36 Ya jǝ́ ji bʊnǝn nǝfitʌmi lɛ kanga Tɨya jen ji bʊnǝn nǝbɨɨ lɛɨ.
Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.
Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.
“Bɛ ka jǝ́ mwatɨ lɛ borang, jen tʌjen mɨsɔ jǝ mwatɨ jem borang lɛ. Bɛ ka jǝ́ tuwo lɛ nǝl nǝn bwɨlang jǝl, jen tʌjen mɨsɔ jǝ tuwo jen nɛ. Bɛ jǝ́ kǝlǝm nǝbɔ gǝm, jen tʌjen jǝ kǝlǝm jem kǝlǝm.
Bɛ jǝ́ wʊlaka jǝbɔ kanjǝl nɨ gwam, nǝl kɔkan, jǝbɔ gungtǝm nǝl, jǝbɔ nabwɨl, jǝbɔ kɨlan, jǝbɔ kalkatǝm dun, jǝbɔ maatǝm shil nǝn dʌmʌn.
A yʊlan nɨ a bɛ a dʌbʌli nǝn gɔ a yɔ nǝn bǝn nǝn tɨkǝga a sagsagɨɨ, nǝngɔ bɛ lɛ nǝn yɨm kwamɨgǝnɨ, jǝbɔ yʌbtǝm dul, jǝbɔ shigtǝm dul, jǝbɔ jitǝm bʊnǝn wʊnɨ maa jǝ nya lɛɨ. Mɨ nʊng swɨtǝm dul lɛ jǝbɔ maatǝm fento.
