2 Korintus 13:7 - Surat Ralan na'a Vaidida

⁷ Ami amaflurut verin Ubu ma fara deka myotu afa ovi sian ra. Amaflurut wean inyai, tevek wol mane amfaturu ne, amtahang nal ralamami naꞌa angangal ra. Naꞌuk amotu wean inyai, boma mia bisma myotu aꞌuk afa ovi lolin ra, velik ne felan a wean i mlyabir teman ami ma amleka.

2 Korintus 13:7 Խաչաձեւ Հղումներ

Matius 6:13

Deka mtorung ma tamata te nitdawan nlabir teman ami, ba fwaroa tali ami nitdawan ovu ni siweang. [Tevek Oa mtaha fareta, Oa Mua ngrebat a, ovu vanam a nfitik nyadat ma ti wol ni wahan. Kena urun!]

Yohanes 17:15

Yaꞌa wol era verin Oa ma mala ira tali lanit ivavan a, naꞌuk era ma mwanar ira tali nitdawan a.

Roma 1:28

Tamata ra wol rkamlabir lahir Ubu, bi nsiꞌik watan ira ma wol rkaꞌa ma ranovak ne, inba kena ovu sala, ba rfikir aꞌuk sian a. Wean inyai, na rotu watan afa ovi wol inovan ma tamata ra rotu.

Roma 12:17

Wean i tamata ra rotu sian mia, na deka myangal ira ma myotu sian vali ira. Myotu aꞌuk afa ovi tamata ra munuk ranovak ne, lolin.

Roma 13:13

Afa ovi totu naꞌa dida vavaꞌat ra musti wean lahir tamata ovi rira vavaꞌat ra rnaꞌa roak lyawan ralan. Deka boranavut ita ovu deka totu snoba i boranavut ita ma taktufan, deka tsifa tia ma watan, deka taktufan urun ma totu watan afa ovi wol inovan ra, deka tsingarahi ovu deka tboꞌitea afa ovi tamata rira.

Roma 16:10

Ala salam vali verin Apeles i nfaturu roak ne, not-orang afa ovi Kristus nfalak ra, velik ne ntuan susa dawan. Salam vali verin tamata ovi rnaꞌa Aristobulus ni rahan.

1 Korintus 11:19

Inovan ma bira sidovung a namaꞌar, boma nfaturu lahir ne, tali bir tinemun, na iki tamata inorang mngaꞌun ia naꞌa Ubu wahan ralan a.

2 Korintus 10:10

Tamata ra rfalak ne, “Paulus ni surat ihin a aleman ovu nangrebat urun. Naꞌuk wean i itmunuk tnaꞌa wan isa, na notu ma felan a wean tamata ovi wol rangrebat, ovu ni afa ovi nfalak ra wol ihir akataka.”

2 Korintus 10:18

Wean i tamata rfadawang tenarira ra, na ita wol tkaꞌa ne, Duilaꞌa ntorung te wahal. Naꞌuk wean i Duilaꞌa nfadawang tamata ra, na inyai lolin urun.

2 Korintus 13:6

Era ma mlyabir teman ami ma msyiꞌik lahir ne, Kristus Ni roak ami ma amkarya verin Ia.

2 Korintus 13:8

Amfalak wean inyai, tevek ami wol bisma amotu afaka watan ma amangal afa ovi kena ra. Ami amfabana watan afa ovi kena ra.

2 Korintus 13:9

Inamami lolin urun wean i mia mingrebat, velik ne felamami ra wean i wol amangrebat. Ami amaflurut, boma fyakena urun afa ovi myotu naꞌa bira vavaꞌat ra naꞌa Ubu wahan ralan a.

2 Korintus 6:4

Naꞌuk amfaturu ne, ameluk tamata sansinir verin Ubu naꞌa afa ovi amotu ra munuk. Amtahang nal ralamami ra naꞌa susa ovi tamata ra rotu verin ami, ovu naꞌa susa afaka watan.

2 Korintus 8:21

Ralamami ra rfalak ma amasusan kubang avyai ovu ni malolan watan, naꞌa Ubu wahan ralan a, ovu vali naꞌa tamata waharira ralan ra.

Filipi 4:8

Terang a valing averi! Mane ufakbosal ning surat ini, na era ma fyadoku lalawatan afa ovi lolin ra naꞌa ralabira ra ovu bira fikiran ra. Fyikir afa ovi kena ra, ovu fyikir ma myalang afa lolin ovi tamata ra rotu a, ovu vali afa ovi rmalola ra. Fyikir naꞌa ralabira ra vali afa ovi inovan ma mryaning, ovu fyikir afa ovi rmerat urun, ovu fyikir vali afa ovi tamata ra rarenar, na ralarira ra lolin. Deka fyikir afa ovi ngra te salasilan ra. Naꞌuk fyikir afa ovi mngaꞌun ra, ma deka fyikir afa ovi sian ra.

1 Tesalonika 5:23

Fara Ubu i notu ma dida vavaꞌat ra malinan, notu ma raladida ra munuk rmalola. Amera vali ma fara Ubu nlobang mia, boma tenabira ra, ovu ralabira ra, ntafal vali bira roh a rmalola, boma wol bira sala, ti naran amar i dida Duilaꞌa Yesus Kristus nma ewal.

1 Timotius 2:2

Muflurut vali wean inyai verin raja ra ovu dawan fareta ra munuk, boma dida vavaꞌat ra malinan watan. Ba fara dida vavaꞌat ra rmalola ovu talang tamata ra.

2 Timotius 2:15

Msiꞌik ma lolin ma mair Ubu Ni vaivatul mngaꞌun ra, ma ntorung ma fwabana Ni karya. Mkarya ma dawan, boma ti naran mu amar kena ma mdiri Ubu wahan ralan, na wol mwaꞌit. Oa musti mkaꞌa Ubu Ni vaivatul ra ma mair ma lolin tamata ra.

2 Timotius 4:18

Duilaꞌa veka nbelat yaꞌa ma nfaroa sian tali yaꞌa. Ia veka novun yaꞌa ma ti unaꞌa Ni Fareta naꞌa lanit ratan. Ita tfadawang Ia lalawatan. Kena urun!

Yakobus 1:12

Ubu naflahar tamata ovi rtahang nal ralarira naꞌa rira susa ra, tevek wean i rtahang nal ralarira, na Ia veka nala vavaꞌat kakiwal i ntorung roak verin tamata iki watan i nlobang Ia ovu ralan urun. Ubu naval vali ira ovu Ni lolin a.

1 Petrus 2:12

Bira vavaꞌat ra musti lolin naꞌa tamata ovi wol rkaꞌa Ubu, waharira ralan ra. Myotu wean inyai, boma wean i rfalak sian mia, na veka rsiꞌik bira afa lolin ovi myotu ra, ma veka rfadawang Ubu naꞌut amar i nma ewal lanit ivavan a.