Efesus 4:18 - Surat Ralan na'a Vaidida

¹⁸ Rira fikiran ra ngarmeran watan, ovu rafena ma rkaꞌa vavaꞌat i Ubu nala verin tamata ovi rorang Ia. Tamata avyai ralarira rasmotak roak, tevek rafena ma rarenar Ubu Ni afa ovi nfalak ra.

Efesus 4:18 Խաչաձեւ Հղումներ

Matius 13:15

Tevek tamata ovi ralarira ra rasmotak, ba rsibi arurira ra ovu rkubak matarira ra, boma deka rsiꞌik ovu matarira ra, deka rarenar ovu arurira ra, ovu deka rfan-aran ovu ralarira ra. Deka rahil ma rtalik tali rira salasilan ra, ovu deka rdava Yaꞌa i bis otu ma lolin ewal ira.’

Markus 3:5

Yesus ralan a lalau, tevek ralarira ra rangrebat dalang, ba nsiꞌik lilit ira ovu wahan nangrova. Ia nfalak verin brana yai ne, “Mlauk limam a mwa.” Ia nlauk liman a ma Yesus notu ma lolin lahir ia.

Yohanes 12:40

“Duilaꞌa kaꞌi notu ma matarira ra wean i rkibu, ovu notu ma ralarira wean vatu, boma wol bisma rsiꞌik, ovu rira fikiran ra rasmotak ma wol rfan-aran, ma wol rewal roak ira rma verin Yaꞌa ma otu ma lolin ewal ira.”

Kisah 17:30

Lalan ana, wol tkaꞌa Ubu ralan ma totu afa boda-badi rivun. Ubu nablufang roak afa avyai, naꞌuk fiang ini Ia nfareta tamata ra munuk naꞌa wan inba watan ma rahil ma rtalik tali rira salasilan ra.

Kisah 3:17

Kida averi! Fiang ini ukaꞌa roak afa sala ovi mimunuk bira dawan ra myotu verin Yesus, naꞌuk wol fyan-aran afa ovi myotu ra.

Roma 1:28

Tamata ra wol rkamlabir lahir Ubu, bi nsiꞌik watan ira ma wol rkaꞌa ma ranovak ne, inba kena ovu sala, ba rfikir aꞌuk sian a. Wean inyai, na rotu watan afa ovi wol inovan ma tamata ra rotu.

Roma 11:25

Terang a valing averi! Era ma deka fyikir ne, mkyaꞌa munuk afakataka, tevek inak ma mkyaꞌa afa fanfonak i Ubu ralan a nfalak ini. Tamata Israel boku ralarira rangrebat ma rafena rorang Ubu. Afa ini veka nbana, nata ti naran amar i Ubu nfadoku roak. Ia notu ma tamata ovi wol Yahudi, naꞌuk nfili roak ira ma rira vavaꞌat kakiwal, rma munuk ma rorang Ia.

Roma 11:7

Ba ufalak wean ini: Lyawan roak ne, tamata Israel rdava lingaꞌan ma rira vavaꞌat ra rmalola naꞌa Ubu wahan ralan a, naꞌuk wol rdav-nala lingaꞌan yai. Tamata boku tali tamata Israel ra, Ubu nfili roak ira ma rtuan lingaꞌan yai. Naꞌuk tamata Israel liak ra, Ubu notu ma ralarira ra rangrebat urun ma wol rorang Ia.

Roma 2:19

Mia myorang urun ne, mia ini tamata ovi fyabana tamata kibu, ovu myeluk lyawan verin tamata ovi rnaꞌa dedan ralan.

1 Korintus 1:21

Ubu Ni kakaꞌa dawan urun ma nvolan wean ini: tamata ovi rnaꞌa lanit ivavan ini rira kakaꞌa dawan, naꞌuk ira wol rkaꞌa Ubu naꞌa rira kakaꞌa ra. Ubu nfadoku roak ma nsikat tamata ovi rorang Ia tali rira salasilan ra, nahu Ni Ivar Lolin i amfamalik roak a, ma rira vavaꞌat kakiwal. Ia notu wean inyai, velik ne tamata ovi wol rkaꞌa Ubu rfalak ne, Ivar yai vu watan.

1 Korintus 2:8

Tali tamata ovi rban-ulu verin tamata ra naꞌa lanit ivavan ini, na wol tamata isa vali nkaꞌa kakaꞌa dawan yai. Ubu nfadoku roak afa yai naꞌa Yesus. Wean i afa yai lyawan roak verin ira, na wol rfedan Duilaꞌa i baꞌi raraning Ia, naꞌa aa walwalur a.

2 Korintus 3:14

Tamata Israel ra wean i rkum-teri rira fikiran ra ovu maloli ma rasmotak obin, nata ma naran amar ini, tevek wean i rbas Ubu Ni tnorung mnanat a, na wol rfan-aran. Kristus aꞌuk saꞌi bisma naling vatuk afa i wean maloli yai, wean i tamata ra rira vavaꞌat isa ovu Ia.

2 Korintus 4:4

Nitdawan nlabir nala roak rira fikiran ra, ba wol rsiꞌik lahir lyawan i ntali Ivar Lolin. Ivar yai nfamalik Kristus vanan i nfitik nyadat a. Kristus wean lahir Ubu felan a.

Galatia 4:8

Terang a valing averi, lan ana, mia wol mkyaꞌa Ubu, ba mia weabira tamata sansinir verin ubu siklabir ra.

Efesus 2:1

Terang a valing averi. Lan ana, naꞌut i wol myorang Kristus obin, na mia wean i ralabira ra rmata, tevek bira salasilan ra. Mia wol myot-orang afa ovi Ubu nfalak ra, ovu vali myotu afa ovi sian ra.

Efesus 2:12

Naꞌut inyai, na mia wol bira vavaꞌat isa ovu Kristus, ovu wol mkyaꞌa Ia. Mia wol tamata Israel mia, ovu vali tamata dakan mia, ba wol myala tnorung i Ubu notu roak verin Abraham ovu ubun-nusin ra. Lan ana, mnyaꞌa lanit ivavan ini, naꞌuk wol fyikir aran ma myala afa lolin isa vali naꞌa amar ovi veka rma ini, ovu wol mkyaꞌa Ubu.

Kolose 1:21

Lan ana, ralabira ra raroa tali Ubu. Mia myangal Ia ovu bira fikiran sian ra, ovu vali afa sian ovi myotu ra.

1 Tesalonika 4:5

Deka myot-orang bira ininan sian ra, wean tamata ovi wol rorang Yesus baꞌi rotu ra.

Ibrani 5:2

Tamata i neluk Mela Falurut Ilaꞌa yai bisma nfaturu ni rala lolin, ovu ntahang nal ralan verin tamata ovi rboda ovu tamata ovi rban-sala ra, tevek ia tamata watan ia wean vali ira, ba wol kaꞌi nangrebat naꞌa afa rivun.

Ibrani 9:7

Naꞌuk Mela Falurut Ilaꞌa aꞌuk saꞌi bisma nti ruang i nmerat rahi lia munuk yai, varat isa fasa watan. Ia musti ntaha afwatan laran i neluk persembahan verin Ubu, tevek ni salasilan ra ovu vali salasilan ovi tamata Yahudi ra rotu, naꞌuk wol rkaꞌa.

Yakobus 4:4

Mia wol myot-orang afa ovi Ubu nfalak ra. Mia mkyaꞌa roak ne, wean i inabira ma myorang tamata ovi rangal Ubu, rira afa ovi rotu ra, na mia myangal vali Ia. Tamata iki watan, wean i inan ma notu afa ovi sian ra naꞌa lanit ivavan ini, na tamata yai ni sian roak Ubu.

1 Petrus 1:14

Ubu yanan ita, ba musti tot-orang afa ovi Yamadida nfalak ra. Naꞌut i wol mkyaꞌa Ubu Ni Ivar Lolin obin, na myot-orang watan bira ininan sian ra. Naꞌuk fiang ini deka mtyorung ma bira ininan sian avyai rfareta mia naꞌa bira vavaꞌat ra.

1 Yohanes 2:11

Naꞌuk tamata i wol inan lahir teran a valin ra, ia nanaꞌa roak dedan ralan. Ia nbana watan naꞌa dedan ralan, ba wol nkaꞌa roak ma nroal te nra, tevek dedan yai notu ma wol nsirea.