Roma 7:15 - Dadiya NT

¹⁵ Mǝ nyǝm bɔ jʊ a bwɨ mǝ maa jʊ nɨ nyɨɨ. Jʊ mǝ swɨ lɛ n maaɨ, n ke bɔ jʊ mǝ maa lɛɨ. Jʊ mǝ kɔɨ, n jʊ mǝ maa lɛɨ.

Roma 7:15 Խաչաձեւ Հղումներ

Luka 11:48

Jen nǝn dul jen jǝ́ nǝ nyiyo a jʊ tʊgalam jenɔ a maaɨ. Ja jʌbo nǝbkuwotǝmkǝgagɔ, nǝngɔ jǝ́ mɔba tuutɨn jini.

Yohana 15:15

Mɨsɔ mǝ sʊwa jen nɛ tag mǝʊ jǝ́ bɛtɔ jwaalɛn, jʊ a bwɨɨ, bwɛ jwaalɛ a nyǝm bɔ jʊ tɛlalɔ gǝnɔ maa lɛɨ. Mǝ sʊwa jen mǝʊ jǝ́ fatǝm, jʊ a bwɨɨ n sʊwa jen kanjǝlɔ gwam mǝ nyʊwa a daagɔ Tɛtɛ mɨ woi.

Roma 12:9

Bɛ swɨkan jenɔ a yǝlam bɨlǝngǝn. Bɛ jǝ́ kɔ jʊ nɨ na a bwɨlaɨ, bɛ jǝ́ ta jʊ nɨ a bʊm bʊmɨ nǝn kwaan dangǝn.

Roma 14:22

Nǝtǝm bɨlǝngkɛlɔ mʊ nǝn a dul kanjǝl nɨɨ, bɛ ń ta gǝn a tɨbǝl mʊn jǝbɔ Kwaama. Bwiligɔ na a nʊ nɨ nǝl gǝnɔ a nǝ gǝn bɔ bwɨlangkɛl a dul jʊ bʊʊlalɨ gǝnɔ a do n dǝngdǝngɨ.

Roma 7:16

Na n maa jʊ mǝ swɨ bɔ n maaɨ, n jǝla nyɔ diilɔ n jǝ nya.

Galatiya 5:17

Jǝ́ maa jʊ nɨ, jʊ a bwɨɨ bʊʊlalɨ bʊtɔgɔ maa kii lɛ jǝbɔ Yʊwagɔ, Yʊwagɔ tag maa kii lɛ jǝbɔ bʊʊlalɨ bʊtɔgɔ. Kanjǝl nɨ yoi, jǝ maaka kii lɛ a kʊm jin. N jʊ a bwɨ mɨsɔ jǝ́ dwal lɛ jǝ́ maa jʊ nɨ jǝ́ swɨ lɛ jǝ́ maaɨ.

2 Timoti 2:19

Fʌlʌm kan nyan mɔtǝm a Kwaamaɨ a ta tʌgo gwanggwang. Mɛl nɨ a bʊtɔ gǝnɨ sʊwa lɛ gɔ, “Tɛlalɔ a nyǝm nǝbam gǝnɔ,” jǝbɔ, “Pʌd nʊ nɨ a nʊng jǝlatǝm nǝn dun Tɛlalɔɨ, bɛ a bǝla maatǝm shilɔ wo.”

Ibranii 1:9

Ń swɨ maajɨ nɨ dǝngdǝngɨ, ń kɔ bwɨlang maajɨgɔ. A dul kɛl nɨ, Kwaama, Kwaama mʊnɔ a ya mʊn nwangɔ, nǝn gɔ a nǝ ń dʊʊn a dul katǝlam mʊnɨ.”

Yakubu 3:2

Pʌd bǝnɔ bǝ maa bwɨlangkɛl. Na kaa nǝl a maa bɔ bwɨlangkɛl a sʊwatǝm kɛlɨ, gɔ n nʊ nɨ dǝngdǝngɨ, dwal dwal a tɔɔ bʊtɔ gǝnɔ gwam.

Yahuza 1:23

Jǝ́ bʊʊ nǝn kaam nǝbɔ, maamɔ jǝ́ gʊm ji a kǝla. Tangǝn jinɔ jǝ́ ji bʊnǝn jinɔ nǝn nyʊwatǝm taal jʊ ja maaɨ a mʊgɔ nǝl jen, ka jǝ́ maa lɛ jʊ ja maaɨ. Jǝ́ sama kang a bɛllɛtɨn jinɔ gǝm wʊnɨ ja kal nǝn bwɨlang nǝl na yɨm nǝfilii.