२ तिमोथि 4:7 - देवास राई

⁷ मुँइ उत्‍तम लाराइ कर्ल रहम्ना। मुँइ दौर सिधाल धरम्‍ना आउँ मुँइ बिस्वासलाइ बाँचाहिन् धर्ल धरम्‍ना।

२ तिमोथि 4:7 Խաչաձեւ Հղումներ

लुका 11:28

यि कहिन् सुन्‍नेसौ येसुइ यन्हिं बोल्‍लाहा, “बरुस् परमेस्वरक् बचन सुनिहिन् मान्‍लाहारलके ते आसिक् पाइल भेट्‌थ्ला!”

लुका 8:15

राम्‍रो जिमिमा पोर्लो बियालक्‌सेहे यरङ् हो, जुन् मानुसे परमेस्वरक् बचन सुनिबानाइ इमान्दार भेहिन् आफ्नि सुन्ल बचन आफ्निक् हिर्‌दायाइ राम्‍रोइसौ जोगाहिन् धरिबानाइ काम करैस् आउँ बाज्ल समइमा धेरेक्‍कुर फोर फोराइस्।”

प्रेरित 13:25

आउँ यहुन्‍नाइ आफ्निक् काम सिधाबाक् लाग्लटाकै यन्हिं बाज्लक्, ‘तोहोराखर्ह्‌वाइ मोरानि कुन्‌ग्वा बाजिबानाइ ठान्हँहला? मुँइ तोहोराखर्ह्‌वाइ अस्याल मानुस ता बोइने। तर मोरापाछु एकजेना आइतिहि रहैस्, जक्‌राक् जुत्‍ताक् टुना फोक्लाबाहुँकलाइ मुँइ ता नाँसोहाम्।’

प्रेरित 20:24

तर मोरा लागि आफ्निक् जिबन किच्‍छुय बोइनेक् परौ लागैस्। मोरा मनइ यट्‌का माटेन् रहैस् कि, परमेस्वरे मानुसलकलाइ अनुग्रह कर्ल धरैस् बाज्बाक् खुसिक् खभर फिंझाबाक् काम पर्भु येसुहि मोरानि देल धरैस्। ओहिं देल यि काम मुँइ पुरा कर्बा पारुस्।

१ तिमोथि 1:18

मोरा पियारो छाउरा तिमोथि, तोरा बिसइमा धेरे आगारि परमेस्वरक्‌भटे बोल्‍लो अगमबानि अनुसार मुँइ यि आग्या तोरानि देइतिहि रहम्‍ना। यिहेसैर्हे तुँइ उ अगमबानिक्‌भटे पाइल कहिनलाइ बिस्वास आउँ राम्‍रो बिबेकक्‌भटे काम करिहिन् लाराइमा राम्‍रोइसौ आगारि बर्ह।

१ तिमोथि 6:12

बिस्वासक् लाराइ राम्‍रोइसौ लर। आउँ अनन्त जिबनलाइ गर्थिहिन् धर। किसाबुने यिहे जिबनक्‌ लागि परमेस्वरे तोरानि हाँख्‍राल रैल्हास्, आउँ तुँइ थुप्‍रोय साछिलकक् आगारि तोरा बिस्वासक् राम्‍रो साछि देल धर्लइ।

१ तिमोथि 6:20

दिठाउ तिमोथि, परमेस्वरे तोरानि जे सोंप्लो धरेस्ला, उ राम्‍रोइसौ रछ्‍या करिहिन् धर। कट्‌कापय मानुसलके सन्सारक् मुर्ख कहिन् आउँ “ग्यान” बाजिहिन् मानट्‌थ्ला, उ झुठ् कहिनक्‌भटे टार्‌हो बस्।

२ तिमोथि 1:14

तोरालाइ देल सत्य सिच्छालाइ हाम्‍रे भिट्‌रै बास कर्लाहार पबित्‌र आत्माक् सक्‍तिमा जोगाहिन् धर।

२ तिमोथि 3:10

तर मोरा सिच्छा, मोरा चालचलन, मोरा जिबनक् लछ्‌य, मोरा बिस्वास, मोरा धैर्य, मोरा पेरेम, आउँ मोरा स्थिरता देख्ल धरस्ला।