२ तिमोथि 4:5 - देवास राई

⁵ तर तुँइसेहे जम्माय कहिनै सान्त मनक् भेउ। दुक्ख सहौ, सुसमाचार पर्चार कर् आउँ परमेस्वरे तोरालाइ देल सेवाक् काम पुरा कर्।

२ तिमोथि 4:5 Խաչաձեւ Հղումներ

मर्कुस 13:34

मुँइ मानुसक् बेटायक आबाक् दिन ता एकजेना मानुस परदेस जाइलक् परौ हो। आउँ जाबाक्‌भन्दा आगारि ओहिं आफ्निक् चाकरलकलाइ घरक् सेब्‌भ्‍रोउ कामलक् जिम्‍मा देइबानाइ आउँ पाल्यालाइ चनाखो भेहिन् बस्बा बाजिहिन् आग्या देलाहा।

मर्कुस 13:37

जेहे मुँइ तोहोराखर्ह्‌वालाइ बोल्‍लो धर्मेहेंर्ला, उ मुँइ जम्माहिंलाइ बोलोम्‍ना, चनाखो भेहिन् बसह!”

लुका 12:37

तस्के मालिक आइल बेलाइ नहिं निराहिने चङ्‍खारो भेहिन् बस्ल उ चाकरलके स्याबास पाट्‌थ्‍ला आउँ उखर्ह्‌वा खुस्सि भेट्‌थ्ला। साँच्‍चिय मुँइ तोहोराखर्ह्‌वालाइ बोल्‍मेहेर्ला, उ मालिके लुगा साटिबानाइ पहुनालाइ खुवालक् परौ करिहिन् उ चाकरलकलाइ मज्जाइसौ बासाइबानाइ खुवाइ-पियाइ कारायट्‌थ्ला।

प्रेरित 21:8

ओर्को दिनै हामि ओछिसौ बिदा लेइबानाइ कैसरिया सहरै पुग्लुहुँक्। ओछि हामि खुसिक् खभर सुनालाहार फिलिपक् घरै बस्लुहुँक्। उसेहे यरुसलेमै सेवा कर्बाक्नि छान्ल सात जेनाक्‌मध्ये एकजेना रैल्हक्।

१ थेसलोनिकि 5:6

उहेसिहिरे हामि ओर्को मानुसलकक्‌परौ सुतिहिन् बुन् बसुहुँक्, तर जग्वार भेहिन् बसुहुँक् आउँ होस्यार भेहिन् बस्बापोर्लाहार।

१ तिमोथि 4:12

तुँइ जवान रहस्ला बाजिहिन् कुन्हुँहि तोरानि हेला कर्बा बुन् पाउस्, तर बिस्वासिलकक् आगारि तोरा बोलिबचन, ब्यभार, पेरेम, बिस्वास आउँ सुद्‌धताक्‌भटे तुँइ एक्टा नमुनाक् जिबन देखाउ।

१ तिमोथि 4:15

तोरा पुरा ध्यान आउँ पुरा सक्‍ति यिहे सिखाल कहिनलकै लागाउ, ताकि तोरा उन्‍नति जम्माहिं देखुस्।

२ तिमोथि 1:8

यिहेसैर्हे हाम्‍रा पर्भुक् बिसइमा साछि देबाक्‌लाइ आउँ मुँइ ओक्‍राक् लागि झ्यालखानाइ पोर्लो सिहिरे तुँइ बुन् लाजाउ। तर परमेस्वरक् सक्‍तिमा सुसमाचार सुनाबाक् लागि मोरे परौ दुक्ख भोग्बाक्‌लाइ तियार भेउ।

२ तिमोथि 2:10

उहेसिहिरे परमेस्वरे चुन्ल मानुसलकक् लागि मुँइ सेब्‌भ्‍रोउ दुक्ख सहबा पारम्‍ना, ताकि उखर्ह्‌वाहु खिरिस्ट येसुक्‌ठालाइ रैल्ह अनन्‍तक् महिमा आउँ मुक्‍ति पाबा पारुस्।

२ तिमोथि 2:3

खिरिस्ट येसुक् राम्‍रो सिपाहिक् परौ भेइबानाइ तुँइ आको दुक्खइ सहभागि भेउ।

२ तिमोथि 4:17

तर पर्भु मोरासङ्‌हिं भेइबानाइ अरजातिलके सुसमाचार सुन्बा पाउस् बाजिहिन् सुसमाचार सुनाबा पार्लाहार सक्‍ति मोरालाइ देलक्। ओहिं ता मोरालाइ सिङ्‍हक् मुखक्‌भटे आको बाँचालक्।