तितस 2:2 - देवास राई

² बुढ्‌रा मानुसलाइ सान्त, गम्भिर, समझदार, बिस्वासै पक्‍का, पेरेम आउँ धैर्य भेबा पोर्लाहार बाजिहिन् सिखाउ।

तितस 2:2 Խաչաձեւ Հղումներ

मर्कुस 5:15

तसौ उखर्ह्‌वाइ थुप्‍रोय भुत लाग्ल मानुसलाइ राम्‍रो भेहिन् लुगा पेहेरिहिन् सद्‌धे मनक् भेइबानाइ येसुक्‌सङ्‌हिं बसिहिन् रैल्ह देख्लुहुन्, आउँ अचम्म मानिबानाइ उखर्ह्‌वा डरालुहुन्।

लुका 8:35

तसौ जुन् मानुसलके यि कहिन् सुन्लुहुन् उ मानुसलक् किसा यरङ् भेल बाजिहिन् येसु भेल ठाँओइ दिठाबा आइलुहुन्। उ मानुसलक् येसुक्‌ठालाइ पुग्‍लटाकै भुतलक् लागिबानाइ बौलाल मानुस ता भुत निस्किहिन् जाहिनौ सद्‌धे भेइबानाइ लुगा पेहेराहिन् येसुक्‌सङ्‌हिं पाओमा बसि-रैल्ह देख्लिहिंक्, तसौ झन् उ मानुसलक् डरालुहुन्।

प्रेरित 24:25

तर पावले ओक्‌रानि परमेस्वरक् धार्मिक आग्‍यालक् मानिहिन् काम कर्बा पोर्लाहार, आफ्निक् मनलाइ अधिनै धर्बापोर्लाहार आउँ परमेस्वरे नियाँ कर्बाक् दिन आइतिहि रहेला बाज्बाक् कहिन् सुनानेसौ फेलिक्से आहाटिबानाइ यन्हिं बाज्लक्, “भेइ, आस्कोक् लागि यट्‌के भेउस्, असौ तुँइ जा। पाछु मौका पोर्लोटाकै मुँइ फेरि तोरानि हाँख्‍रामेंर्ला।”

१ थेसलोनिकि 5:6

उहेसिहिरे हामि ओर्को मानुसलकक्‌परौ सुतिहिन् बुन् बसुहुँक्, तर जग्वार भेहिन् बसुहुँक् आउँ होस्यार भेहिन् बस्बापोर्लाहार।

१ थेसलोनिकि 5:8

तर हामिसेहे दिनक् सन्तान भेलसिहिरे हामि होस्यार भेहुँक्, तसौ बिस्वास आउँ पेरेमक् छातिक् पाता आउँ मुक्‍तिक् आसाक् टोप लागाहुँक्।

१ तिमोथि 1:10

ब्यबिचारिलक्, पुर्खरे पुर्खरक्‌सङ्‌हिं आउँ अइमायँ अइमाइक्‌सङ्‌हिं ब्यबिचार कर्लाहारलक् (समलिङ्‌गिलक्), अपरहन कर्लाहारलक्, झुठ् बाज्लाहारलक्, झुठ् कहिनक् साछि देलाहारलक्, आउँ सत्य सिद्‌धान्तक् बिरोध कर्लाहारलकक् लागि बन्ल रहेला।

१ तिमोथि 1:14

हाम्‍रा पर्भुक् अनुग्रह मुँइ पुरा रुपे पाइलम्। आउँ उहे अनुग्रहक्‌सङ्‌हिं खिरिस्ट येसुमा मोरानि बिस्वास आउँ पेरेम देलक्।

१ तिमोथि 1:2

बिस्वासै साँच्‍चिहिक् मोरा छाउराक् परौ तिमोथिलाइ लेख्तिहि रहम्‍ना। परमेस्वर पिता आउँ हाम्‍रा पर्भु खिरिस्ट येसुक्‌भटे तोरानि अनुग्रह, किर्पा आउँ सान्ति मिलेस्।

१ तिमोथि 1:5

हाम्‍रा आग्याक् उदेस्य सेहे साँच्‍चिहिकक् पेरेम हो, जुन्‌सेहे सुद्‌ध हिर्‌दया, राम्‍रो बिबेक, आउँ सत्य बिस्वासक्‌भटे आयला।

१ तिमोथि 3:11

उहेरङे करिहिन् डिकनलकक् बोहेथालक् आको राम्‍रो चालचलनक् भेबापोर्लाहार आउँ एक-अर्काक् निन्दा नहिंकर्लाहार, तर आफ्निक् मनलाइ अधिनै धर्बा पार्लाहार आउँ सेब्‌भ्‍रोउ कहिनै बिस्वासिलो भेबापोर्लाहार।

१ तिमोथि 3:2

यिहेसिहिरे बिसपसेहे कुन्हुँहि दोस लागाबा नहिंपार्लाहार आउँ एक्टा माटेन् बहु भेल भेबापोर्लाहार। ओहिं आफ्निलाइ अधिनै धर्बा पार्लाहार, जम्मा कहिन् बुझ्बा पार्लाहार, चालचलन राम्‍रो भेल, पहुनाक् राम्‍रो सत्कार कर्लाहार आउँ बिस्वासिलकलाइ परमेस्वरक् बचनक् सिच्छा राम्‍रोइसौ सिखाबा पार्लाहार भेबा पोर्लाहार।

१ तिमोथि 3:4

ओहिं आफ्निक् घर-परिबारलाइ राम्‍रोइसौ रेखदेख करिहिन् चालाबा पार्लाहार भेबा पोर्लाहार, आउँ आफ्निक् बेटायक-बेटेकलकलाइ आदर कर्लाहार आउँ आग्या मान्लाहार बानाउस्।

१ तिमोथि 3:8

उहेरङ् करिहिन् मन्डलिमा सेवा कर्लाहार डिकनलक् आको आदर पाबाक् योग्यक् भेबापोर्लाहार। आउँ दुइ जिर्भ्या, अङ्‌गुरक् मद्‌ध खाइबानाइ मातिहिन् हिंठ्‌लाहार, अनैतिक तरिकाइ धनक् लोभ कर्लाहार भेबा नाभेक्।

१ तिमोथि 5:1

आफ्निसौ जेठो मानुसलाइ बुन् हप्काउ, तर ओक्‍रालाइ आफ्निक् बाप्पोक् परौ आदर करिहिन् राम्‍रोइसौ बिम्ति कर। तसौ आफ्निसौ छोट्‌-छोटेलकलाइसेहे आफ्निक् भाइक् परौ मानिहिन् ब्यभार कर।

तितस 1:13

यि साछिक् कहिन् सत्य हो। यिहेसैर्हे उखर्ह्‌वालाइ करा करिहिन् हप्काउ, ताकि उखर्ह्‌वा आफ्निक् बिस्वासै बल्यो भेउस्।

तितस 1:8

बरुस पहुनालकलाइ सेवा-सत्कार कर्लाहार, भलाइक् काम मन पोरालाहार, आफ्निलाइ अधिनै धर्लाहार, इमान्दार, पबित्‌र आउँ संयमि भेबापोर्लाहार।

तितस 2:7

तुँहि सेब्‌भ्‍रोउ कहिनै राम्‍रो नमुना बनिबानाइ आफ्निलाइ उखर्ह्‌वाक् आगारि देखाउ, आउँ तोरा सिच्छाइ इमान्दार, गम्भिर भेइबानाइ,