Yohana 7:39 - Dadiya NT

³⁹ Yesu gǝ sʊwa kɛlɔ a dul Yʊwa Kwaamaɨ, wʊnɨ nǝb nɨ a nǝ bɨlǝngkɛl a daa gɔ woi jǝ yo lɛɨ. A kwama gɔ lǝga bɔ ja nǝ ji Yʊwa Kwaamaɨ, jʊ a bwɨɨ lǝga bɔ ja do Yesu a dʌbʌl dɨn.

Yohana 7:39 Խաչաձեւ Հղումներ

Matta 16:14

Nǝngɔ ja jǝla gɔ, “Kaamɨ sʊwa lɛ gɔ mʊ nǝn Yohana nǝ Yʊtǝm mwɛ Sagsagɔ, kaamɨ gɔ mʊ nǝn Iliya nǝkuwotǝmkǝga, kaamɨ tag gɔ mʊ nǝn Irimiya, kaamɨ gɔ mʊ na kaa win a mʊgɔ nǝbkuwotǝmkǝga.”

Matta 21:11

Nǝngɔ nǝb nɨ bwang Yesu gǝm lɛɨ, ja sʊwa gɔ, “Nʊ nɨ nǝn Yesu nǝkuwotǝmkǝga nɨ a Nazarat a tǝm Galilii.”

Luka 24:49

Ya mǝ twam jen twam jʊ Tɛtɛ mɨ a maa jem swatǝm yaaɨ. Jǝ́ yɨ fɔ a mʊgɔ Urushalima, ba la nǝn kwama Kwaama nǝ jen kwaan nɨ lɛ bɛ lɛ a dʌbʌli.”

Luka 3:16

Nǝngɔ Yohana a sʊwa ji gwam gɔ, “Mǝ, mǝ yʊ jen mwɛ sagsag nǝn mwɛ. A nʊ nɨ bɛ lɛɨ, wʊnɨ a laa ɨ dʊʊnɨ, mǝ la bɔ nyɔ n kwɨ dwang twam gǝnɔ. Nʊ gɔ yʊ jen mwɛ sagsag nǝn Yʊwa Kwaamaɨ jǝbɔ kǝla.

Luka 7:16

Taalɔ a ta ji gwam. Jǝ bǝlá Kwaama lɛ jǝ sʊwa lɛ gɔ, “Gʌleng nǝkuwotǝmkǝga a bɛ a kʊm bǝn. Kwaama a bɛ sǝ ba tɨka nǝb gǝnɔ.”

Yohana 1:21

Nǝngɔ ja bʌ gǝn gɔ, “Mɔ nǝn nuwo? Mɔ nǝn Iliya ka?” Nǝngɔ a jǝla ji gɔ, “Ɔ ɔ, mǝ ke bɔ gɔ.” “Nǝmɔ mʊ nǝkuwotǝmkǝgagɔ gǝ bɛ lɛɨ ka?” A yǝla jǝla ji gɔ, “Ɔ ɔ.”

Yohana 1:25

ja bʌ Yohana gɔ, “Na mʊ ke bɔ Kiristii, mʊ ke bɔ Iliya, mʊ ke bɔ nǝkuwotǝmkǝga nɨɨ, n wɛ a bwɨ mʊ yʊ nǝbɔ mwɛ sagsag lɛɨ?”

Yohana 1:33

A kwama gɔ mǝ nyǝm bɔ mǝʊ nǝn gɔ. Kwaama nɨ a twam mɨ gɔ n yʊ nǝbɔ mwɛ sagsagɨɨ, nǝngɔ a sʊwa ɨ gɔ, ‘Nʊ nɨ mʊ kuwo Yʊwa Kwaamaɨ a gǝla a yɨ a dul gǝnɨ, nǝn gɔ yʊ nǝbɔ mwɛ lɛ nǝn Yʊwa Kwaamaɨ.’

Yohana 12:16

Nǝn tɨkǝga bɛtɔ mɛlalɨ gǝnɔ ja nyǝm bɔ jʊ nɨ. Kwama nɨ Kwaama a gung Yesu a bwaaɨ, nǝngɔ ja bʊʊla gɔ jǝ maa mʊlalɨ nɨ a dul gǝn, ja bʊʊla gɔ nǝbɔ a maa kanjǝl nɨ kanga ja mʊlaɨ.

Yohana 12:23

Nǝngɔ Yesu a jǝla ji gɔ, “Kwamagɔ a la, wʊnɨ jǝ nʊng dʊʊlǝn Bʊla Nǝlɨ lɛɨ.

Yohana 14:13

Gwam jʊ nɨ jǝ́ kel a mʊgɔ dun mɨɨ, mǝ maa maa, sǝ Tɛ bwɛ a nya dʊʊlǝn a dul Bʊla gɨɨ.

Yohana 14:26

Nǝ tɨkalɨ nɨ n Yʊwa Kwaamaɨ, wʊnɨ Tɛtɛ twam lɛ a mʊgɔ dun mɨɨ, nǝn gɔ mɛla jem kanjǝl nɨ lɛ gwamɨ, sǝ a bʊʊla jem kɛltɨn nɨ gwam mǝ sʊwa jeni.

Yohana 16:14

Yʊwagɔ nɨ ɨ nɨ ɨ dʊʊn a gola sʊwatǝm jen kɛl mǝndɨɨ.

Yohana 16:7

Mǝ sʊwa jen bɨlǝngkɛlɔ lɛ, mǝ shu sǝ ya n maa jʊ nɨ a bʊm jemi, jʊ a bwɨɨ na mǝ shu bɨɨ, Nǝ tɨkalɨgɔ mɨsɔ bɛ lɛ. Na n yǝla shui, dɨsɔ la n twam jem gɔ.

Yohana 17:1

Nǝn kwama Yesu a sʊwam kanjǝl nɨɨ, nǝngɔ a gung dul gǝnɔ a dʌbʌl a maa keligɨɨ gɔ, “Tɛtɛ, kwamagɔ a la. Dʊʊl Bʊla mɔ, sǝ Bʊla mɔ a dʊʊl ń tǝgǝn.

Yohana 17:5

Kǝngkɔ, Tɛtɛ, dʊʊlɨ ɨ a kǝga mʊn nǝn dʊʊlǝn nɨ mǝ nǝn nǝbɔ mɔ nǝn tɨkǝga na lǝga bɔ ń fwal yooligɨɨ.

Yohana 20:22

A sʊwa nyɨɨ, nǝngɔ a fǝ jim fǝbǝm gǝnɨ, a sʊwa ji gɔ, “Jǝ́ yo Yʊwa Kwaamaɨ.

Yohana 6:14

Nǝbɔ a kuwo jǝ laatǝm kang nɨ Yesu a maaɨ, nǝngɔ ja sʊwa gɔ, “Bɨlǝngkɛl, nʊ nɨ nǝn gɔ nǝkuwotǝmkǝga nɨ ja sʊwa gɔ bɛ lɛ a yooli nɨɨ!”

Yohana 7:12

A mʊgɔ mʊrkatǝm nɨɨ, nǝbɔ sʊwaka kɛltɨn nɛ a kʊm jin a dul Yesui. Kaamɨ sʊwa lɛ daddad gɔ, “Nǝfili nyan.” Kaamɨ tag sʊwa lɛ gɔ, “Swagtǝm maa nǝbɔ gǝm lɛɨ.”

Yohana 8:54

Nǝngɔ Yesu a jǝla ji gɔ, “Na n nǝ dul mǝndɨ dʊʊlǝnɨ, dʊʊlǝn mǝndɨ mɨ a nyiyo jǝl. Nʊ nɨ dʊʊlɨ ɨ lɛɨ, nǝn gɔ nǝn Tɛtɛ mɨ, wʊnɨ jǝ́ sʊwa lɛ jengɔ Kwaama jeni.

Maajɨ Bɛtɔ Twamagɨɨ 19:2

Nǝngɔ a bʌ ji gɔ, “Jǝ́ nya Yʊwa Kwaamaɨ nǝn kwama jǝ́ nǝ bɨlǝngkɛlɨ ka?” Nǝngɔ ja jǝla gǝn gɔ, “Nǝn nyǝm bɔ nǝngɔ Yʊwa Kwaamaɨ wo.”

Maajɨ Bɛtɔ Twamagɨɨ 2:17

“ ‘Kwaama a sʊwa gɔ, nǝn kumtɨn dɨltǝm yooligɔ, Mǝ tal tal Yʊwa mǝndɨ a dul nǝbɨɨ gwam. Bɛtɔ batǝn jenɔ jǝbɔ bɛtɔnɔɔtǝn jenɔ jǝ maa maa kuwotǝmkǝga. Bɛtɔ bayǝlǝm jenɔ kuwo kuwo dʊgam nyangnyang. Dʊʊm jenɔ dʊga dʊga dʊgamtɨn.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Maajɨ Bɛtɔ Twamagɨɨ 2:4

Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Maajɨ Bɛtɔ Twamagɨɨ 3:13

Kwaama Ibrahimi, jǝbɔ Ishakui, jǝbɔ Yakubui, Kwaama tʊgalam bǝnɨ, nǝn gɔ a gung dun Bwɛ jwaalɛ gǝnɔ Yesui. Jǝ́ miyo gǝn sǝ ja jʌ gǝn, jǝ́ kɔ gǝn a kǝga Bilatusi, Bilatus nǝn tɨkǝga, a maa sǝ gǝ dem gǝm kang.

Maajɨ Bɛtɔ Twamagɨɨ 4:31

Nǝn kwama ja maam keli, nǝngɔ daagɔ ja mʊrkamɨ a mǝgaɨ. Nǝngɔ ja yii ji nǝn Yʊwa Kwaamaɨ, jǝ kiyo kɛl Kwaamaɨ lɛ mɨ taal wo.

Roma 8:9

Jen, n ke bɔ yɨm bwangtǝm bʊtɔ jǝ́ yǝmɨ, n yɨm Yʊwa, na Yʊwa Kwaamaɨ yǝm a mʊgɔ nǝl jeni. Nʊ nɨ pʌd mɨ nǝn Yʊwa Kiristii, ke bɔ a Kiristii.

2 Korinti 3:8

Mɨsɔ maajɨ nǝtǝm lǝma Yʊwagɔ laa dʊʊlǝn nɛ ka?

Afisa 4:30

Ka jǝ́ dǝg lɛ Yʊwa Kwaamaɨ fitǝm nǝl, wʊnɨ ja ka jem kwatɨ sǝ a nʊng bʊʊtǝm jenɔ a kɔkɔ jǝgtǝmɨ.