Efesus 2:10 - Surat Ralan na'a Vaidida

¹⁰ Fiang ini Ubu i notu roak ita, notu vali ma dida vavaꞌat ra ngorvaꞌan ewal roak, tevek dida vavaꞌat isa roak ovu Kristus Yesus. Ia notu wean inyai, boma totu afa lolin ovi nfadoku roak tali lalan a verin ita.

Efesus 2:10 Խաչաձեւ Հղումներ

Matius 5:16

Wean vali inyai naꞌa afa lolin ovi myotu ra musti lyawan verin tamata ra, boma rsiꞌik afa lolin avyai ma rfadawang Yamabira i naꞌa lanit ratan a.”

Yohanes 3:21

Naꞌuk tamata iki watan not-orang lalawatan afa ovi kena ra, na ia nma roak lyawan a. Ba lyawan yai nfavotuk ni afa ovi notu ra ne, not-orang lalawatan afa ovi Ubu ralan nfalak ra.”

Kisah 9:31

Ba naꞌa amar avyai, na tamata ovi rorang Yesus naꞌa propinsi Yudea, propinsi Galilea ovu propinsi Samaria malinan watan. Naꞌut inyai, na Ubu Ni Roh nfangrebat tamata ovi rorang Yesus naꞌa rira inorang ovu nfaloling ralarira ra, ma rira sidovung ra rtafal ma rivun, ovu vali ralang ovu rfadawang Ia.

Kisah 9:36

Naꞌa kota Yope, na vata isa naran Tabita norang vali Yesus. Naran naꞌa vai Yunani ne, Dorkas. Ia baꞌi notu aꞌuk afa lolin ovu nlobang tamata kasian ra.

Roma 8:1

Fiang ini Ubu wol nukun roak tamata ovi rira vavaꞌat isa roak ovu Kristus Yesus,

Roma 8:29

Tamata ovi Ubu nfili lan roak ira ma reluk Ni tamata ra, Ia nfadoku roak tali lalan ma tamata avyai felarira ra rtafal ma wean Yanan a. Ia notu wean inyai, boma Yanan i Yesus Kristus neluk iyaꞌan lalean verin teran a valin tamata ovi rorang Ia.

1 Korintus 3:9

Ami amkarya naꞌa Ubu Ni vaꞌi ralan a ovu amotu karya i nala verin ami. Mia ini Ubu Ni vaꞌi a ovu Ni rahan a.

2 Korintus 5:17

Ba tamata i norang roak Kristus, na ia ni vavaꞌat a ngorvaꞌan roak. Ni vavaꞌat mnanat i norang nitdawan, nlia roak. Fiang ini ni roak vavaꞌat ngorvaꞌan a!

2 Korintus 5:5

Naꞌuk Ubu kaꞌi nasusan roak ma veka tenadida ngorvaꞌan. Ia nala vali Ni Roh a verin ita ma nleal raladida ra, al neluk faneak ne, veka nala munuk afa ovi ntorung roak verin ita.

2 Korintus 9:8

Ubu Ni ngrebat ma nala Ni kalolin a munuk verin mia, boma nfakena afakataka munuk naꞌa bira vavaꞌat ra. Ia notu munuk wean inyai verin mia, boma myot-nala munuk karya lolin ra ma al mlyobang tamata liak ra.

Galatia 6:15

Rsunat te wol rsunat ita, irua wear isa watan, tevek wol ihin akataka verin Ubu. Naꞌuk lolin lia munuk a, na dida vavaꞌat ngorvaꞌan tali Ubu.

Efesus 1:1

Terang a valing averi! Yaꞌa ini Paulus, utulis surat ini verin mia tamata ovi myorang Yesus naꞌa kota Efesus. Ubu nfili yaꞌa ma eluk rasul verin Kristus Yesus. Myorang urun Kristus Yesus ovu bira vavaꞌat isa roak ovu Ia, ovu myot-orang lalawatan afa ovi nfalak ra.

Efesus 1:4

Naꞌut i wol notu lanit ivavan ini obin, na nfili roak ita tamata inorang ra ma dida vavaꞌat ra rmerat urun, ovu wol dida sala roak naꞌa Ubu wahan ralan a. Ia notu wean inyai, tevek dida vavaꞌat isa roak ovu Kristus.

Efesus 2:13

Lan ana, raroa mia tali Ubu, naꞌuk fiang ini Ubu nfaseri roak mia. Notu wean inyai, tevek myorang afa ovi Kristus notu naꞌut i laran a nvoat roak, ovu nmata naꞌa aa walwalur ma al nakvanak mia.

Efesus 2:15

Yesus kaꞌi nala tenan a ma nmata, ma naling vatuk Musa ni inukun ra ovu afa ovi nfareta ma tot-orang munuk a. Ia notu wean inyai, boma ami tamata Yahudi ra ovu mia tamata ovi wol Yahudi ra, tnaꞌa bangsa ngorvaꞌan isa, tevek dida vavaꞌat ngorvaꞌan ovu Kristus Yesus. Lingaꞌan yai bi Yesus Kristus notu ma tamata ra malinan ewal.

Efesus 2:2

Naꞌut inyai, na mia myot-orang watan afa sian ovi rtali tamata ovi wol rkaꞌa Ubu, rira afa ovi rotu ra. Bira vavaꞌat i wean inyai nfaturu ne, myorang nitdawan i nfareta nait sian ovi rnaꞌa lanit. Nitdawan yai, fiang ini nkarya naꞌa tamata ovi rangal Ubu, ralarira ra.

Efesus 2:6

Ubu nala vavaꞌat ngorvaꞌan verin ita naꞌut i nfavaꞌat ewal Kristus ntali matmatan. Ba Ia notu ma ita wean i tdoku ma tfareta ovu Ia naꞌa lanit ratan, tevek isa roak ita ovu Kristus Yesus.

Efesus 4:1

Terang a valing averi, unaꞌa buꞌi ralan, tevek ufabana Duilaꞌa Ni karya. Era urun verin mia ma bira vavaꞌat ra lolin ma inovan ovu tamata ovi rorang Yesus rira vavaꞌat ra, tevek Ubu nala roak mia ma myeluk yanan ra.

Efesus 4:24

Ubu notu ma bira vavaꞌat a ngorvaꞌan ewal. Ba myot-orang vavaꞌat ngorvaꞌan i notu verin mia. Afa yai kena, rmalola ovu rmerat urun wean lahir Ia.

Filipi 1:6

Ubu saꞌi notu lan karya lolin ini naꞌa ralabira ra. Yaꞌa orang urun ne, Ia veka notu lalawatan karya yai, ti naran i roak a naꞌa amar i Yesus Kristus veka nma ewal a.

Filipi 2:13

Myotu wean inyai, tevek Ubu nkarya naꞌa ralabira ra, boma inabira ma myotu afa ovi rfaloling Ubu ralan a, ovu Ia nlobang mia ma myot-nala afa avyai.

Kolose 1:10

Amaflurut vali ma bira vavaꞌat ra veka kena urun ovu afa ovi Ubu ralan nfalak a, ovu vali afa ovi myotu ra rotu ma ralan a lolin watan. Fara myotu lalawatan afa ovi lolin ra, ovu bira kakaꞌa naꞌa Ubu veka ntafal vali.

Kolose 3:10

Byaꞌat roak naꞌa vavaꞌat ngorvaꞌan i Ubu notu verin mia. Ia notu ma bira vavaꞌat ngorvaꞌan lalawatan, boma myotu afa ovi wean i notu ra. Ia notu wean inyai, boma mkyaꞌa urun Ia.

1 Timotius 2:10

Naꞌuk ni lolin a, na vata ra rotu watan afa ovi lolin ra, boma tamata ra veka rfalak ne, vata avyai rira vavaꞌat ra rfaturu ne, rorang Ubu.

1 Timotius 5:10

Tamata liak musti rsiꞌik roak ne, ia baꞌi notu afa lolin, wean i notu lolin yanan ra, nsiꞌik ma lolin mangun ovi rlolak ia, nfakabava tenan a ma nlobang tamata ovi rorang Yesus, nlobang tamata ovi rtuan susa ra, ovu notu lalawatan afa ovi lolin ra.

1 Timotius 5:25

Wean inyai vali verin ita ma trea lahir afa lolin ovi tamata rotu ra. Naꞌuk wean i wol trea obin, na afa lolin avyai veka rvotuk watan.

1 Timotius 6:18

Msurak ira ma rotu aꞌuk lolin a, ralarira lolin urun verin tamata liak ra, ovu inar ma rlobang tamata ra.

2 Timotius 2:21

Ba wean i tamata isa ntalik roak tali afa ovi wol lolin ra, na Ubu veka nfili ia ma nkarya verin Ia. Ia veka wean binan lolin ovi tamata ra rala ma ralang rira mangun ra. Ubu Ni roak tamata yai, ba ni vavaꞌat nmerat. Ia ntorung ma novu karya lolin ra munuk.

2 Timotius 3:17

Wean inyai, na Surat Ralan nlobang Ubu Ni tamata ra munuk, boma nfakesi ira ma rot-nala afa lolin ra munuk.

Titus 2:14

Ia nala roak tenan a ma al ntevut ita tali dida salasilan ra. Ia nfamerat vali raladida ra, tevek Ni munuk ita, ovu notu ma inadida ma totu aꞌuk lolin a.

Titus 2:7

Titus, msiꞌik wam ma lolin naꞌa afakataka munuk, boma tamata ra rsiꞌik mu vavaꞌat a, na inar ma rorang oa. Wean i mair tamata ra, na ralam urun ovu mu vavaꞌat nmalola, boma ralang oa.

Titus 3:1

Fwangnanang tamata ovi rorang Yesus, ma ralang ovu rot-orang afa ovi rira dawan fareta ra ovu rira dawan liak ra rfalak a. Ira musti rasusan tenarira ra ma rotu aꞌuk afa ovi lolin ra.

Titus 3:14

Tamata ovi rorang Yesus naꞌa nuhu Kreta yai musti rotu lalawatan afa ovi lolin ra, ma rlobang tamata ovi rtuan susa ra. Tamata ovi rorang Yesus rotu wean inyai, boma rira vavaꞌat ra fyawar.

Titus 3:8

Vaivatul avyai kena munuk lahir, ba morang aꞌuk. Ba wean i mair tamata ra, na fwamalik afa ovi ufalak ra, boma tamata ovi rorang Ubu, ralarira urun ma rotu lalawatan afa ovi lolin ra. Afa ovi air ra lolin watan ma rlobang tamata ra.

Ibrani 10:24

Ita musti tsifangnanang ita, boma bisma tsifangrebat raladida ra ma isa nlobang isa, ovu vali totu afa ovi lolin ra.

Ibrani 13:21

nala Ni kalolin a, Ni ngrebat a, ovu afaka watan verin mia, boma myotu watan afa ovi ralan nfalak a. Fara Yesus Kristus nlobang ita ovu Ni ngrebat a, boma tot-nala afa lolin ovi rotu ma Ubu ralan a lolin a. Mya ma tfadawang Kristus, nata ti wol ni wahan. Kena urun!

1 Petrus 2:12

Bira vavaꞌat ra musti lolin naꞌa tamata ovi wol rkaꞌa Ubu, waharira ralan ra. Myotu wean inyai, boma wean i rfalak sian mia, na veka rsiꞌik bira afa lolin ovi myotu ra, ma veka rfadawang Ubu naꞌut amar i nma ewal lanit ivavan a.

1 Yohanes 1:7

Naꞌuk wean i tvaꞌat naꞌa lyawan ralan wean Ubu nanaꞌa lyawan ralan, na veka ralad isa ovu tamata inorang ra, ovu Ia nfamerat ita lalawatan tali dida salasilan ra munuk nahu Yanan a Yesus laran i nvoat a.

1 Yohanes 2:6

Tamata ovi rfalak ne, ralarira isa roak ovu Ubu, na rira vavaꞌat ra musti wean lahir Yesus Kristus Ni vavaꞌat a.