1 Tesalonika 5:21 - Surat Ralan na'a Vaidida

²¹ Naꞌa snurak afaka watan, na mlyabir teman ia veki, beti myorang afa ovi kena ra.

1 Tesalonika 5:21 Խաչաձեւ Հղումներ

Lukas 12:57

“Mia musti fyikir ma lolin afa ovi kena ra ma myot-orang!

Yohanes 15:4

Mia musti myotu ma bira vavaꞌat ra isa lalawatan ovu Yaꞌa, ovu Yaꞌa veka otu vali ma Ning vavaꞌat isa lalawatan ovu mia. Wean aa anggur sanan ra wol bisma vuar wean i rdir-aling ira tali aa anggur a, ovu mia weabira vali inyai. Wean i wol bira vavaꞌat isa ovu Yaꞌa, na wol bisma vuabira.

Yohanes 8:31

Ba Yesus nfalak verin tamata Yahudi ovi rorang Ia ne, “Wean i myot-orang lalawatan afa ovi ufalak ra, na mia myeluk Ning tamata mngaꞌun ovi rorang Yaꞌa.

Kisah 11:23

Barnabas ti naran Antiokhia, na nsiꞌik i Ubu naflahar tamata ovi wol Yahudi ra, ba inan urun i lahir. Ia nfalak verin ira ne, “Myorang lalawatan Duilaꞌa ovu ralabira urun.”

Kisah 14:22

Ira rnaꞌa kota avyai, na rala snurak lolin ma al rfangrebat tamata ovi rorang Yesus ralarira ra, boma rorang aꞌuk Yesus. Ira rfalak ne, “Kida averi, ita tatuan lan susa rivun veki, beti ti tnaꞌa Ubu Ni Fareta Ralan.”

Kisah 17:11

Tamata ovi rnaꞌa Berea yai rira sialang verin tamata liak ra lolin lia tamata ovi rnaꞌa Tesalonika. Ira inar urun ma rarenar Ubu Ni vaivatul ra, ovu vali lokat amar rbas ma lolin Surat Ralan ma al rsiꞌik ne, afa ovi Paulus nfalak ra kena te wahal.

Roma 12:2

Deka myot-orang tamata ovi wol rorang Ubu naꞌa lanit ivavan ini rira fikiran ra ovu afa ovi rotu ra. Naꞌuk myala munuk bira vavaꞌat ra verin Ubu, boma nala fikiran ngorvaꞌan verin mia, ma bira vavaꞌat ra veka naling ia tali lan a, ma mkyaꞌa mngaꞌun afa ovi Ubu ralan nfalak ra. Afa avyai, afa lolin ovi rotu ma Ubu ralan a lolin ovu ita, ovu kena munuk lahir.

Roma 12:9

Terang a valing averi! Mia musti mlyobang tamata ra ovu ralabira urun. Byatuk bira fikiran sian ra, ovu deka myotu afa ovi sian ra. Myotu aꞌuk lolin a.

1 Korintus 15:58

Wean inyai bi, terang a valing ovi ulobang urun mia, bira dardirin a musti nangrebat naꞌa bira inorang a, boma tamata ra wol rweang nala mia. Mia musti ivaꞌubira urun ma mkyarya naꞌa Duilaꞌa Ni vaꞌi ralan a! Tevek mkyaꞌa roak ne, bira karya ra verin Duilaꞌa veka wol rleka ma lolan watan.

1 Korintus 2:11

Wean i tamata isa, ia aꞌuk saꞌi nkaꞌa afa ovi rnaꞌa ralan a. Ubu Ni Roh a wean vali inyai. Ia aꞌuk saꞌi nkaꞌa Ubu ralan a.

Galatia 6:10

Ba naꞌut inba watan, wean i dida amar nanaꞌa ma bisma totu lolin obin, na totu lalawatan lolin yai verin tamata ra munuk, naꞌuk nlia tali inyai, na totu lolin a verin terad a valid ovi rorang Yesus.

Efesus 5:10

Myotu afaka watan, na misahak ma mkyaꞌa afa avyai ne nfaloling Duilaꞌa ralan a te wahal.

Filipi 1:10

Ba uflurut wean inyai, ma bis mkyaꞌa ma fyili ne inba lolin, boma bira vavaꞌat ra veka rmerat urun ovu wol bira sala, boma tamata ra deka rfasala mia naꞌut amar i Kristus veka nma ewal a. Uflurut vali ma ti naran amar yai, na bira vavaꞌat a veka nngora lahir ovu bira afa lolin ovi myotu ovu ralabira urun a. Yesus Kristus aꞌuk saꞌi not-nala ma bira vavaꞌat ra wean inyai. Tamata ra rsiꞌik ma veka rfadawang Ubu ovu raraning Ia, tevek Ni dawan a.

Filipi 3:16

Naꞌuk era lahir ma tsiꞌik ma lolin afa ini: ita musti tahu lalawatan lingaꞌan i Ubu nfaturu roak verin ita, ma naran amar ini.

Filipi 4:8

Terang a valing averi! Mane ufakbosal ning surat ini, na era ma fyadoku lalawatan afa ovi lolin ra naꞌa ralabira ra ovu bira fikiran ra. Fyikir afa ovi kena ra, ovu fyikir ma myalang afa lolin ovi tamata ra rotu a, ovu vali afa ovi rmalola ra. Fyikir naꞌa ralabira ra vali afa ovi inovan ma mryaning, ovu fyikir afa ovi rmerat urun, ovu fyikir vali afa ovi tamata ra rarenar, na ralarira ra lolin. Deka fyikir afa ovi ngra te salasilan ra. Naꞌuk fyikir afa ovi mngaꞌun ra, ma deka fyikir afa ovi sian ra.

1 Tesalonika 5:15

Msyiꞌik wabira ma lolin boma, wean i tamata isa notu sian mia, na deka myotu sian ia. Ni lolin a, bir tinemun msyiotu lolin watan mia, ovu vali verin tamata iki watan.

1 Tesalonika 5:22

Fyaroa tenabira ra tali afa ovi sian ra.

2 Tesalonika 2:15

Ba kida averi, deka mtyalik ma myorang afa ovi amair roak verin mia. Naꞌa afa avyai, na amfamalik boku roak verin mia, na afa boku vali amfadoku roak naꞌa surat verin mia.

2 Timotius 1:15

Oa mkaꞌa roak ne, tamata ovi rorang Yesus naꞌa propinsi Asia yai, rivun ilaꞌa rafla talik roak yaꞌa. Figelus ovu Hermogenes rti talik vali yaꞌa.

2 Timotius 3:6

Tevek tali tamata avyai, na tamata boku rti fanfonak watan ira naꞌa tamata liak rira rahan ra, ma rweang vata ovi rira fikiran ra katketa ma rorang aꞌuk afa ovi rfalak ra. Vata ovi rira salasilan ra rivun, ba rorang aꞌuk rira ininan sian ra.

2 Timotius 4:14

Aleksander i baꞌi notu binan ovu afa liak ra tali tembaga notu sian daꞌin yaꞌa, ba Ubu veka nbalas ni afa sian ovi notu ra.

Ibrani 10:23

Dida dardirin a musti nangrebat naꞌa dida inorang a verin Yesus. Ita tfakloꞌi aꞌuk dida vavaꞌat ra verin Ia, tevek not-orang lalawatan afa ovi nfalak ra, ovu wol nablufang Ni tnorung a verin ita.

1 Yohanes 4:1

Terang a valing averi, ulobang urun mia. Deka myorang tia ma watan tamata ovi rfalak ne, Ubu Ni Roh a nleal ralarira ra. Mlyabir teman veki ne, roh avyai rtali Ubu te wahal, tevek naꞌa inba watan, na tamata rivun rlabir tamata ra ma rfalak ne, nabi mngaꞌun ira.

Wahyu 2:2

Ia nfalak ne: Yaꞌa ukaꞌa afa ovi myotu naꞌa bira vavaꞌat ra. Ukaꞌa ne, mia mkyarya ma dawan ovu mtyahang nal ralabira, wean i tamata boku rwi-rwa mia, tevek myorang Yaꞌa. Ukaꞌa vali ne, myangal tamata ovi raktufan ra. Mia vali mlyabir teman roak tamata sian ovi rfalak ne, Ubu nsinir ira ma rfamalik Ni vaivatul ra. Ba msyiꞌik roak afa ovi rotu ra, ma mkyaꞌa roak ne, tamata avyai rsiklabir.

Wahyu 2:25

Ba myorang aꞌuk afa ovi mryenar roak tali Yaꞌa, ti naran amar i veka uma ewal a.

Wahyu 3:11

Wol mnanat, na Yaꞌa veka uma lanit ivavan ini! Myorang aꞌuk afa ovi mryenar roak tali Yaꞌa, boma tamata ra wol bisma rala afa ovi utorung roak verin mia ma aval mia naꞌa bira rala lolin ra.

Wahyu 3:3

Ba mingnanang afa ovi rair roak verin mia, ovu afa ovi mryenar roak naꞌa bira inorang a. Mtyalik kikyai ma deka myotu salasilan ra, naꞌuk myot-orang aꞌuk Ning afa ovi rair roak verin mia yai. Wean i wol myahil ma mtyalik tali bira salasilan, na Yaꞌa veka uma wean tamata barborin, ma wol mkyaꞌa ne, lafira ki uma.