Yohana 8:32 - Dadiya NT

³² Jǝ́ nyǝm nyǝm bɨlǝngkɛlɔ, bɨlǝngkɛlɔ nǝn gɔ jǝg jen nɛɨ.”

Yohana 8:32 Խաչաձեւ Հղումներ

Matta 11:29

Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Yohana 16:13

Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

Yohana 17:17

Kɛl mʊnɔ n bɨlǝngkɛlɨ. Bɛ ń saal ji sagsag a gola bɨlǝngkɛl.

Yohana 6:45

Ja mʊla mʊlaɨ a mʊgɔ langǝn bwangǝn nǝbkuwotǝmkǝgagɨɨ, sʊwa lɛ gɔ, ‘Pʌd jinɔ nǝn Kwaama mɛla jim lɛɨ.’ Pʌd nʊ nɨ a nyʊwa, a mɛla a daagɔ Tɛtɛ woi, bɛ bɛ a daa mǝ woi.

Yohana 7:17

Nʊ nɨ a jǝgǝm jʊ nɨ Kwaama swɨ lɛɨ, nyǝm nyǝm gɔ mɛlalɨ mǝndɨ a jel a daagɔ Kwaama woi, ke bɔ a daagɔ mǝ woi.

Yohana 8:36

Na Bwɛ a jǝg jeni, jǝ́ nya nya bɨlǝng jǝgtǝm.

Roma 6:22

Kanga Kwaama a jǝg jen a maatǝm bwɨlangkɛl jǝ́ yǝlam jwaalɛb gǝnɨ, sʊtǝmɔ jǝ́ nya lɛɨ, jǝ́ yǝlam sagsag, dɨltǝmɔ n kʊlɨ nɨ mɨ dɨtǝm woi.

Roma 8:15

Yʊwa nɨ jǝ́ yei, n ke bɔ Yʊwa nɨ dǝg jen jwaalɛn nɛ jǝ́ yɨ nǝn taal tagɨ. Yʊwa nɨ jǝ́ yei, a dǝg jen jǝ́ yǝlam bɛtɔ lɔ Kwaamaɨ, bǝ jo gǝn bǝngɔ, “Tɛtɛ.”

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

1 Korinti 7:22

Nʊ nɨ n bwɛ jwaalɛ kwama Tɛlalɔ a jo gǝnɨ, a nya jǝgtǝm dul a gola Tɛlalɔɨ. Nʊ nɨ nǝn yɨm dul kwama Tɛlalɔ a jo gǝnɨ, n bwɛ jwaalɛ Kiristii.

Galatiya 5:1

Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

2 Timoti 3:7

Kwangkwang jǝ mɛla kanjǝlɔ lɛ nǝn dʌmʌn. Ja gɨya nyǝmtǝm bɨlǝngkɛlɔ.

Yakubu 1:25

A nʊ nɨ a dǝg bʊʊlalɨ gǝnɔ a diil nɨ bɛ lɛ nǝn jǝgtǝm nyanɨ, a ja kǝga nǝn maatǝmɨ, ke bɔ nʊ nɨ nyʊwa lɛ a yǝla a twabǝmɨ, maa lɛɨ, nya nya bwili a mʊgɔ kanjǝl nɨ gǝ maa lɛ gwamɨ.

Yakubu 2:12

Bɛ kɛl jenɔ jǝbɔ maajɨ jenɔ a nʊng jǝ́ nǝb nɨ jǝ maa jem borang lɛ a dul diil nɨ nǝ jen jǝgtǝm dul lɛɨ.

1 Bitrus 2:16

Bɛ jǝ́ maa yɨm nyatǝm dul. Ka jǝ́ do lɛ nyatǝm dulɔ a yǝlam jem jǝ maatǝm shil. Bɛ jǝ́ yɨ yɨm jwaalɛb Kwaamaɨ.

2 Yohana 1:1

Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla nɔɔlɨ nɨ gǝm lɛ Kwaama a jǝgǝmɨ, jǝbɔ bɛtɔ lɔ gɨɨ wʊnɨ mǝ swɨ lɛ nǝn bɨlǝngǝnɨ. N ke bɔ mǝ kwaamɨ mǝ swɨ jen nɛɨ, jǝbɔ nǝbɔ gwam ja nyǝm bɨlǝngkɛlɨ.