini Raja i mtevut mami salasilan ra, ovu Ubu i nvaꞌat a, Yanan Oa.”

Yohanes 11:52

Ia wol nmata verin tamata Yahudi ra watan, naꞌuk nmata verin Ubu yanan ra munuk naꞌa wan inba watan, boma nasdovu ira naꞌa isa.

Roma 8:14

Tamata ovi Ubu Ni Roh nban-ulu verin ira yai, Ubu yanan ira.

Roma 8:16

Ubu Ni Roh kaꞌi nkarya naꞌa raladida ra ma tfan-aran urun ne, Ubu yanan ita.

Roma 8:19

Afa ovi Ubu notu naꞌa lanit ovu lanit ivavan a munuk inar urun ma rnaban amar i Ubu veka nma ma nfaturu lahir yanan ra.

2 Korintus 6:18

Yaꞌa veka eluk Yamabira, ovu mia veka myeluk yanak brana ra ovu yanak vata ra. Vaivatul avyai rtali Duilaꞌa i Ni ngrebat a nlia munuk.”

Galatia 3:26

Terang a valing averi, Ubu yanan munuk mia, tevek myorang roak Yesus Kristus.