Matta 3:11 - Dadiya NT

¹¹ “Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Matta 3:11 Խաչաձեւ Հղումներ

Matta 3:6

Jǝ sʊwa bwɨlangkɛl jinɔ lɛ. Yʊ ji mwɛ sagsagɔ lɛ a tiyo Urdun.

Markus 1:4

Yohana nǝ Yʊtǝm mwɛ Sagsagɔ a bɛ a mʊgɔ kuul, sʊwa nǝbɔ kɛl Kwaamaɨ lɛ gɔ, nǝbɔ a yǝla a bǝla bwɨlangkɛl jinɔ, sǝ ja yʊ ji mwɛ sagsag, sǝ ja kǝlǝm jim bwɨlangkɛltɨn jinɔ.

Luka 1:17

Ja ja kǝga a Tɛlalɔ gǝm a mʊgɔ yʊwa jǝbɔ kwaan na a Iliyaɨ. Yǝla yǝla nǝn nǝl tɛbɨɨ a daa bɛtɔ lɔ jii woi. Yǝla yǝla nǝn nǝb bǝngɨ lɔlɔ ja bwangtǝn gola nǝb yʊlanɨ jǝbɔ nǝb dǝngdǝngɔ.”

Luka 3:16

Nǝngɔ Yohana a sʊwa ji gwam gɔ, “Mǝ, mǝ yʊ jen mwɛ sagsag nǝn mwɛ. A nʊ nɨ bɛ lɛɨ, wʊnɨ a laa ɨ dʊʊnɨ, mǝ la bɔ nyɔ n kwɨ dwang twam gǝnɔ. Nʊ gɔ yʊ jen mwɛ sagsag nǝn Yʊwa Kwaamaɨ jǝbɔ kǝla.

Luka 3:3

Nǝngɔ Yohana a yɔ a daatɨnɔ gǝm gwam a kʌng tiyo Urduni, sʊwa nǝbɔ kɛl Kwaamaɨ lɛ gɔ, nǝbɔ a yǝla a bǝla bwɨlangkɛl jinɔ, sǝ ja yʊ ji mwɛ sagsag, sǝ ja kǝlǝm jim bwɨlangkɛltɨn jinɔ.

Yohana 1:15

Yohana a sʊwa kɛl a dul gǝn, a gung diil gǝnɔ, nǝngɔ a sʊwa gɔ, “Bwɛ nɨ nǝn gɔ mǝ sʊwa kɛl lɛ a dul gǝnɨ, nǝn kwama mǝ sʊwa mǝʊ, ‘Nʊ nɨ bɛ lɛ a gul mɨɨ a laa ɨ dʊʊnɔ, jʊ a bwɨɨ, wo nǝn kʊlɨ na lǝga bɔ ja bʌ i.’ ”

Yohana 1:30

Nǝn gɔ nʊ nɨ mǝ sʊwa jen kɛl lɛ a dul gǝnɨ mǝʊ, ‘Kaa nǝl bɛ lɛ a gul mɨ, wʊnɨ a laa ɨ dʊʊnɨ, wo nǝn kʊlɨ na lǝga bɔ ja bʌ i.’

Maajɨ Bɛtɔ Twamagɨɨ 1:5

Yohana a yʊ nǝbɔ mwɛ sagsagɔ nǝn mwɛ. Mɨsɔ kumɔ gǝlala lɛ, jǝ yʊ jen nǝn Yʊwa Kwaamaɨ.”

Maajɨ Bɛtɔ Twamagɨɨ 19:4

Bulus a sʊwa gɔ, “Yohana a yʊ jen mwɛ sagsagɔ sǝ a nʊng jǝ́ yǝla jǝ́ bǝla bwɨlangkɛl jenɔ. Gǝ sʊwa nǝbɔ gɔ ja nǝ bɨlǝngkɛl a nʊ nɨ bɛ lɛ a gul gǝnɨ, wʊnɨ nǝn Yesui.”

Maajɨ Bɛtɔ Twamagɨɨ 8:36

Ji a mʊgɔ yɔmɨ, nǝngɔ ya ja la kaa daa mwɛɨ. Nǝngɔ nʊ nɨ ja sʊ sʊɨ gɔ, “Dʌng mwɛmɔ wɔ. N wɛ a bwɨ mɨsɔ mʊ yʊ ɨ mwɛ sagsagɔ lɛɨ?” [

Maajɨ Bɛtɔ Twamagɨɨ 8:38

Nǝngɔ a sʊwa nǝbam gǝnɔ gɔ ja tɨ nǝn tʊwatɨn nɨ gʊ kʌntʌlʌn tʊwa kemʌnɔ lɛɨ. Nǝngɔ ja gǝla ja yɔ ya ja dɔ mʊgɔ mwɛ nɨɨ. Nǝngɔ Filibus a yʊ nʊ nɨ ja sʊ sʊɨ mwɛ sagsagɨɨ.

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Titus 3:5

nǝngɔ a bʊʊ nǝn bǝnɨ. Ke bɔ kaa maajɨ dǝngdǝng a wʊnɨ bǝ maaɨ. Mɨ nyɔ. A ji bʊnǝn bǝn. A bʊʊ nǝn bǝn a gola nǝtǝm Yʊwa Kwaamaɨ, wʊnɨ a saalǝm bǝn a fʌto bǝn bǝ yǝlam bʌtʌm fɨɨ.

1 Bitrus 5:5

Jǝ́ bayǝlǝmɔ, jǝ́ nǝ shigtǝm dul a nǝb dʊʊm bwangtǝmɔ gǝm. Pʌd jenɔ bɛ jǝ́ nǝbka shigtǝm dul, jʊ a bwɨɨ, “Kwaama maa kii lɛ jǝbɔ nǝb gungtǝm dulɔ, maa nǝb shigtǝm dulɔ gǝm lǝma lɛ.”