Luka 8:15 - Dadiya NT

¹⁵ Dʊʊm nɨ a tǝla a tǝm nyanɨ, n nǝbɔ na a nyʊwa kɛl Kwaamaɨ ja ta gwanggwang nǝlɔ wini, ja kʊ nǝl ja jǝg dʊʊmɔ a ladaɨ.

Luka 8:15 Խաչաձեւ Հղումներ

Matta 24:13

Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

Luka 11:28

Nǝngɔ a jǝla gǝn gɔ, “Bwiligɔ na a nǝb nɨ nyʊwa kɛl Kwaamaɨ lɛɨ jǝ bwangtǝn nɛɨ.”

Luka 6:45

Nǝ nya gǝ maa kanjǝl nɨ a bʊmɨ, a kanjǝl bʊmɨ nɨ a yʊ a mʊgɔ nǝl gǝnɨ. Bwɨlang nǝfili gǝ maa kanjǝl nɨ a bʊm bɨɨ, kanjǝl nɨ a yʊ nǝl gǝnɨ a bʊm bɔ. Jʊ a mʊgɔ nǝlɨ nǝn gɔ jel lɛ a nyiyoi.

Luka 8:14

Dʊʊm nɨ a tǝla a kʊm sholaɨ, n nǝb nɨ a nyʊwa kɛl Kwaamaɨ. Na jǝ daamɨ, komʌn kanjǝl yooligɔ, jǝbɔ saatǝm shilogɔ jǝbɔ nyʊwatǝm lǝmagɔ ba bǝmǝm bɨlǝngkɛlɔ. Mɨ jǝ maa jǝ nya lɛɨ.

Luka 8:16

“Mɨsɔ nǝl kul fitila lɛ sǝ a do kʌshi a sum tʌgo. Mɨsɔ gǝ swa lɛ a sʊʊ wɨlǝn. Na ga kul fitilagɨɨ, gǝ swa a dʌbʌl kʌngteng, sǝ nǝbɔ a kuwom daa nǝn.

Yohana 14:15

“Na jǝ́ maa mɨ swɨtǝm lɛɨ, jǝ́ bwangtǝn bwang diil mǝndɨ.

Yohana 15:10

Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Roma 6:22

Kanga Kwaama a jǝg jen a maatǝm bwɨlangkɛl jǝ́ yǝlam jwaalɛb gǝnɨ, sʊtǝmɔ jǝ́ nya lɛɨ, jǝ́ yǝlam sagsag, dɨltǝmɔ n kʊlɨ nɨ mɨ dɨtǝm woi.

Roma 7:18

N nyǝm mɨ jǝ nyan wo a mǝ gǝm, a bʊtɔ mɨ. Mǝ swɨ lɛ n maa jʊ nɨ a bʊm bʊmɨ sul, mǝ dwal bɔ n maa.

Roma 7:4

A na nyɔ kɛtǝlam mɨ, jǝ́ bʊla a diilɔ gǝm a gola bʊtɔ Kiristii, jʊ a bwɨɨ sǝ jǝ́ yǝlam a kaa nǝlɨ, wʊnɨ ja gung gǝn a bwaaɨ, sǝ jǝ́ maa maajɨ nya a kǝga Kwaamaɨ.

Roma 8:25

Na bǝ ya nǝl lɛ a jʊ nɨ bǝ nya bɨɨ, bǝ yam nǝn kʊtǝm nǝl.

1 Korinti 7:19

Nǝ biyotǝm mwɛnɔ, jǝbɔ nʊ nɨ a biyo bɨɨ, mɨsɔ sʊ kaa jǝl lɛ. Jʊ a laa jǝlɨ, n kɨlatǝm diil Kwaamaɨ.

Afisa 2:8

N gola lǝma Kwaamaɨ a bʊʊ nǝn jen a nǝtǝm bɨlǝngkɛlɨ. N ke bɔ kwaan dul jen. N nǝtǝm lǝma a daagɔ Kwaama woi.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Ibranii 10:36

Jǝ́ kʊ nǝl, sǝ na jǝ́ maa jʊ Kwaama swɨ lɛɨ, jǝ́ nya nya jʊ nɨ a maa jem swatǝm yaaɨ.

Ibranii 2:1

A dul kɛl nɨ, bɛ bǝ sʊtǝn bʊʊlalɨ dangǝn a kanjǝl nɨ bǝ nyʊwaɨ, kage bǝ swɨmam nǝn.

Yakubu 1:4

Bɛ jǝ́ bǝla kʊtǝm nǝl jenɔ a yii maajɨ gǝnɔ, sǝ a yɔ nǝn jen a yɨm tatǝm dul jǝbɔ yɨm nyangǝn, jǝ́ gaa bɔ kaa jǝl.

1 Yohana 2:3

Na bǝ bwangtǝn diiltɨn gǝnɔ lɛɨ, n gola nɨ bǝ nyǝm lɛ bǝ nyǝm gǝnɨ.