२ तिमोथि 3:15 - देवास राई

¹⁵ तुँइ चुटुनाहिंसौ पबित्‌र धर्मसास्ट्‌रै लेख्ल बचन राम्‍रोइसौ जान्ल धरस्ला, यिहे कहिने तोरालाइ खिरिस्ट येसुमा बिस्वास करिबानाइ पाइलाहार मुक्‍तिक् बिसइमा ग्यान देस्ला।

२ तिमोथि 3:15 Խաչաձեւ Հղումներ

लुका 1:15

किसाबुने उ परमपर्भुक् नजरइ बर्के मानुस भेइस्। ओहिं अङ्‌गुरक् छिप्‍ल रस आउँ कुन्‍हुँ ओर्को माट्‌लाहार् चिंज नहिंखाबगे। आउँ माँइकक् पेटिहिमा भेइतिहि उ पबित्‌र आत्माइ भोरोइस्।

लुका 2:40

बालख येसु बर्टे जाहिन् बल, बुद्‌धि आउँ ग्यानमाहा भोर्टे जाइलक् आउँ परमेस्वरक् अनुग्रह ओक्‌राक् उप्‍रै पोर्लो रैल्हकुन्।

लुका 24:27

तसौ येसुइ मोसाइसौ लेइबानाइ जम्‍मा अगमबक्‍तालके धर्मसास्टरइ ओक्‌राक् बिसइमाहा लेख्ल कहिनलक् उखर्ह्‌वानि बुझालाहा।

लुका 24:32

उखर्ह्‌वा सङ्-सङ्‌मा यरङ् कहिन् कर्बा ठाल्‍लुहुन्, “हाम्‍रासङ्‌हिं पैंदाइ कहिन् कर्ते आइलटाकै धर्मसास्टरक् अर्थ बाटालटाकै हाम्‍रा मन कट्‌का खुस्सि भेल रहौकुन्!”

लुका 24:45

ओक्‌राक्‌पाछु उखर्ह्‌वालाइ धर्मसास्टरमाहा लेख्ल कहिनलक् बुझ्‍बाक्नि बुद्‌धि खोलिदेलाहा।

प्रेरित 10:43

अगमबक्‍तालकुहु ओक्‌राक् बिसइमा यन्हिं बाजिहिन् साछि देल धरट्‌थ्ला, ओक्‌राक् उप्‍रै बिस्वास कर्लाहार जम्माहिं ओक्‌राक् नाँओक्‌भटे पापक् छेमा पाट्‌थ्ला।”

प्रेरित 13:29

यरङ् करिहिन् येसुक् बिसइमा लेख्ल जम्मा कहिन् पुरा करिबानाइ उखर्ह्‌वाइ ओक्‌रानि कुरुसक्‌भटे झारिबानाइ चिहानै धर्लिहिंक्।

प्रेरित 16:1

पावल डर्बि सहरक् पैंदा भेइबानाइ लुस्त्‍रा सहरै आइपुग्लक्। ओछि तिमोथि नाउँ भेल एकजेना चेला रैल्हक्। ओक्‌राक् माँयक पर्भुक्‌लाइ बिस्वास कर्लाहार यहुदि रैल्हक्, तर बापेकसेहे गिरिक रैल्हकुन्।

प्रेरित 17:2

पावल सटौघरिहिंक् परौ ओछि रैल्ह सभाघरै जाइलक्। आउँ ओहिं तिन सातासम्म बिसारिक दिनै धर्मसास्ट्‌रक् कहिन् लेइबानाइ उखर्ह्‌वाक्‌सङ्‌हिं तर्क-बितर्क करिहिन् बस्लक्।

प्रेरित 26:24

पावले बाज्ल यि कहिनलक् सुनिबानाइ फेस्तसे बर्केचोटे साराहिन् पावललाइ यन्हिं बोल्‍लोकुन्, “पावल तुँइ बौलाल खम, तुँइ धेरेक्‍कुर जानिबानाइ तोरालाइ बौलाहा बानाल धरेस्ला।”

१ तिमोथि 4:13

मुँइ नहिंआबायसम्म तुँइ मानुसलकलाइ धर्मसास्ट्‌र पर्‌हिबानाइ सुनाबाक्नि, पर्चार कर्बाक्नि आउँ सिखाबाक् कामै ध्यान देउ।

२ तिमोथि 1:1

खिरिस्ट येसुमा भेल जिबनक् पर्तिग्या बमजिम परमेस्वरक् इच्छाक्‌भटे खिरिस्ट येसुक् प्रेरित चुन्ल मुँइ पावलक्‌भटे,

२ तिमोथि 1:5

मुँइ तोरा सत्य बिस्वासक् सम्झना करम्‍ना। उ बिस्वास पैल्हा तोरा बज्जयर लोइस आउँ तोरा माँयर युनिसै रैल्हाहा। तसौ उ बिस्वास तोरौसङ्‌हिं रहेस्ला बाजिहिन् मोरा पुरा बिस्वास रहैस्।