1 Korintus 8:11 - Surat Ralan na'a Vaidida

¹¹ Ba bira kakaꞌa i wean inyai a, veka not-visal tamata ovi rorang Yesus ma wol rkaꞌa rfili ne, inorang inba lolin, te inba sian, ba wol rorang roak Yesus. Velik aba, Yesus nmata al nakvanak ira vali.

1 Korintus 8:11 Խաչաձեւ Հղումներ

Yohanes 6:27

Deka mdyava afamtahan ovi bisma rbetan, naꞌuk mkyarya ma al mdyava afamtahan ovi rala vavaꞌat kakiwal. Yaꞌa, Tamata Yanan Yaꞌa, veka ala afamtahan yai verin mia, tevek Yamang a nala roak ngrebat verin Yaꞌa.”

Roma 14:15

Wean i motu ma teram-valim isa ralan nwaꞌuk, tevek afa ovi muan ra, na afa ovi motu ra rfaturu roak ne, wol mlobang ia. Deka muan afamtahan i not-visal teram-valim ra ma wol rorang roak Ubu, tevek Kristus nmata roak ma al nakvanak ira.

1 Korintus 10:33

Era verin mia ma myorang ning vavaꞌat a ma naꞌa afaka watan, na ufaloling tamata ra munuk ralarira ra. Yaꞌa otu wean inyai, naꞌuk wol udava utung alaling. Naꞌuk yaꞌa inak urun ma Ubu nsikat tamata ra tali rira salasilan ra, ma rira vavaꞌat kakiwal.

1 Korintus 8:13

Ba wean i afamtahan ovi uan ra notu roak ma terad a valid ra rotu salasilan, na veka ufena lahir ma uan afwatan ihin roak naꞌa ning vavaꞌat a. Ufena ma otu afa ovi rotu ma terang a valing ra rotu salasilan.

1 Korintus 8:4

Yaꞌa mane ufalyawang verin mia naꞌa afwatan ihin i tamata ra rala roak verin walut ra ma naꞌa rira korban ra ne, bisma taꞌan te wahal? Ita tamata inorang ra tkaꞌa roak ne, walut yai ubu siklabir watan, tevek Ubu ikisa watan, ovu vali Ia Ni ngrebat a.