Matta 19:9 - Dadiya NT

⁹ Mǝ sʊwa jen nɛ, gwam nʊ nɨ a dem kang a nwala gɔ gǝmɨ, na ke bɔ a kɛl buloni, na ga naa kaaɨ, gǝ maa bulon. Nʊ nɨ a naa nɔɔlɨ nɨ ja dem kangɨ, gǝ maa bulon.”

Matta 19:9 Խաչաձեւ Հղումներ

Matta 19:10

Nǝngɔ bɛtɔ mɛlalɨ gǝnɔ a sʊwa gǝn gɔ, “Na gǝ na nyɔ a kʊm balɨ jǝbɔ nwala gɨɨ, a laa jǝl ka batǝmɔ ya naa lɛ nɔɔlɨ.”

Matta 19:8

Yesu a sʊwa ji gɔ, “N bǝngɨ lɔl jenɔ Musa a jǝla jem gɔ jǝ́ dem kang a nɔɔtǝm jenɔ gǝmɨ, galɨgǝnɨ mɨ nyɔ.

Matta 5:32

Kǝngkǝnɨ mǝ sʊwa jen nɛ, na nʊ nɨ a dem kang a nwala gɔ gǝmɨ, na ke bɔ bulon a maaɨ, a dǝg gǝn a maatǝm bulon. Na balɨ nɨ a naa nɔɔlɨ nɨ a jʌ naakanɨ, gǝ maa bulon.

Luka 16:18

“Nʊ nɨ gwam a dem kang a nwala gɔ gǝm a naa kaaɨ, gǝ maa bulon. Nʊ nɨ tǝgǝn a naa nɔɔlɨ nɨ ja dem gǝm kangɨ, gǝ maa bulon.”

1 Korinti 5:1

Jǝ sʊwa lɛ gɔ maatǝm bulonɔ wo a kʊm jen, a wʊnɨ mɨ jǝ maa lɛ a kʊm nǝb nɨ ke bɔ nǝb bwangtǝmɨ. Kaa gǝ do do nwala tɛtɛ gɨɨ a daa nǝn.

1 Korinti 7:39

Dwang naakanɔ wo a kwɨl nɔɔlɨɨ, na bwɨla gǝ nǝn kʊlɨɨ. Na bwɨla gɔ a bʊlaɨ, dwang naakanɔ a tulo. Gǝ naa naa kaa balɨ nɨ ga swɨɨ. Bɛ a yǝlam nǝ bwangtǝm Tɛlalɔɨ.

1 Korinti 7:4

Nɔɔlɨ mɨ nǝn kwaan a dul bʊtɔ gǝn, na ke bɔ bwɨla gɨɨ. Gǝ na nyɔ balɨ tǝgǝn mɨ nǝn kwaan a dul bʊtɔ gǝn, na ke bɔ nwala gɨɨ.