१ तिमोथि 5:10 - देवास राई

¹⁰ ओहेरङे करिहिन् ओहिं राम्‍रो कर्ल, ओक्‍राक् नाउँ चल्‍ल, जम्माहिंक्‌भटे आदर पाइल भेबापोर्लाहार। ओहिं आफ्निक् बेटायक-बेटिहिकलकलाइ राम्‍रोइसौ हुर्काल, आउँ पहुनालकलाइ आफ्निक् घरै सेवा-सत्कार कर्ल भेबापोर्लाहार। तसौ ओहिं परमेस्वरक् सेबकलकक् टाङ धोइदेल, दुक्खै पोर्लाहारलकलाइ मदप कर्ल आउँ यहेरङे ओर्कोउ राम्‍रो-राम्‍रो कामलक् कर्ल भेबापोर्लाहार।

१ तिमोथि 5:10 Խաչաձեւ Հղումներ

लुका 7:38

तसौ येसुक् पाछारिक्‌करे आहिन् ओक्‌राक् पाउ पोरिबानाइ, काँर्तिहि येसुक् टाङलक् लोरेसौ भिजातिहि आफ्निक् झोंटाइसौ पोंछ्‌तिहि ओक्‌राक् टाङ्‌लकै चुम्मा कर्तिहि महँङो खालक् अट्‌टर लागाइदेलकुन्।

लुका 7:44

तसौ येसुइ उ अइमाइक्‌पटि फर्किहिन् सिमोनलाइ बोल्‍लोकुन्, “सिमोन, यि अइमाइलाइ दिठाहिक् ता, मुँइ तोरा घरै आइल रहम्‍ना, भेटौ तुँइ मोरालाइ टाङ् धोबाहुक् पानिऔ नहिंदेओइ, तर यि अइमाइ मोरा टाङ् लोरेसौ धोहिन्, आफ्निक् कापारक् झोंटाइसौ पोंछिदेओक्।

प्रेरित 10:22

उखर्ह्‌वाइ ओक्‌रानि जुबाप देलिहिंक्, “एकजेना कर्नेलियस बाज्ल कप्‍ताने हाम्‍रानि पाठाल हो। उ एकदमे धर्मि आउँ परमेस्वरक् डर मान्लाहार मानुस रहैस्। आउँ जम्मा यहुदिलकुहु ओक्‌रानि एकदमे मान कर्थिला। एक्टा पबित्‌र स्वर्गोदुते ओक्‌राक्‌ठालाइ देख्वार पोरिबानाइ तोरानि ओक्‌राक् घरै हाँख्‍राइबानाइ तोराभटे खभरलक् सुन्बालाइ स्वर्गोदुते बोल्‍लो धरेला।”

प्रेरित 22:12

“ओछि हननिया नाउँ भेल एकजेना मानुस रैल्हक्। उ मोसाक् नियमक्‌भटे चल्‍लाहार धर्मि मानुस रैल्हक्, आउँ ओक्‌रानि दमस्कसै बस्लाहार जम्मा यहुदिलके मान-इज्जत कर्थिक्।

प्रेरित 6:3

उहेसिहिरे दाजु-भायहेलक्, तोहोराखर्ह्‌वाक् मध्‍येमा पबित्‌र आत्माइ पुराय रुपै चालाहिन्, बुद्‌धिगर आउँ जम्‍माहिक्‌भटे मान पाइल सातजेना मानुस छानहँ। जक्‌रालाइ हामि यि कामक् लागि चुनुहुँक्।

प्रेरित 9:36

योप्‍पा सहरै एकजेना पर्भुलाइ बिस्वास कर्लाहार अइमाइ रैल्हक्। ओक्‌राक् नाउँ तबिता रैल्हकुन्। जक्‌रालाइ गिरिक भासाइ डोरकास आको बाजथ्। जक्‌राक् अर्थसेहे हरिनि हो। ओहिं साँद्‍धाउनि ओर्कोक् लागि राम्‍रो काम करै आउँ गरिपलकुहुलाइ मदप करेथ्।

प्रेरित 9:39

तसौ पत्‌रुस उठिबानाइ उहेखर्ह्‌वाक्‌सङ्‌हिं योप्‍पा सहरै जाइलक्। ओछि पुग्नेसौ मानुसलके ओक्‌रानि घरक् उप्‍रक् कोठाइ लेगालिहिंक्। बिध्वालकेसेहे पत्‌रुसक् चारौपाखा ठड्‌ध्याइबानाइ तबिताइ बानाल लुगालक् देखाइबानाइ काँर्बा ठाल्‍लुहुन्।

१ तिमोथि 2:10

बरुस राम्‍रो कामक्‌भटे साजाइजाइल भेउस्, जुन्‌सेहे परमेस्वरक् भक्‍ति कर्लाहार अइमाइलकलाइ सोहायला।

१ तिमोथि 3:2

यिहेसिहिरे बिसपसेहे कुन्हुँहि दोस लागाबा नहिंपार्लाहार आउँ एक्टा माटेन् बहु भेल भेबापोर्लाहार। ओहिं आफ्निलाइ अधिनै धर्बा पार्लाहार, जम्मा कहिन् बुझ्बा पार्लाहार, चालचलन राम्‍रो भेल, पहुनाक् राम्‍रो सत्कार कर्लाहार आउँ बिस्वासिलकलाइ परमेस्वरक् बचनक् सिच्छा राम्‍रोइसौ सिखाबा पार्लाहार भेबा पोर्लाहार।

१ तिमोथि 3:7

बिसपसेहे मन्डलिसौ बाहारक् मानुसलकक्‌भटे आको आदर पाइल भेबापोर्लाहार। ओरोङ् भेनेमा माटेन् ओक्‍रानि मानुसलके निन्दा कर्बा नाप्पारथ्‌ आउँ सैतानक् जालुहुमा नापोरोइ।

१ तिमोथि 5:16

यदि कुन्हुँ बिस्वासि अइमाइक् परिबारै बिध्वालक् रहट्‌थ्ला भेने ओहिं उखर्ह्‌वालाइ मदप करुस्। यरङ् करिबुने मन्डलिय उखर्ह्‌वाक् दुक्खक् भार बोक्बा नापोरेक्। उहेसिहिरे कुन्‍हुँय नहिंभेल बिध्वालकलाइ माटेन् मन्डलिय हेरबिचार करुस्।

१ तिमोथि 5:25

ओहेरङ् करिहिन् कट्‌का राम्‍रो कामलक् ता आगारिय छर्लङ्‌य देखेला, आउँ कुन्हुँ राम्‍रो कामलक् छर्लङ् नहिंदेखेटौ उ कहिन् नुकिहिन् रहबा नाप्‍पारेक्।

१ तिमोथि 6:18

उखर्ह्‌वाइ राम्‍रो काम करुस्, आउँ राम्‍रो कामलकै धनि भेउस्, खुल्‍ला मनक् भेउस्, आउँ खाँचोमा पोर्लोलकलाइ देबाक् तियार भेबा बाजिहिन् बोल।

२ तिमोथि 1:5

मुँइ तोरा सत्य बिस्वासक् सम्झना करम्‍ना। उ बिस्वास पैल्हा तोरा बज्जयर लोइस आउँ तोरा माँयर युनिसै रैल्हाहा। तसौ उ बिस्वास तोरौसङ्‌हिं रहेस्ला बाजिहिन् मोरा पुरा बिस्वास रहैस्।

२ तिमोथि 2:21

यदि कुन्हुँ मानुसे आफ्निलाइ खाराब कामक्‌भटे सुद्‌ध पारैस् भेनेमा उ बिसेस कामक् लागि एक्टा पात्‍र बनैस्, आउँ घरक् मालिकक् लागि सुद्‌ध, काम लाग्लाहार आउँ जम्मा राम्‍रो कामक् लागि तियार भेइस्।

२ तिमोथि 3:15

तुँइ चुटुनाहिंसौ पबित्‌र धर्मसास्ट्‌रै लेख्ल बचन राम्‍रोइसौ जान्ल धरस्ला, यिहे कहिने तोरालाइ खिरिस्ट येसुमा बिस्वास करिबानाइ पाइलाहार मुक्‍तिक् बिसइमा ग्यान देस्ला।

२ तिमोथि 3:17

ताकि परमेस्वरक् मानुसलके पुरा रुपेसौं राम्‍रो कामलक् कर्बाक् लागि तियार भेउस्।

तितस 2:14

खिरिस्ट येसुइ हाम्‍रानि सेब्‌भ्‍रोउ पापक्‌भटे छुट्‌कारा देबाक्नि, हाम्‍रालाइ पबित्‌र बानाबाक्नि आउँ राम्‍रो काम कर्बाक् जोसिलो भेल मानुस बानाबाक्नि आफ्निक् पारान हाम्‍रा लागि देलक्।

तितस 2:7

तुँहि सेब्‌भ्‍रोउ कहिनै राम्‍रो नमुना बनिबानाइ आफ्निलाइ उखर्ह्‌वाक् आगारि देखाउ, आउँ तोरा सिच्छाइ इमान्दार, गम्भिर भेइबानाइ,

तितस 3:1

सासकलक् आउँ अधिकारिलकक् अधिनै बस्बा पोर्लाहार, उखर्ह्‌वाक् आग्या मान्बा पोर्लाहार, आउँ सेब्‌भ्‍रोउ थरिक इमान्दार काम कर्बाक्नि जख्नुहुटौ तियार भेबापोर्लाहार बाजिहिन् उखर्ह्‌वालाइ सम्झाहिखान्।

तितस 3:14

हाम्‍रा मानुसलक् राम्‍रो काम करिहिन् आउँ एकदमे खाँचोमा पोर्लोलकलाइ मदप करिहिन् आफ्निक् समइ बिताउस्, तसौ उखर्ह्‌वाक् जिबन फोर फोरालाहार भेट्‌थ्ला।

तितस 3:8

यि सत्य कहिन् हो। मुँइ चाहाम्‍ना कि तुँइ यि कहिनलकै जोर देउ, जैहिं परमेस्वरै बिस्वास कर्ल धरट्‌थ्ला, उखर्ह्‌वाइ राम्‍रो काम कर्बाक् ध्यान देउस्। किसाबुने यि जम्मा कहिनलक् मानुसलकक् लागि राम्‍रो आउँ फाइधा देलाहार कहिन् हो।