तितस 1:1 - देवास राई

¹ मुँइ पावल परमेस्वरक् दास आउँ खिरिस्ट येसुक् प्रेरित, यि चिठि लेख्तिहि रहम्‍ना। परमेस्वरे मोरानि चुन्लक् आउँ ओहिं चुन्ल मानुसलकक् बिस्वास बार्‌हाबाक्नि पाठालक् आउँ परमेस्वरलाइ मन पोर्लाहार जिबनक्‌सङ्‌हिं मिल्‍लाहार सत्यक् सिच्छा सिखाबाक्नि मोरानि चुन्ल धरैस्।

तितस 1:1 Խաչաձեւ Հղումներ

लुका 18:7

उहेरङ् करिहिने किस् दिन-रात परमेस्वरक् नाउँ पुकार्लाहार आफ्निक् मानुसलकलाइ ओहिं अन्यायक्‌भटे ना जोगाओइ ते? किस् ओहिं आफ्नि चुन्‍ल मानुसलकलाइ मदप कर्बा ढिलो करइस् भेकाते?

प्रेरित 13:48

जब अर्‌जाति मानुसलके यि कहिन् सुन्लुहुन् आउँ उखर्ह्‌वा एकदमे खुसि भेइबानाइ यन्हिं बाज्बा ठाल्‍लुहुन्, “परमेस्वरक् बचन कट्‌का राम्‍रो रहेला!” यरङ् करिहिन् अजम्मरि जिबनक् लागि परमेस्वरे चुन्ल जट्‌का जम्माहिं येसु खिरिस्टक् उप्‍रै बिस्वास कर्लुहुन्।

१ तिमोथि 2:4

सेब्‌भ्‍रोउ मानुसलके मुक्‍ति पाउस् आउँ उखर्ह्‌वाइ सत्य कहिनलाइ बुझुस् बाजिहिन् ओक्‍राक् इच्‍छा रहेक्ला।

१ तिमोथि 3:16

हामि सुइकार करुहुँक्ला, कि परमेस्वरे हाम्‍रानि देखाल बिस्वासक् रहस्य एकदमे बर्के रहेलाः खिरिस्ट मानुसिहिक् देहिमा देख्वार पोर्बा आइलक्, पबित्‌र आत्माक्‌भटे धर्मि ठहर्लक्, तसौ स्वर्गोदुतलकक् आगारि देख्वार पोर्लोक्। जात-जातक् माझै ओक्‍राक् पर्चार भेलकुन्, सन्सारक् मानुसलके ओक्‍रानि बिस्वास कर्लिहिंक्, आउँ फेरि महिमाक्‌सङ्‌हिं स्वर्गोइ उठाइ-लेगिजाइलक्।

१ तिमोथि 6:3

यदि कुन्हुँइ झुठ् सिद्‌धान्त सिखाइस् भेने आउँ हाम्‍रा पर्भु येसु खिरिस्‍टै देल सत्य सिच्छा आउँ परमेस्वरक् भक्‍ति अनुसारक् सिच्छाइ सहमत नाभेओइ भेने,

२ तिमोथि 2:10

उहेसिहिरे परमेस्वरे चुन्ल मानुसलकक् लागि मुँइ सेब्‌भ्‍रोउ दुक्ख सहबा पारम्‍ना, ताकि उखर्ह्‌वाहु खिरिस्ट येसुक्‌ठालाइ रैल्ह अनन्‍तक् महिमा आउँ मुक्‍ति पाबा पारुस्।

२ तिमोथि 2:23

तर मुर्ख आउँ बेसमझक् बाद-बिबादक्‌भटे अलग्गे बसह। तोरालाइ थाहा रहेस्ला कि, यरङ् कहिने ता झग्‍रा माटेन् भेला।

२ तिमोथि 2:25

तसौ ओहिं आफ्निक् बिरोधिलकलाइ नम्‍र भेइबानाइ सिखाबा पार्लाहार भेबा पोर्लाहार। ओरोङ् करिबुनेमा माटेन् परमेस्वरे उखर्ह्‌वाक् मन परिबर्तन काराइबानाइ सत्यलाइ बुझ्बाक् मन देट्‌थ्ला।