१ तिमोथि 4:16 - देवास राई

¹⁶ तसौ तोरा आफ्निक् जिबन आउँ तुँइ सिखाल सिच्छाक् बिसइमा होस्यार भेउ। यि कहिनै लागिहिन् बस्। यरङ् करिबुने तुँइ आफ्निक्‌लाइ आउँ तोरा कहिन् सुन्लाहारलकुहुलाइ बाँचास्खान्ला।

१ तिमोथि 4:16 Խաչաձեւ Հղումներ

मर्कुस 13:9

“भेटौ तोहोराखर्ह्‌वा आफ्निक् लागि होस्यार भेहिन् बसह। किसाबुने मानुसलके तोहोरानि अदालतै गर्थिबानाइ लेगाहेर्ला। सभाघरलकै तोहोरानि पिटेहेर्ला। मोरा नाँओक् खातिरमा बारा-हाकिम आउँ राजालकक् आगारि ठड्‌ध्याबा लागाहिन् मोरा साछि देबा पोरेहेर्ला।

लुका 21:34

“चङ्‍खारो भेहिन् बसह, भोज-भट्‍यारक् पाछु बुन् लागह, माटिहिन् बुन् हिंठह आउँ यि जिबनक् लागि चिन्ता धेरे बुन् करह। नाटेन् बुनेता तोहोराखर्ह्‌वाक् मन खुम्चिहिन् जाहेर्ला आउँ उ दिन तोहोराखर्ह्‌वाइ नहिंचिताल समइमा आहेरा।

प्रेरित 26:22

भेटौसुधा आजुसम्म मुँइ परमेस्वरक्‌भटेहि साहारा पाइल धरम्‍ना। उहेसिहिरे मुँइ यछि रैल्ह छोट्‌के-बर्के जम्माहिंलाइ उहे साछि देबाकलाइ ठड्‌ध्याल रहम्‍ना। अगमबक्‍तालके आउँ मोसाइ बाज्ल कहिनलक् अबस्य पाछु पुरा भेबा आयला बाज्बाक् कहिनेसौ ओर्को किच्‍छुय नाहाँ बोल्‍लो।

प्रेरित 6:4

हामि आफ्निसेहे जम्मा समइमा पाराथ्ना आउँ बचन सुनाबाक् कामै लागुहुँक्ला।”

१ थेसलोनिकि 2:16

उखर्ह्‌वाइ हाम्‍रालाइ अरजाति मानुसलकक्‌ठालाइ जाहिन् मुक्‍तिक् सुसमाचार सुनाबा नहिंदेलुहुन्। उहेरङ् करिहिन् उखर्ह्‌वाइ आफ्निक् उप्‍रै पापक् उप्‍रै पाप थप्टे जाइलुहुन्। तर आखिरमा परमेस्वरक् क्रोध उखर्ह्‌वाक् उप्‍रै पोर्लो रैल्हाहा।

१ तिमोथि 1:3

मुँइ माकेडोनिया इलाकाइ जाइलटाकै तोरानि एफिसस सहरिहिमा बस् बाजिहिन् आग्‍रह कर्ल धर्लमेर, अज्झौ आको मुँइ बोल्मेर्ला ओछि झुठा सिच्छा सिखालाहार मानुसलकलाइ असौ उप्‍रान्त बुन् सिखाहो।

१ तिमोथि 4:15

तोरा पुरा ध्यान आउँ पुरा सक्‍ति यिहे सिखाल कहिनलकै लागाउ, ताकि तोरा उन्‍नति जम्माहिं देखुस्।

१ तिमोथि 4:6

यि सेब्‌भ्‍रोउ कहिनलक् तुँइ बिस्वासि दाजुभाइलकलाइ सिखाइबुने तुँइ खिरिस्ट येसुक् एकजेना राम्‍रो सेबक ठहरस्ला। तसौ तुँइसेहे बिस्वासक् सत्यता आउँ राम्‍रो सिच्छाइ तालिम पाइल भेस्ला।

२ तिमोथि 2:10

उहेसिहिरे परमेस्वरे चुन्ल मानुसलकक् लागि मुँइ सेब्‌भ्‍रोउ दुक्ख सहबा पारम्‍ना, ताकि उखर्ह्‌वाहु खिरिस्ट येसुक्‌ठालाइ रैल्ह अनन्‍तक् महिमा आउँ मुक्‍ति पाबा पारुस्।

२ तिमोथि 3:14

तर तुँइसेहे आफ्नि सिख्ल आउँ पुरा मनक्‌भटे बिस्वास कर्ल सत्य सिच्छाइ साँद्‌धाउ लागिहिन् रहौ। किसाबुने यि कहिनलक् तुँइ कुनाहाँक्‌भटे सिख्ल रहस्ला बाजिहिन् तोरानि थाहाय रहेस्ला।

२ तिमोथि 4:2

उहेसैर्हे परमेस्वरक् बचन पर्चार करह, जख्नुहुँ भेटौ सुसमाचार पर्चार कर्बाक् लागि तियार भेहिन् बसह। पुरा धैर्यता आउँ होस्यारसाथ उखर्ह्‌वालाइ अर्ति देउ, हप्काउ, हौसला देउ।

तितस 1:9

ओक्‍रानि सिखाल सत्य बचनै उ स्थिर भेबापोर्लाहार, ताकि ओहिं ओर्कोलकलाइ आको यि सत्य बचनक्‌भटे साहास देबा पारुस्, आउँ उ सत्य बचनक् बिरोध कर्लाहारलकलाइ आको झुठ् हो बाजिहिन् परमान देबा पारुस्।

तितस 2:15

तुँइ यि कहिनलक् सिखाउ तसौ पुरा अधिकारेसौ उत्साह आउँ अर्ति देउ। तसौ कुन्हुँहि तोरानि हेला बुन् करुस्।

तितस 2:7

तुँहि सेब्‌भ्‍रोउ कहिनै राम्‍रो नमुना बनिबानाइ आफ्निलाइ उखर्ह्‌वाक् आगारि देखाउ, आउँ तोरा सिच्छाइ इमान्दार, गम्भिर भेइबानाइ,