Luka 8:48 - Dadiya NT

⁴⁸ Yesu a jǝla gǝn gɔ, “Bʊla mɨ, nǝtǝm bɨlǝngkɛl mʊnɔ a gung ń. Yɔ kwamɨgǝn.”

Luka 8:48 Խաչաձեւ Հղումներ

Matta 12:20

Mɨsɔ kǝl mɛlang nɨ lɛ a lʊʊ lʊʊɨ, mɨsɔ dum kǝla nɨ lɛ saa dumotǝm lɛɨ, a yɔ nǝn a kwama nɨ a dǝg bɨlǝngkɛlɔ la ku jelʌni.

Matta 8:13

Nǝngɔ Yesu a sʊwa nǝ dʊʊ sʊwajaam nɨ gɔ, “Yilo, kanga mɔ nǝ bɨlǝngkɛlɨ, maa maa nyɔ!” Tʌgo a kang nǝngɔ bwɛ jwaalɛ gǝnɔ a gun a bɔɔla gǝnɔ gǝmɨ.

Matta 9:2

Nǝngɔ ja bɛ gǝm nǝn nʊ nɨ bʊtɔgɔ a swam swamɨ, daam a wɨlǝn. Yesu a kuwo nǝtǝm bɨlǝngkɛl jini, nǝngɔ a sʊwa nʊ nɨ a swam swamɨ gɔ, “Bʊla mɨ, maa fulotǝm nǝl. N kǝlǝm mʊn bwɨlangkɛl mʊnɔ.”

Matta 9:22

Yesu a yǝla a dʌng gǝnɨ, nǝngɔ a sʊwa gǝn gɔ, “Bʊla mɨ, maa fulotǝm nǝl. Nǝtǝm bɨlǝngkɛl mʊnɔ a gung ń.” Tʌgo a kang nɔɔlɨ nɨ a gun.

Markus 5:34

Nǝngɔ a sʊwa gǝn gɔ, “Bʊla mɨ, nǝtǝm bɨlǝngkɛl mʊnɔ a gung ń. Yɔ kwamɨgǝn. N gung ń a twɨla mʊnɔ gǝm.”

Luka 17:19

Nǝngɔ Yesu a sʊwa gǝn gɔ, “Gun yilo, nǝtǝm bɨlǝngkɛl mʊnɔ nǝn gɔ a gung ńi.”

Luka 18:42

Yesu a jǝla gǝn gɔ, “Nya kuwotǝm daa. Nǝtǝm bɨlǝngkɛl mʊnɔ a gung ń.”

Luka 7:50

Nǝngɔ Yesu a sʊwa nɔɔlɨ nɨ gɔ, “Nǝtǝm bɨlǝngkɛl mʊnɔ nǝn gɔ a bʊʊ nǝn mʊɨ, ya kwamɨgǝn.”

Luka 8:47

Nɔɔlɨ nɨ kuwo lɛ jǝ nyǝm gǝn nyǝmɨ, nǝngɔ a jeli, bʊtɔgɔ ka lɛ nǝn kʌbkʌb nyɔ. A jʊng a kǝga Yesui a sʊwa gǝn jʊ a bwɨ gǝ ke gǝnɨ, jǝbɔ lǝma nɨ gǝ nya tʌgo a kangɨ.

Maajɨ Bɛtɔ Twamagɨɨ 14:9

Nyʊwa kiyotǝm kɛl Bulusi lɛ. Nǝngɔ Bulus a ya gǝm nui. Bulus a kuwo nǝtǝm bɨlǝngkɛl gǝnɔ, wʊnɨ dǝg lɛ ja gung gǝnɨ.

2 Korinti 6:18

Mǝ yǝlam yǝlam Tɛ a daa jen woi. Jen tʌjen jǝ́ yǝlam yǝlam bɛtɔ lɔ mɨɨ, batǝm jǝbɔ nɔɔtǝm, N sʊwatǝm Tɛlalɔ Nǝ Kwaanɨ.”

Ibranii 4:2

Ja sʊwa bǝn fulon kɛl lǝmɨgɔ kanga ja sʊwa jii. Kɛl nɨ ja sʊwa ji ja maa bɔ maajɨ nǝn, jʊ a bwɨɨ, nǝbɔ a nyʊwaɨ ja kɔ nǝtǝm bɨlǝngkɛl nǝn jʊ ja nyʊwaɨ.