Luka 8:28 - Dadiya NT

²⁸ Kwama a kuwo Yesui, nǝngɔ a ga kamɨgɨɨ gɔ, “Yesu, Bʊla Kwaamaɨ, Nǝ Dʊʊnɔ, n wɛ mʊ saa lɛ a daa mɨ woi? N kela ń ka ń nɨ ɨ lɛ gaalan.”

Luka 8:28 Խաչաձեւ Հղումներ

Matta 8:29

Nǝngɔ ja ga kwaalɨ gɔ, “Bʊla Kwaamaɨ, n wɛ a mʊrka nǝn jǝbɔ mʊɨ? Mʊ bɛ sǝ ba ń nǝ nǝn gaalan kumɔ a lǝga bɔ a laɨ?”

Luka 8:27

Kwama nɨ Yesu a gǝla a tɨyamwɛngɔ gǝm a kʌng wɨmaɨ, nǝngɔ kaa nǝ yʊwa bwɨla a tuulɔ gɔ ba tǝga gǝnɨ. Nʊgɔ mɨ dʊʊ dwang lɛ. Mɨ gǝ daa lɛ a lɔ. Gǝ daa a kalfʌto.

Luka 8:29

Jʊ a bwɨ a sʊwa nyɨɨ, Yesu a kwɛl a sʊwa yʊwa bwɨlagɔ gɔ a jelʌm a daa gǝ woi. Yʊwa bwɨlagɔ maa maajɨ lɛ nǝn gɔ a kʊta. Nǝbɔ tɔɔ gǝn nɛ tɔɔɨ. Kang gǝnɔ jǝbɔ naa gǝnɔ gwam ja bwabam bwabamɨ nǝn golman. Na yʊwa bwɨlagɔ a gung gǝnɨ, a tulolam golmanɔ sǝ a shu nǝn gɔ a kuul.

Yakubu 2:19

Ń nǝ bɨlǝngkɛl Kwaama win ka? N dǝngdǝng. Nǝblaamɔ tʌji a nǝ bɨlǝngkɛl nyɔ. Bʊtɔ jinɔ ka lɛ kʌbkʌb nǝn taal.

2 Bitrus 2:4

Kwaama a nyʊwa bɔ bʊnatǝm bɛtɔ twama gǝnɨ kwama ja maam bwɨlangkɛlɨ, a mal ji a lɔ kǝla. A tʊng ji a bʊwantɨn nɨ a tushi a fi kumtojilii, sǝ ba la nǝn di mwatɨtǝm borangɔ.

1 Yohana 3:8

Nʊ nɨ gwam maa bwɨlangkɛl lɛɨ, na a mammɨ. Jʊ a bwɨɨ, nǝn tɨkǝga mammɔ n nǝ maatǝm bwɨlangkɛl. Jʊ a bwɨ Bʊla Kwaamaɨ a bɛ sǝ a kalǝm maajɨ mammɨ.

Dʊgam Nyangnyang 20:10

Mammɔ tǝgǝn nǝ swagtǝm jinɔ, jǝ mal gǝn a mʊgɔ gʌto kǝla nɨ twɨ lɛ a fo, a shii, wʊnɨ n daagɔ ja mǝlam yʊwal bwɨla nɨ jǝbɔ nǝkuwotǝmkǝga gabakɛlɔ woi. Jǝ nʊng ji gaalanɔ nɛ wo, kum jǝbɔ kɔkɔ mɨ dɨltǝm wo.