Efesus 4:12 - Surat Ralan na'a Vaidida

¹² Ia nala yabi avyai, boma tamata ovi rorang Yesus rkaꞌa ma rkarya naꞌa Ni vaꞌi ralan a ma rfabana Ni karya, boma msyilobang mia ovu msyifangrebat mia naꞌa bira inorang a. Wean inyai, na mia tamata inorang ra weabira lahir Kristus tenan a ma mtyafal ma mingrebat.

Efesus 4:12 Խաչաձեւ Հղումներ

Lukas 22:32

Naꞌuk uflurut roak verin oa ma fara mu inorang a naꞌa lalawatan Yaꞌa. Wean i mahil roak ma morang Yaꞌa, na fwangrebat vali teram a valim tamata inorang ra ma rira inorang a nanaꞌa lalawatan Yaꞌa.”

Kisah 1:17

Yudas ini lan a itmunuk vali, tevek Yesus nfili ia ma neluk rasul.”

Kisah 1:25

boma neluk rasul ma nkati Yudas i nti talik roak ni karya i mala verin ia, ba nti wan i inovan ovu afa i notu.”

Kisah 11:23

Barnabas ti naran Antiokhia, na nsiꞌik i Ubu naflahar tamata ovi wol Yahudi ra, ba inan urun i lahir. Ia nfalak verin ira ne, “Myorang lalawatan Duilaꞌa ovu ralabira urun.”

Kisah 20:24

Naꞌuk ning vavaꞌat wol fyawan verin yaꞌa, wean i ot-nala munuk karya ovi Duilaꞌa Yesus nala verin yaꞌa. Ufabana karya ini ti naran i umata, boma ufamalik Ivar Lolin i nfamalik Ubu Ni rala lolin verin ita.

Kisah 20:28

Kida averi, eka msyiꞌik wabira ma lolin, ovu msyiꞌik ma lolin tamata ovi Ubu Ni Roh nala roak ira verin mia. Ia nsikat mia ma myeluk dawan kareda ovi byan-ulu verin bira sidovung ra, ba myanar ira wean domba duan nwanar ni domba ra. Ubu nala Yanan a ma laran nvoat al ntevut tamata ovi rorang Ia ma reluk Ni tamata ra.

Kisah 9:31

Ba naꞌa amar avyai, na tamata ovi rorang Yesus naꞌa propinsi Yudea, propinsi Galilea ovu propinsi Samaria malinan watan. Naꞌut inyai, na Ubu Ni Roh nfangrebat tamata ovi rorang Yesus naꞌa rira inorang ovu nfaloling ralarira ra, ma rira sidovung ra rtafal ma rivun, ovu vali ralang ovu rfadawang Ia.

Roma 12:5

Ita tamata ovi torang Kristus weadida vali inyai. Velik ne rivun ita ovu tsialing ita, naꞌuk tnaꞌa sidovung tamata inorang isa watan, wean lahir Kristus tenan isa watan, tevek dida vavaꞌat isa roak ovu Ia. Ba ita tnaꞌa munuk Kristus tenan yai, ma dida vavaꞌat isa roak ovu tamata inorang liak ra vali.

Roma 12:7

Wean i Ubu nala yabi verin tamata isa ma nlobang tamata liak ra, na musti nlobang urun ira. Wean i Ubu nala yabi verin tamata isa ma nsiair, na musti nsiair ovu ralan urun.

Roma 14:19

Wean inyai, na ita musti tkiwal lalawatan ma totu afa ovi rotu ma dida vavaꞌat ra malinan ovu terad a valid ra, ovu vali tsifangrebat ita naꞌa dida inorang.

Roma 15:14

Terang a valing averi. Yaꞌa orang urun ne, bira lolin dawan dalang, ovu mkyaꞌa ma lolin afa ovi Ubu nfalak ma myotu ra, ovu vali bisma msyisurak nala mia.

Roma 15:2

Tali bir tinemun, na lokat tamata musti notu afa ovi lolin ra verin teran a valin ra ma nfaloling ralarira ra, boma rira inorang a ntafal ma nangrebat.

Roma 15:29

Yaꞌa ukaꞌa roak ne, amar i uti ma ulola mia, na veka ala lahir Kristus Ni kalolin ovi dawan urun a verin mia.

1 Korintus 12:27

Ba terang a valing averi! Mia munuk Kristus tenan a, ovu vali lokat mia myeluk Kristus liman a, ean a, matan a, arun a, ba afakataka rnaꞌa munuk Kristus tenan a.

1 Korintus 12:7

Ubu nala Ni Roh a ma nkarya naꞌa lokat tamata, boma ita dida munuk lolin a, ma isa nlobang isa.

1 Korintus 14:12

Yaꞌa ukaꞌa ne, mia mdyava vali ma bira yabi ovi rtali Ubu Ni Roh a. Naꞌuk nlia tali inyai, na mia musti inabira urun ma myala bira yabi avyai ma ala fyangrebat sidovung tamata ovi rorang Yesus.

1 Korintus 14:14

Wean i uflurut ovu vai i wol ukaꞌa, na ning roh a kaꞌi naflurut, naꞌuk ning fikiran a wol nanaꞌa afa ovi uflurut ra.

1 Korintus 14:26

Ba terang a valing averi! Wean i misdovu mia ma fyadawang Duilaꞌa, na boku mdyedang dadedang tali mazmur, boku vali msyiair, ovu vali boku fyamalik afa ovi Ubu nfavotuk ra, boku rala vai ovi wol rkaꞌa ra, te boku vali rira kakaꞌa ma rfalyawang nala vai avyai. Naꞌuk musti myotu afa avyai munuk ma al fyangrebat tamata ovi rorang Yesus.

2 Korintus 12:19

Mia beta mnyarin ne, ami inamami ma amlotar tenamami ra naꞌa wahabira ralan ra? Ami mami vavaꞌat isa roak ovu Kristus ma naꞌa Ubu wahan ralan a, na amfalak ne, afa ovi amotu munuk roak verin mia yai, amotu ma ala amfangrebat bira inorang a.

2 Korintus 13:11

Ba terang a valing averi, mane ufakbosal ning surat ini, na ufalak verin mia ne, fara ralabira lolin watan. Era ma fyakena urun afa ovi myotu naꞌa bira vavaꞌat ra, ovu myala ning snurak ra munuk ma rleal ralabira ra. Bira fikiran isa naꞌa afa ovi myotu ra. Msyiotu lolin mia naꞌa bira vavaꞌat ra ma malinan watan, boma Ubu i Nia silobang ovu malinan a, nfatuang mia.

2 Korintus 13:9

Inamami lolin urun wean i mia mingrebat, velik ne felamami ra wean i wol amangrebat. Ami amaflurut, boma fyakena urun afa ovi myotu naꞌa bira vavaꞌat ra naꞌa Ubu wahan ralan a.

2 Korintus 4:1

Ba terang a valing averi! Ubu Ni rala lolin a, bi nala karya verin ami ma amfamalik Ni tnorung ngorvaꞌan verin tamata ra. Ba wol amtalik ma amfabana karya ini.

2 Korintus 5:18

Ubu notu munuk afa yai naꞌa Kristus, ba dida vavaꞌat a lolin ewal ovu Ia. Ia nala karya verin ami ma amfamalik verin tamata ra ma rira vavaꞌat ra lolin ewal ovu Ia.

2 Korintus 6:3

Naꞌa afaka watan, na amsahak urun ma amfabana ma lolin mami vavaꞌat ra, boma tamata ra deka rfasala ami naꞌa mami karya ra.

2 Korintus 7:1

Terang a valing averi, ulobang urun mia. Ubu notu Ni tnorung avyai verin ita. Ba wean inyai, na ita musti tfaroa tenadida ra ovu raladida ra tali afa ovi ngra-ngrodi ra munuk. Totu wean inyai ma al nfaturu lahir ne, talang urun Ubu, ba tasahak urun ma dida vavaꞌat ra rmerat urun.

Efesus 1:23

Ba ita tamata inorang ra wean lahir tenan a. Tamata ovi rorang Yesus rira sidovung ra, rira ngrebat a ntali munuk Kristus, ovu Ia nala vavaꞌat verin afakataka munuk naꞌa inba watan.

Efesus 4:16

Kristus notu ma ita tamata ovi torang Yesus wead isa watan, wean afa ovi rnaꞌa munuk tenadida ra rnaꞌa isa, ma isa nlobang isa. Ba wean i tsilobang ita, ovu itmunuk tkarya urun naꞌa Ni vaꞌi ralan a ovu dida yabi ovi Duilaꞌa nala roak verin ita, na dida inorang naꞌa Duilaꞌa veka nmela ovu ntafal ma nangrebat.

Efesus 4:29

Wean i mingrihi, na deka myala vaivatul ovi ngra ra, ovu deka myiꞌit tamata ra. Naꞌuk myala watan vaivatul ovi rvua snurak a ma rlobang tamata ra, boma rfangrebat ralarira ra.

Efesus 4:4

Ubu Ni Roh ikisa watan, ovu Ia nkeak roak mia ma mnyaꞌa sidovung isa watan. Itmunuk takloꞌi dida vavaꞌat ra naꞌa afa lolin ovi Ubu veka notu verin ita, tevek Ia nera ita ma teluk yanan ra.

Kolose 1:24

Yaꞌa ralang lolin urun, velik ne fiang ini utuan susa, tevek ukarya ma ulobang mia. Yaꞌa veka utuan susa obin, tevek ukarya verin Kristus. Ba fiang ini utuan roak susa, tevek ukarya verin tamata ovi rorang Kristus, naꞌa afa susa ovi Kristus nfadoku ma utuan a. Ita tamata ovi torang Kristus weadida tenan a.

Kolose 1:28

Amfamalik Ivar Lolin naꞌa Kristus verin tamata ra munuk. Amfangnanang ovu amair ira ovu kakaꞌa dawan i Ubu nala verin ami, boma ti naran amar i amfavotuk tamata ovi rorang Kristus verin Ubu, na rira inorang nmela ma dawan roak.

Kolose 4:17

Fyalak verin Arkhipus ne, “Motu munuk karya i Duilaꞌa nala verin oa, tevek mu vavaꞌat isa roak ovu Yesus.”

1 Timotius 1:12

Ufalak fara weninyai verin dida Duilaꞌa Kristus Yesus, tevek Ia nkaꞌa ne, orang urun Ia, ba nfili yaꞌa ma ufabana Ni karya. Ia nala roak ngrebat verin yaꞌa ma nfalak ne, yaꞌa veka ot-nala Ni karya,

2 Timotius 4:11

Lukas aꞌuk saꞌi ndoku ovu yaꞌa. Ba mdava Markus ma mirua mya ini, tevek nlobang yaꞌa naꞌa ning karya.

2 Timotius 4:5

Usurak oa ta baba, ma velik ne sian te lolin, na mususan wam ma lolin. Mtahang ralam watan naꞌa mu susa ra. Fwabana mu karya ma fwamalik Ubu Ni Ivar Lolin verin tamata ra. Fwabana ma lolin vali mu karya liak ovi Ubu nala verin oa.

Ibrani 13:17

Mia myot-orang afa ovi bira dawan ra rfalak ra, tevek rira varvara ma rvalat Ubu naꞌa afa ovi rotu roak ma rfangrebat bira inorang a. Myotu wean inyai, boma rkarya ovu ralarira lolin. Wean i wahal, na ralarira ra veka lalau, ma veka wol utubira.

Ibrani 6:1

Terang a valing averi, deka myair watan afa ovi tamata inorang ra munuk musti rkaꞌa, naꞌut i beti rorang Kristus. Lan ana, tair roak ma tamata ra musti rahil ma deka rotu kikyai afa ovi wol ihir akataka, ovu tair vali naꞌa afa ovi rotu ma tamata ra rorang Ubu. Ba deka tair ewal afa avyai, naꞌuk mya ma tair naꞌa afa ovi rotu ma dida inorang a ntafal ma nangrebat.