Matta 10:16 - Dadiya NT

¹⁶ “N wɔ mǝ twam jen nɛ na kwamɨ a kʊm bangashɨtɨn. A dul kɛl nɨɨ, jǝ́ yǝlam nǝb yʊlan na sɔɔtɨn, na kumfiyotɨn wʊnɨ mɨ maa fanyal lɛɨ.

Matta 10:16 Խաչաձեւ Հղումներ

Matta 24:25

N kwɛl n sʊwa jen sʊwaɨ, sǝla a bwɨɨ.

Matta 24:45

“Nuwo n bwɛ jwaalɛ, n nǝ tatǝm swatǝm yaa jǝbɔ nǝ yʊlanɨ? N nʊ nɨ tɛlalɔ gǝnɔ a ya gǝn dʌngtǝm lɔ gǝnɨ, ya nǝ ji jǝjalǝnɔ lɛ nǝn kwama jǝ jam lɛɨ.

Matta 25:2

Nʊ a kʊm jin ja fʌm fʌmi. Nʊ n nǝb yʊlan.

Matta 25:4

Nǝb nɨ nǝn yʊlanɨ, ja wɔɔ kwal nwangɔ jǝbɔ fitila jinɔ.

Matta 25:9

Nǝngɔ nǝb nɨ nǝn yʊlanɨ a sʊwa ji gɔ, ‘A nǝnɔ mɨsɔ la nǝm lɛ jǝbɔ jen. Jǝ́ yɔ a daa nǝb miyotǝmɔ woi, ya jǝ́ ten a jenɔ wo.’

Luka 10:3

Jǝ́ ta yɔmɔ. N wɔ n twam jen na bɛl kwamɨtɨn a kʊm bangashɨtɨn.

Luka 21:15

Mǝ nǝ jen nǝ kɛlɔ jǝbɔ yʊlanɔ jǝ́ kʌshi dul jenɔ lɛ nǝnɨ, sǝ a yǝlam mɨ nǝ kii jenɔ nɨ wo nya gola tuwol jenɔ lɛɨ.

Maajɨ Bɛtɔ Twamagɨɨ 20:29

“N nyǝm na n shui, kaam bwɨlang bangashɨtɨn dɔ dɔ a kʊm jen. Mɨsɔ jǝ bǝla kʌmɔ lɛ.

1 Korinti 14:20

Kambɔ, ka jǝ́ maa lɛ bʊʊlalɨ bɛtɨɨ. A daa shil, bɛ jǝ́ yǝlam na bɛtɔ fetʌn. A daa maatǝm bʊʊlalɨ, bɛ jǝ́ yǝlam na dʊʊm.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

2 Korinti 11:14

N ke bɔ jǝ tatǝm kang a nyiyo, jʊ a bwɨɨ Mammɔ nǝn kang gǝn gǝ yǝla yǝla nǝn dul gǝnɔ na bwɛ twama Kwaamaɨ nɨ nǝn nyalǝmɨ.

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

2 Korinti 8:20

Nǝ mwal kage nǝbɔ a tuwo nǝn a dul nǝtǝm nɨ jǝ nǝ lɛ nǝlɔ win nǝ tǝga lɛɨ.

Filibii 2:15

Jǝ́ maa nyɔ sǝ jǝ́ yǝlam nǝb nɨ mɨ nǝn jǝ tuwoli, nǝb sagsag, bɛtɔ lɔ Kwaamaɨ nɨ mɨ nǝn kʊlanɨ. Jǝ́ yɨ yɨm jenɔ a kʊm nǝb nɨ dulɔ a yǝla yǝlaɨ, nǝb bwɨlangkɛlɔ, nyalǝm jenɔ won nɛ ganggang a kʊm jin a yooli nɨ.

Kolosii 1:9

N jʊ a bwɨ nǝn di nɨ nǝn nyʊwa fuloni, nǝn bǝla jem bɔ maatǝm keligɔ, nǝn kela Kwaama lɛ sǝ a nǝ jen nyǝmtǝm jʊ nɨ swɨ lɛ jǝ́ maaɨ jǝbɔ yʊlan a dul kanjǝl Yʊwa.

Kolosii 4:5

Bɛ jǝ́ yɨ yɨm jenɔ nǝn yʊlan a mʊgɔ nǝb nɨ ke bɔ nǝb bwangtǝmɨ. Jǝ́ maa maajɨ nǝn gola nɨ jǝ́ nyaɨ.

1 Tasalonikaɨ 2:10

Jǝ́ nǝb nǝtǝm nyiyo, gǝ na nyɔ a daa Kwaama woi, a yɨm sagsagɔ, jǝbɔ yɨm dǝngdǝngɔ, jǝbɔ yɨm nɨ mɨ nǝn kʊlanɨ nǝn yɨ a kʊm jeni, jǝ́ nǝbɔ jǝ́ nǝ bɨlǝngkɛlɨ.

1 Tasalonikaɨ 5:22

Jǝ́ kɔ jʊ nɨ gwam a yǝlam shili.