Roma 1:25 - Dadiya NT

²⁵ Ja fʌto bɨlǝngkɛl Kwaamaɨ nǝn gabakɛl. Ja bǝlá jʊ nɨ Kwaama a fwalɨ, jǝ maa gǝm maajɨ lɛ. Ja kɔ Nǝ fwaltǝmɔ, nʊ nɨ bǝlátǝmɔ na a gɔ mɨ dɨtǝm woi. A daa nyɔ.

Roma 1:25 Խաչաձեւ Հղումներ

2 Korinti 11:31

Kwaama wʊnɨ nǝn gɔ nǝn Tɛtɛ Tɛlalɔ bǝn Yesui, wʊnɨ bǝlátǝmɔ na a gɔ mɨ dɨtǝm woi, a nyǝm ke bɔ gabakɛl mǝ maa lɛɨ.

Roma 9:5

Ibrahim, jǝbɔ Ishaku, jǝbɔ Yakubu n tʊgalam ji, Kiristi tǝgǝn a jel wo a dʊʊm jin a mʊgɔ bʊtɔ. Bɛ dʊʊlǝnɔ a ta tʌgo gwanggwang a daagɔ Kwaama woi mɨ dɨtǝm wo, gǝ nɨ a dul kanjǝlɔ gǝm gwamɨ. A daa nyɔ.

1 Yohana 5:20

Bǝ nyǝm Bʊla Kwaamaɨ a bɛ nǝngɔ a nǝ bǝn nyǝmtǝmɨ, sǝ bǝ nyǝm nʊ nɨ nǝn bɨlǝngkɛlɨ. Bǝn bǝ na a mʊgɔ gǝn, gǝ nɨ n nǝ bɨlǝngkɛlɨ, nǝn gɔ nǝn Bʊla gɔ Yesu Kiristii. Nǝn gɔ nǝn Kwaama nǝ bɨlǝngkɛlɨ, jǝbɔ kʊlɨ nɨ mɨ dɨtǝm woi.

Roma 1:23

Ja fʌto bǝlátǝm dʊʊlǝn Kwaamaɨ nɨ mɨsɔ bʊla lɛ woi, nǝn jelkalǝng nǝfilii, wʊnɨ bʊla lɛɨ, jǝbɔ lǝbɨtɨn, jǝbɔ namtɨnɔ, jǝbɔ kanjǝl nɨ wuul lɛ nǝn fʌli.

2 Timoti 3:4

jǝbɔ nǝb katǝm naa, jǝbɔ nǝbɔ mɨ nǝn bʊʊlalɨɨ, jǝbɔ nǝb sogan, jǝbɔ nǝbɔ swɨ lǝma lɛ a laa jim swɨtǝm Kwaamaɨ.

Roma 1:18

Kwaama a nʊng nabwɨl gǝnɔ a dʌbʌl a dul nǝb nɨ a kɔ bwangtǝm gǝnɨ jǝbɔ nǝb maatǝm bwɨlangkɛlɔ. Nǝb nɨ n nǝbɔ jǝ bǝm bɨlǝngkɛl lɛ a gola bwɨlangkɛl jinɔ gǝmɨ.

Matta 6:24

“Mɨ nʊ nɨ wo maa jwaalɛn nɛ a tɛlalɔtɨnɔ yoi. Gǝ kɔ kɔ win, ga swɨ a wini, gǝ jǝla jǝla nǝn win, mɨsɔ gǝ jǝla lɛ nǝn a wini. Mɨsɔ jǝ́ mʊrka bwangtǝm Kwaamaɨ lɛ jǝbɔ bwangtǝm kemʌn.

1 Tasalonikaɨ 1:9

Nǝji nǝn kang ji ja nǝ fulon fɔla nɨ nǝn maa a kʊm jeni, kanga jǝ́ bǝlam shomɔ, jǝ́ yǝla jǝ́ bwangtǝn Kwaama kʊlɨgɨɨ jǝbɔ a bɨlǝngkɛlɨ.

1 Timoti 1:17

Dʊʊnɔ jǝbɔ dʊʊlǝnɔ bɛ a yɨ a daagɔ Kwaama woi wʊnɨ mɨ dɨtǝm woi. Nǝn gɔ Fɔlɔ joltɨnɨ, nʊ nɨ mɨsɔ bʊla lɛ woi, mɨ jǝ kuwo lɛɨ, Kwaama nɨ wini. A daa nyɔ.

1 Timoti 1:11

Mɛlalɨ nɨ a yɔ dǝngdǝng jǝbɔ dʊʊlǝn fulon kɛl lǝmɨ, a Kwaamaɨ nǝ bwili, wʊnɨ a dǝg mɨ a kang sǝ n kiyoi.

Matta 10:37

“Nʊ nɨ a swɨ nyɨya gɔ jǝbɔ tɨya gɔ a laa ɨ, a la bɔ a yǝlam a mɨ. Nʊ nɨ a swɨ bʊla gɔ jǝbɔ bwɛnɔɔlɨ gǝnɔ a laa ɨ, a la bɔ a yǝlam a mɨ.

Afisa 3:21

Bɛ dʊʊlǝnɔ a ta tʌgo gwanggwang a daa gǝ woi a mʊgɔ mʊrkalɨ nǝb bwangtǝm Kwaamaɨ, a mʊgɔ Kiristi Yesui, a yɔ nǝn a joltɨnɔ gǝm pʌd mɨ dɨtǝm wo. A daa nyɔ.

Yohana 2:8

Nǝngɔ a sʊwa ji gɔ, “Jǝ́ dʊwa ya jǝ́ nǝ dʊʊ kangwaalɔ.” Nǝngɔ ja maa nyɨɨ.