Yohana 5:40 - Dadiya NT

⁴⁰ Jǝ́ kɔ bɛtǝmɔ a daa mɨ woi sǝ jǝ́ nya kʊlɨ.

Yohana 5:40 Խաչաձեւ Հղումներ

Matta 22:3

A twam jwaalɛb gǝnɔ gɔ ya ja jo nǝbɔ ga sʊwa ji kɛl kangwaalɔ ga swɨɨ ja bɛ. Ja kɔ bɛtǝmɔ.

Matta 23:37

“A laa dɨsɔ jǝ́ nǝbɔ Urushalimaɨ, jǝ́ nǝbɔ Urushalimaɨ nɨ jǝ́ jʌbo nǝbkuwotǝmkǝgagɨɨ, jǝ́ mala nǝb nɨ ja twam ji a daa jen woi nǝn tɛl ja bʊlalaɨ! Naa nyǝn mǝ swɨ lɛ n dǝg jen a mʊgɔ gaamɨ mǝndɨ gǝmɨ, kanga jangagɔ gǝ dǝgam bɛlɨ gǝnɔ lɛ a mʊgɔ bɨlǝn gǝnɨ, jǝ́ kɔɨ!

Yohana 1:11

A bɛ a yooli nɨ, wʊnɨ na a gɨɨ, nǝbam gǝnɔ a yo gǝn bɔ.

Yohana 10:10

Nǝkuugɔ a bɛ sǝ ba kuu kuul, jǝbɔ jʌtǝm, jǝbɔ kaltǝm. Mǝ bɛ sǝ ja nya kʊlɨ, kʊlɨ nɨ a ladaɨ.

Yohana 3:19

Jʊ wɔ a bwɨ Kwaama a maa jim borangɨ, nyalǝmɔ a bɛ a yooligɔ gǝm, nǝbɔ a swɨ duddugigɔ a laa nyalǝmɔ, jʊ a bwɨɨ maajɨ jinɔ na a bwɨla gwam.

Yohana 5:39

Jǝ́ tɨtǝn kiyotǝm mʊlalɨ kɛl Kwaamaɨ, jʊ a bwɨɨ a kuwotǝm jenɔ gǝmɨ, jǝ́ nya nya kʊlɨ nɨ mɨ dɨtǝm woi a daa ji woi. Kɛl mʊlalɨtɨn Kwaamaɨ nɨ, nǝji jǝ sʊwa kɛl lɛ a dul mɨɨ.

Yohana 5:41

“Mɨ mǝ yo dʊʊlǝn nɛ a daagɔ nǝbɔ woi.

Yohana 5:44

La jǝ́ nǝ bɨlǝngkɛlɔ nyǝn, na jǝ́ swɨ saatǝm bǝlátǝm a kʊm jen, mɨ jǝ́ saa bǝlátǝm nɨ lɛ jel lɛ a daagɔ Kwaama woi kwaagɔ wini?

Yohana 6:27

Ka jǝ́ gaala lɛ a dul jǝjalǝn nɨ kala lɛɨ. Bɛ jǝ́ gaala a dul jǝjalǝn nɨ mɨsɔ kala lɛ woi, wʊnɨ nǝ kʊlɨ lɛ mɨ dɨtǝm woi. Wʊnɨ nǝn gɔ jǝjalǝnɔ Bʊla Nǝlɨ nǝ jen nɛɨ. A dul Bʊla Nǝlɨ Kwaama Tɛtɛ a kwɛl a gatǝn mɛl gǝnɔ tʌgoi, a jǝla nǝnɨ.”

Yohana 6:37

Pʌd nʊ nɨ Tɛtɛ a nɨ ɨɨ, jǝ bɛ bɛ a daa mɨ woi. Nʊ nɨ a bɛ a daa mǝ woi, mɨsɔ mǝ kaa gǝn nɛ.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

Dʊgam Nyangnyang 22:17

Yʊwagɔ jǝbɔ nɔɔgwaalɨgɔ a sʊwa gɔ, “Bɛ!” Nǝb nɨ gwam a nyʊwaɨ, bɛ ja sʊwa gɔ, “Bɛ!” Nǝb nɨ gwam nyʊwa diil mwɛ lɛɨ, bɛ ja bɛ. Nǝb nɨ swɨ mwɛ kʊlɨgɔ lɛɨ, ba ja yo lǝma mwɛ kʊlɨgɔ.